ક્રિસમસ પર ધૂમ મચાવશે રણવીર અને રોહિતની ફિલ્મ, આ દિવસે આવી રહ્યું છે ટ્રેલર

રોહિત શેટ્ટીની ફિલ્મો ખાસ હોય છે અને ફિલ્મમાં દર્શકોને આકર્ષવા માટે તમામ મસાલા હોય છે. રોહિતની આગામી ફિલ્મ ‘Cirkus’ છે, જેમાં તેનો ફેવરિટ એક્ટર રણવીર સિંહ લીડ રોલમાં છે. આ ફિલ્મ ઘણા સમયથી ચર્ચામાં છે. જોકે હવે તેના ચાહકોને આ ફિલ્મ માટે વધુ રાહ જોવી પડશે નહીં.

ક્રિસમસ પર ‘Cirkus’ આવી રહ્યું છે

હાલમાં જ રણવીર સિંહે એક પોસ્ટ શેર કરતા જણાવ્યું કે તેની આગામી ફિલ્મ Cirkusનું શૂટિંગ પૂર્ણ થઈ ગયું છે અને ત્યાર બાદ ફિલ્મના પ્રમોશનની તૈયારીઓ શરૂ થઈ જશે. તેણે કહ્યું હતું કે ફિલ્મ વધુ લોકો સુધી પહોંચે તે માટે મેકર્સ પાસે કેટલાક માસ્ટર પ્લાન છે. જણાવી દઈએ કે આ પહેલા રણવીર સિંહ અને રોહિત શેટ્ટી ‘સિમ્બા’માં કામ કરી ચુક્યા છે. બંને ફરી એકવાર ફિલ્મ ‘Cirkus’ માટે સાથે આવ્યા છે. તેમની ફિલ્મ આગામી 23મી ડિસેમ્બરે ક્રિસમસના અવસર પર એટલે કે 23મીએ રિલીઝ થશે.

આ દિવસે ‘Cirkus’નું ટ્રેલર આવી રહ્યું છે

ફેન્સ ફિલ્મ ‘Cirkus’ના અપડેટની આતુરતાથી રાહ જોઈ રહ્યા હતા, હવે મીડિયા રિપોર્ટ્સ અનુસાર, સર્કસના મેકર્સ ડિસેમ્બરના પહેલા અઠવાડિયામાં ટ્રેલર રિલીઝ કરવાની યોજના બનાવી રહ્યા છે. આવી સ્થિતિમાં, એવું માનવામાં આવે છે કે ટ્રેલર 1 થી 3 ડિસેમ્બરની વચ્ચે મોટા પાયે રિલીઝ થશે. એવું કહેવામાં આવી રહ્યું છે કે ટ્રેલર લોન્ચની સાથે જ ફિલ્મના બે મોટા ગીતો પણ રિલીઝ કરવામાં આવશે, જેમ કે રોહિત શેટ્ટીની દરેક ફિલ્મ સાથે થયું છે.

જણાવી દઈએ કે આ એક પીરિયડ કોમેડી ફિલ્મ છે, જે જૂના જમાનાની ફિલ્મ ‘અંગૂર’ પર આધારિત છે. ફિલ્મમાં રણવીર સિંહની સાથે પૂજા હેગડે અને જેકલીન ફર્નાન્ડીઝ જોવા મળશે. આ પ્રથમ વખત હશે જ્યારે રણવીર આ ફિલ્મમાં ડબલ રોલમાં જોવા મળશે.