UP પોલીસ પેપર લીક કેસમાં ભરતી બોર્ડના અધ્યક્ષને પદ પરથી હટાવવામાં આવ્યાં

• રેણુકા મિશ્રાની જગ્યાએ રાજીવ કૃષ્ણને ભરતી બોર્ડની જવાબદારી સોંપવામાં આવી
• 60,000થી વધુ કોન્સ્ટેબલ ભરતીની જગ્યાઓ માટે 48 લાખથી વધુ ઉમેદવારોએ ભાગ લીધો!

લખનઉ, 5 માર્ચ: યુપી પોલીસ ભરતી પેપર લીક કેસમાં મોટી કાર્યવાહી કરવામાં આવી છે. રિક્રુટમેન્ટ બોર્ડના ચેરપર્સન રેણુકા મિશ્રાને પદ પરથી હટાવી દેવામાં આવ્યાં છે. જેની જગ્યાએ હવે રાજીવ કૃષ્ણને ભરતી બોર્ડની જવાબદારી સોંપવામાં આવી છે. ઉલ્લેખનીય છે કે, ઉત્તર પ્રદેશમાં 60,000થી વધુ કોન્સ્ટેબલ ભરતીની જગ્યાઓ માટે 48 લાખથી વધુ ઉમેદવારોએ ભાગ લીધો હતો. પેપર લીક થયા બાદ આ પરીક્ષા રદ કરવામાં આવી હતી.

Uttar Pradesh Police Recruitment paper leak case | Recruitment Board Chairperson Renuka Mishra has been removed from the post and Rajeev Krishna has been given the responsibility of the Recruitment Board.

More than 48 lakh candidates had participated in more than 60,000…

— ANI (@ANI) March 5, 2024

મહત્વનું છે કે, રેણુકા મિશ્રાને વેઈટલિસ્ટમાં રાખવામાં આવ્યા છે એટલે કે ક્યાંય પોસ્ટિંગ આપવામાં આવ્યું નથી. રાજીવ કૃષ્ણને ડાયરેક્ટર વિજિલન્સ એસ્ટાબ્લિશમેન્ટની સાથે ડીજી રિક્રુટમેન્ટ બોર્ડનો હવાલો પણ આપવામાં આવ્યો છે.

પેપર લીક કેસમાં અનેક લોકોની ધરપકડ

પેપર લીક કેસમાં અત્યાર સુધીમાં અનેક લોકોની ધરપકડ કરવામાં આવી છે. તાજેતરમાં, ઉત્તર પ્રદેશ પોલીસ ભરતી પેપર લીક કેસમાં, SOG સર્વેલન્સ સેલ, STF યુનિટ ગોરખપુર અને ઇટાવા પોલીસે 4 આરોપીઓની ધરપકડ કરી હતી. તેમની પાસેથી ઉમેદવારોની માર્કશીટ, એડમિટ કાર્ડ, કોરો ચેક, મોબાઈલ ફોન અને લેપટોપ મળી આવ્યા હતા. આ પહેલા પેપર લીકના આરોપી નીરજ યાદવની પણ આ કેસમાં ધરપકડ કરવામાં આવી છે. તે બલિયાનો રહેવાસી છે અને અગાઉ મર્ચન્ટ નેવીમાં કામ કરતો હતો. જોકે બાદમાં તેણે નોકરી છોડી દીધી હતી. મથુરાના એક વ્યક્તિએ તેમને આન્સર કી મોકલી હતી. STF આ મામલે તપાસ કરી રહી છે.

પેપર લીક પર મુખ્યમંત્રી યોગી આદિત્યનાથે શું કહ્યું?

સીએમ યોગી આદિત્યનાથે કહ્યું હતું કે, “તેઓ ઉમેદવારોની જિંદગી સાથે રમત થવા દેશે નહીં.” અધિકારીઓને આગામી 6 મહિનામાં ફરીથી પોલીસ કોન્સ્ટેબલની ભરતીની પરીક્ષા લેવાનો આદેશ આપવામાં આવ્યો છે. તેમણે વધુમાં કહ્યું હતું કે, “અમે પહેલા દિવસથી જ સંકલ્પ લીધો હતો કે જો નિમણૂક પ્રક્રિયા પ્રામાણિકપણે આગળ નહીં વધે તો તે યુવાનો સાથે રમત થઈ કહેવાશે.”

તેને રાષ્ટ્રીય પાપ ગણાવતા સીએમ યોગી આદિત્યનાથે કહ્યું હતું કે, જો યુવાનો સાથે અન્યાય થાય છે તો તે રાષ્ટ્રીય પાપ છે. અમે પહેલા દિવસથી જ નક્કી કર્યું છે કે અમે પણ ઝીરો ટોલરન્સની નીતિ અપનાવીશું અને યુવાનોના જીવન અને ભવિષ્ય સાથે રમત કરનારા તત્વો સામે કડકમાં કડક કાર્યવાહી કરીશું. સરકાર ફરી એકવાર આવા લોકો સામે કાર્યવાહી કરવા જઈ રહી છે, જેની શરૂઆત તેણે કરી હતી. કારણ કે આપણે ટેકનોલોજીનો ઉપયોગ કરીએ છીએ, તે તત્વો પણ આપણી જેમ ટેકનોલોજીનો ઉપયોગ કરી રહ્યા છે.”

આ પણ જુઓ: વીડિયો શેર કરીને શખ્સે PM મોદી અને સીએમ યોગીને મારી નાખવાની ધમકી આપી