રશ્મિકા મંદાના જોવા મળી નશામાં ધૂત, જુઓ-વીડિયો

બોલિવૂડના મેગાસ્ટાર અમિતાભ બચ્ચન અને રશ્મિકા મંદાનાની ફિલ્મ ‘Goodbye’ના ફેન્સ ઘણા સમયથી રાહ જોઈ રહ્યા હતા. હાલમાં જ ફિલ્મનું ટ્રેલર રિલીઝ કરવામાં આવ્યું હતું, જેને દર્શકોનો સારો પ્રતિસાદ મળ્યો હતો, જ્યારે હવે ફિલ્મનું બીજું ગીત ‘The Hic’ રિલીઝ કરવામાં આવ્યું છે. આ ગીતમાં રશ્મિકા મંદાના ક્લબમાં ફરીને ડાન્સ કરતી જોવા મળી રહી છે. શોર્ટ ડ્રેસમાં નશામાં ધૂત રશ્મિકાના આ અવતારને તમે પહેલાં નહીં જોયો હોય.

ગુડબાય બીજું ગીત રિલીઝ થયું

આ ગીતમાં રશ્મિકા મંદાના ક્લબમાં ડાન્સ કરતી જોવા મળી રહી છે. ફિલ્મમાં રશ્મિકા અમિતાભ બચ્ચનની દીકરીનો રોલ કરી રહી છે, જેમાં બંનેના વિચારોની લડાઈ જોવા મળશે. ”The Hic” ગીતમાં શાર્વી યાદવ અને રૂપાલી મોઘેએ પોતાનો અવાજ આપ્યો છે. થોડા જ સમયમાં આ ગીતને જબરદસ્ત વ્યુઝ પણ મળ્યા છે.

7મી ઓક્ટોબરે રિલીઝ થશે ફિલ્મ

તમને જણાવી દઈએ કે ”The Hic’ આ ફિલ્મનું બીજું ગીત છે, આ પહેલા ‘જયકાલ મહાકાલ’ને પણ ખૂબ પસંદ કરવામાં આવ્યું હતું. ‘Goodbye’ એક ફેમિલી ડ્રામા ફિલ્મ છે, જેમાં તમને કોમેડી, ઈમોશન, લવ અને નોકઝોંકનો ઘણો મસાલો જોવા મળશે. ફિલ્મમાં નીના ગુપ્તા અમિતાભ બચ્ચનની પત્નીનો રોલ કરી રહી છે. આ જોડી પહેલીવાર ફિલ્મી પડદે સાથે કામ કરી રહી છે.

વિકાસ બહલ દ્વારા નિર્દેશિત અને લખાયેલ, Goodbye ફિલ્મ એક્તા કપૂર અને શોભા કપૂર દ્વારા નિર્મિત છે. આ ફિલ્મમાં અમિતાભ બચ્ચન, રશ્મિકા મંદાના અને નીના ગુપ્તા ઉપરાંત સુનીલ ગ્રોવર, એલી અવરામ, પાવેલ ગુલાટી, અભિષેક કાનન અને સાહિલ મહેતા પણ મુખ્ય ભૂમિકામાં છે. આ ફિલ્મ 7 ઓક્ટોબરે સિનેમાઘરોમાં રિલીઝ થશે.