ગરબામાં ‘પુષ્પા’નું સામી-સામી ગીત પણ હિટ, રશ્મિકા મંદાનાએ કરી ફની કોમેન્ટ
રશ્મિકા મંદાનાની ફિલ્મ ગુડબાય ટૂંક સમયમાં રિલીઝ થવા જઈ રહી છે. દરમિયાન,તેની છેલ્લી ફિલ્મ પુષ્પા: ધ રાઇઝનું સામી-સામી ગીત હજુ પણ લોકોના મનમાં તાજું છે. હાલમાં દેશભરમાં નવરાત્રીની ધામધૂમથી ઉજવણી કરવામાં આવી રહી છે. આ દરમિયાન આ ફિલ્મના લોકપ્રિય ગીત સામી-સામી પર ગરબાનું કોરિયોગ્રાફ કરવામાં આવ્યું છે. જેને જોઈને રશ્મિકા આવાક થઇ ગઈ અને ફની કોમેન્ટ કરી ખેલૈયાઓનો ઉત્સાહ વધાર્યો હતો.
Craaaaazzzyyyyyy ????????????
— Rashmika Mandanna (@iamRashmika) September 26, 2022
ગરબામાં ‘પુષ્પા’નું સામી-સામી ગીત પણ હિટ
રશ્મિકાએ ગુજરાતની એક ડાન્સરના વીડિયો પર પ્રતિક્રિયા આપી છે. જેમાં ખેલૈયાઓ ગરબા સ્ટાઈલમાં સામી-સામી પર ડાન્સ કરતા જોવા મળી રહ્યા છે. રશ્મિકાની ફિલ્મ પુષ્પાઃ ધ રાઇઝ 2021માં રિલીઝ થઈ હતી. આ ફિલ્મને કારણે તે રાતોરાત દેશભરમાં લોકપ્રિય બની ગઈ હતી. તેલુગુ સુપરહિટ ફિલ્મમાં તેણે સામી-સામી ગીતમાં જબરદસ્ત ડાન્સ કર્યો હતો. આ ગીતનું હૂક સ્ટેપ રાતોરાત ચર્ચાનો વિષય બની ગયું હતું. હવે ફરી એકવાર આ ગીત નવરાત્રી દરમિયાન ચર્ચામાં છે.
રશ્મિકા મંદાનાએ કરી ફની કોમેન્ટ
ગુજરાતના એક ડાન્સર ગ્રુપે આ ગીત પર જોરદાર ગરબા ડાન્સ કર્યો છે. આ ગીતના વીડિયો પર રશ્મિકા એ પોતાની પ્રતિક્રિયા આપી છે. નોંધપાત્ર રીતે છેલ્લા ઘણા દિવસોથી પરંપરાગત ગરબા નૃત્યમાં સામી-સામી સ્ટેપનો સમાવેશ કરવામાં આવ્યો છે. ઘણા લોકો આ ગીત પર રિહર્સલ કરતા જોઈ શકાય છે. આમાં શ્રીવલ્લી ગીતની સ્ટાઈલ પણ ઉમેરવામાં આવી છે. આ ફિલ્મમાં અલ્લુ અર્જુનની મહત્વની ભૂમિકા હતી.
વીડિયો શેર કરતી વખતે ફેને લખ્યું કે, ‘આ વખતે નવરાત્રિમાં ગુજરાતીઓ પુષ્પાના ગીત બલમ સામી-સામી પર ગરબા કરી રહ્યા છે.’ જેના જવાબમાં રશ્મિકાએ ‘ક્રેઝી’ લખ્યું છે. આ સિવાય તેણે બે ઈમોજી પણ મૂક્યા છે. પુષ્પા ધ: રાઇઝનો સેકન્ડ પાર્ટ વર્ષ 2023માં રિલીઝ થશે.
