રણવીરે ‘અપના ટાઈમ આયેગા’ ગાઈને બર્થ ડે પાર્ટીમાં મચાવી ધૂમ, વીડિયો વાયરલ

• રણવીર સિંહ તેના એક નજીકના મિત્રના જન્મદિવસની ઉજવણીમાં ગયો હતો, જ્યાં તેણે તેની ફિલ્મ ‘ગલી બોય’નું લોકપ્રિય ગીત ‘અપના ટાઈમ આયેગા’ ગાયું હતું અને પાર્ટીમાં ધૂમ મચાવી હતી.

6 એપ્રિલ, મુંબઈઃ અનંત અંબાણીના પ્રી-વેડિંગ ફંક્શનમાં પોતાનો જાદુ બતાવ્યા બાદ હવે ફરી એકવાર રણવીર સિંહ એક બર્થડે પાર્ટીમાં પોતાના પરફોર્મન્સથી ચાર ચાંદ લગાવતો જોવા મળ્યો છે. રણવીર સિંહ તેના એક નજીકના મિત્રના જન્મદિવસની ઉજવણીમાં ગયો હતો, જ્યાં તેણે તેની ફિલ્મ ‘ગલી બોય’નું લોકપ્રિય ગીત ‘અપના ટાઈમ આયેગા’ ગાયું હતું અને પાર્ટીમાં ધૂમ મચાવી હતી.

પાર્ટીમાંથી રણવીર સિંહનો એક વીડિયો સોશિયલ મીડિયા પર વાયરલ થઈ રહ્યો છે. આ વીડિયોમાં રણવીર બ્લેક શર્ટ, બ્લેક પેન્ટ પહેરીને અફલાતુન હેરસ્ટાઈલમાં જોવા મળી રહ્યો છે. રણવીર સિંહ થોડી હાઈટ પર જઈને પરફોર્મ કરતો જોવા મળે છે. તેનો અવાજ, તેનો આત્મવિશ્વાસ અને તેની એનર્જી ખરેખર મહેફિલ ગજવી દે છે.

સામે આવી ઈનસાઈડ તસવીરો

વાયરલ થયેલા વીડિયોમાં પાર્ટીમાં હાજર અન્ય લોકો રણવીર સિંહ સાથે ગીત ગાતા અને વીડિયો બનાવતા જોઈ શકાય છે. પાર્ટીની અંદરની ઘણી તસવીરો પણ સામે આવી છે. જેમાં રણવીર સિંહ તેના મિત્રો અને મહેમાનો સાથે સેલ્ફી લેતો જોવા મળે છે.

રણવીર સિંહ પિતા બનવા જઈ રહ્યો છે

ઉલ્લેખનીય છે કે રણવીર કપૂર ખૂબ જલ્દી પિતા બનવા જઈ રહ્યો છે. રણવીર અને દીપિકા પાદુકોણે થોડા સમય પહેલા પહેલી પ્રેગ્નન્સીની જાહેરાત કરી છે. એક પોસ્ટમાં, દંપતીએ જણાવ્યું હતું કે તેઓ સપ્ટેમ્બર 2024 માં તેમના પ્રથમ બાળકનું સ્વાગત કરશે. રણવીર હવે રોહિત શેટ્ટીની ‘સિંઘમ અગેન’માં જોવા મળશે. આ સિવાય તેની પાસે ‘ડોન 3’ પણ છે.

આ પણ વાંચોઃ વિદ્યા બાલનની ‘દો ઔર દો પ્યાર’નું ટ્રેલર રિલીઝ, આ દિવસે રિલીઝ થશે ફિલ્મ