રણવીર સિંહે ઉત્સાહમાં #exploreindianislandનું ટ્વિટ તો કર્યું પણ…
- રણવીર સિંહે ભારતીય ટાપુઓ પર પર્યટનને પ્રોત્સાહન આપવા માટેની પોસ્ટમાં કરી ગફલત
- રણવીર સિંહએ ભારતીય પર્યટનને પ્રોત્સાહન આપવા માટે PM સાથે જોડાયેલા બોલિવૂડ સેલિબ્રિટીઓમાંનો એક
મુંબઈ, 8 જાન્યુઆરી : ભારતીય ટાપુઓ પર પર્યટનને પ્રોત્સાહન આપવા માટે વડાપ્રધાન નરેન્દ્ર મોદી સાથે જોડાયેલા બોલિવૂડ સેલિબ્રિટીઓમાં સામેલ થવા રણવીર સિંહને પણ ઉત્સાહ જાગ્યો હતો. જોકે, આ ઉત્સાહના અતિરેકમાં રણવીર સિંહ મજાકનો ભોગ બન્યો. રણવીર પોતે કઈ તસવીરો શૅર કરી રહ્યો છે તેનું તેને ધ્યાન ન રહ્યું અને છેવટે ભૂલ સુધારવી પડી હતી. બન્યું એવું કે, રણવીરે પોતે ટ્વિટર પર શૅર કરેલી ‘ભારતીય ટાપુઓ’ (#exploreindianisland)ની પોસ્ટ ત્યારે ડીલીટ કરી દીધી જ્યારે ટ્વિટરના એક યુઝરે તેને કહ્યું કે, ટ્વિટ સાથે દર્શાવવામાં આવેલી તસવીર લક્ષદ્વીપની નહીં પણ તે માલદીવની છે. અભિનેતા રણવીરસિંહને તેની આ ગફલતનો અહેસાસ થતાં તરત જ તેણે તેની આ પોસ્ટ ડિલીટ કરી નાખી હતી. પરંતુ હાલ અભિનેતાની ગફલતને લોકો ટ્રોલ કરી રહ્યા છે.
You are promoting Indian islands while putting a picture of Maldives.
What is wrong with you, Ranveer? pic.twitter.com/lf0VAWE2GJ
— Suraj Balakrishnan (@SurajBala) January 8, 2024
રણવીરની ગૂફ-અપ
રવિવારે, રણવીર સિંહે તેના X (ટ્વિટર) હેન્ડલ પર એક વિચિત્ર ટાપુની તસવીર પોસ્ટ કરી અને લખ્યું, “આ વર્ષ 2024ને ભારતમાં એક્સપ્લોર કરવા અને આપણી સંસ્કૃતિનો અનુભવ કરવા માટે બનાવીએ. આપણા દેશની સુંદરતા અને દરિયાકિનારા પર જોવા અને એક્સપ્લોર કરવા માટે ઘણું બધું છે. ચલો ભારત ચાલો, #exploreindianisland, ચલો ભારત દેખે (ચાલો ભારતને એક્સપ્લોર કરીએ). આ ટ્વિટ સાથે તેણે એક તસવીર પણ શૅર કરી હતી.
રણવીર સિંહની આ ગફલત પર શું કહ્યું ટ્વિટર યુઝર્સે ?
જો કે, ટ્વિટર યુઝર્સે ઝડપથી રણવીર સિંહની પોસ્ટ પર લખીને જણાવ્યું કે, તેણે આ કેપ્શન સાથે જે તસવીર શેર કરી છે તે લક્ષદ્વીપ કે કોઈ ભારતીય ટાપુની નથી, પરંતુ માલદીવની છે. અન્ય એક યુઝરે લખ્યું, “તમે માલદીવની તસવીર મૂકીને ભારતીય ટાપુઓનો પ્રચાર કરી રહ્યા છો. ભાઈ રણવીર, તમને શું તકલીફ છે?”
સોશિયલ મીડિયાએ આ ગફલત તરફ ધ્યાન દોર્યા પછી, રણવીરે તરત જ પોસ્ટ કાઢી નાખી અને તેને ફરીથી શેર કરી, આ વખતે સુરક્ષિત બાજુએ રહેવા માટે કોઈપણ તસવીર વગરની પોસ્ટ શેર કરી. કરેક્શન પછી પણ યુઝર્સે રણવીરને છોડ્યો ન હતો. તેણે લખ્યું કે, “ડિલીટ કરવામાં મોડું થયું, ઇન્ટરનેટ હંમેશા જીતે છે (આંસુ ઇમોજીસ સાથે).” બીજાએ ટિપ્પણી કરી કે, “માલદીવની એક તસવીર પોસ્ટ કરી અને કાઢી નાખી (જોતી આંખોની ઇમોજી).”
રણવીર સહિત બોલિવૂડની હસ્તીઓ માલદીવની વારંવારની મુલાકાત માટે જાણીતી છે. હકીકતમાં, રણવીર અને તેની એક્ટર-પત્ની દીપિકા પાદુકોણ સોમવારે વેકેશન માટે મુંબઈ એરપોર્ટ પરથી ફ્લાઈટ પર જતા જોવા મળ્યાં હતાં. જે ક્યાં ગયાં હતાં તે હજુ જાણવા મળ્યું નથી.
ભારતીય ટાપુઓનો પ્રચાર કરતા અન્ય સેલેબ્સ
અમિતાભ બચ્ચન, શ્રદ્ધા કપૂર, વરુણ ધવન, સલમાન ખાન, અક્ષય કુમાર, કંગના રનૌત, જ્હોન અબ્રાહમ અને અન્ય જેવી બોલીવુડ હસ્તીઓ #exploreindianisland સાથે ‘વિઝિટ લક્ષદ્વીપ કેમ્પેઇન’માં જોડાઈ છે. 2 જાન્યુઆરીના રોજ, પીએમ મોદીએ કેન્દ્રશાસિત પ્રદેશ લક્ષદ્વીપની મુલાકાત લીધી હતી અને સ્નોર્કલિંગમાં આવીને આનંદદાયક અનુભવ કર્યો હોવાની સહિત અનેક તસવીરો શેર કરી હતી.
આ પણ જુઓ :PM મોદી પર અપમાનજનક નિવેદન બાદ ભારતે માલદીવ્સના હાઈ કમિશનરને સમન્સ પાઠવ્યું
