Gold શોપિંગમાં ભારત નંબર 1, પછી તુર્કી અને પૉલેન્ડ; જૂઓ WGCનો આ રિપોર્ટ
HD ન્યૂઝ : ભારતમાં સોનાની માંગ હંમેશા રહે છે. તેનું પણ એક કારણ છે. એટલે કે અહીંના લોકો સોનું ખરીદવાનું સૌથી વધુ પસંદ કરે છે. સોના પ્રત્યેનું આકર્ષણ માત્ર સ્ત્રીઓનું જ નથી, પુરુષોનું પણ છે. ભારત જેવા દેશમાં માત્ર ઘરેણાંમાં જ નહીં પણ સોનાના સિક્કા અને અન્ય સ્વરૂપોમાં પણ સોનાની માંગ હંમેશા રહે છે. બીજી તરફ આંતરરાષ્ટ્રીય સંસ્થા વર્લ્ડ ગોલ્ડ કાઉન્સિલનો રિપોર્ટ સામે આવ્યો છે. જેમાં કહેવામાં આવ્યું છે કે વિશ્વની તમામ સેન્ટ્રલ બેંકોની સરખામણીમાં ભારતીય રિઝર્વ બેંક એટલે કે આરબીઆઈએ વર્ષના છેલ્લા 10 મહિનામાં સૌથી વધુ સોનું ખરીદ્યું છે.
ખાસ વાત એ છે કે સોનાની ખરીદીનો આ આંકડો ગત વર્ષ કરતા 5 ગણો વધુ છે. તુર્કિયે બીજા સ્થાને અને પોલેન્ડ ત્રીજા સ્થાને છે. સોનાની ખરીદીમાં મોખરે રહેલું ચીન આ યાદીમાં નથી. જ્યારે અમેરિકા પણ ક્યાંય દેખાતું નથી. વર્લ્ડ ગોલ્ડ કાઉન્સિલના રિપોર્ટમાં કેવા પ્રકારની માહિતી આપવામાં આવી છે.
અમારા WhatsApp ગ્રુપમાં જોડાવા આ લીંક પર ક્લીક કરો
https://chat.whatsapp.com/K2iNelyylPD9ZoDNpMuN9o
ભારત સૌથી વધુ સોનું ખરીદે છે
વર્લ્ડ ગોલ્ડ કાઉન્સિલ (WGC) એ પોતાના રિપોર્ટમાં કહ્યું છે કે ઓક્ટોબરમાં વિશ્વભરની કેન્દ્રીય બેંકોએ 60 ટન સોનાની ખરીદી કરી હતી, જેમાં ભારતીય રિઝર્વ બેંક (RBI) 27 ટન સોનાની ખરીદી સાથે સૌથી આગળ હતી. ઇન્ટરનેશનલ મોનેટરી ફંડ એટલે કે IMFના માસિક રિપોર્ટના આધારે WGCના આ આંકડાઓ અનુસાર, ભારતે ઓક્ટોબર મહિનામાં તેના સોનાના ભંડારમાં 27 ટનનો વધારો કર્યો છે, જેના કારણે આ વર્ષે જાન્યુઆરીથી ઓક્ટોબર સુધીમાં તેની કુલ સોનાની ખરીદી વધીને 77 ટન થઈ ગઈ છે. WGCએ જણાવ્યું હતું કે RBI દ્વારા આ સોનાની ખરીદી ગયા વર્ષના સમાન સમયગાળાની સરખામણીમાં પાંચ ગણો વધારો દર્શાવે છે. ડેટા દર્શાવે છે કે આ ખરીદી સાથે, ભારતનો કુલ સોનાનો ભંડાર હવે 882 ટન છે, જેમાંથી 510 ટન ભારતમાં હાજર છે.
પોલેન્ડ અને તુર્કિયે પણ આ યાદીમાં
WGCએ જણાવ્યું હતું કે ઊભરતાં બજારોની મધ્યસ્થ બેન્કોએ સોનાની ખરીદીમાં તેમનું વર્ચસ્વ જાળવી રાખ્યું છે. આ યાદીમાં તુર્કી બીજા સ્થાને છે. જેણે વર્ષના પ્રથમ 10 મહિનામાં તેના સોનાના ભંડારમાં 72 ટનનો વધારો કર્યો છે. જ્યારે પોલેન્ડ ત્રીજા સ્થાને છે. જાન્યુઆરી-ઓક્ટોબર 2024 દરમિયાન પોલેન્ડે તેના સોનાના ભંડારમાં 69 ટનનો વધારો કર્યો છે. આ રિપોર્ટમાં કહેવામાં આવ્યું છે કે આ ત્રણ દેશો ભારત, તુર્કી અને પોલેન્ડની સેન્ટ્રલ બેંકોએ આ વર્ષે સોનાની કુલ વૈશ્વિક ચોખ્ખી ખરીદીમાંથી 60 ટકા ખરીદી કરી છે.
ભારતમાં સોનાના ભાવ
ભારતમાં સોનાની કિંમત 76 હજાર રૂપિયા પ્રતિ દસ ગ્રામથી વધુ છે. દેશના મલ્ટી કોમોડિટી એક્સચેન્જ પર બુધવારે સોનાની કિંમત 76,476 રૂપિયા પ્રતિ દસ ગ્રામ જોવા મળી હતી. બીજી તરફ દેશની રાજધાની દિલ્હીમાં સોનાનો ભાવ 79 હજાર રૂપિયા પ્રતિ દસ ગ્રામ પર કારોબાર કરી રહ્યો છે. જાણકારોના મતે લગ્નની સિઝનમાં સોનાના ભાવમાં વધારો જોવા મળે છે. આંતરરાષ્ટ્રીય બજારમાં સોનાની કિંમતમાં વધારો થવાનું મુખ્ય કારણ કેન્દ્રીય બેંકો દ્વારા વધુ ખરીદી માનવામાં આવે છે.
આ પણ વાંચો : મોંઘવારીથી મધ્યમવર્ગને કોઈ રાહત નહીં, RBIએ સતત 11મી વખત રેપોરેટમાં કોઈ ફેરફાર ન કર્યા
