રાની ઇન પેરિસ: તાપસી પન્નુએ ઓલિમ્પિકમાં લેહરાવ્યો ભારતીય ધ્વજ, જૂઓ વાયરલ તસવીરો
- બોલિવૂડ અભિનેત્રી આ દિવસોમાં પેરિસની ગલીઓમાં વેકેશન માણતી જોવા મળી
પેરિસ, 31 જુલાઇ: બોલિવૂડ અભિનેત્રી તાપસી પન્નુ આ દિવસોમાં વેકેશન પર છે. તે પેરિસની ગલીઓમાં ખૂબ જ મસ્તી કરી રહી છે. તાપસી તેની પેરિસ ટ્રિપનો સંપૂર્ણ આનંદ લેતા દેખાઈ રહી છે. પેરિસમાં ફરવાની સાથે અભિનેત્રી ઓલિમ્પિકમાં ભાગ લઈ રહેલા ભારતીય ખેલાડીઓનું મનોબળ પણ વધારી રહી છે. અભિનેત્રી તેની શાનદાર સફરની દરેક અપડેટ ઈન્સ્ટાગ્રામ પર શેર કરી રહી છે. ત્યારે તાપસી પન્નુએ ઓલિમ્પિક મેચ દરમિયાન ભારતીય ધ્વજ લેહરાવ્યો હતો, જેનો વીડિયો તેણીએ શેર કર્યો છે.
અભિનેત્રી તાપસી પન્નુએ પણ તેના ઇન્સ્ટાગ્રામ ચાહકોને તેના સુંદર વેકેશનની યાદગાર ઝલક બતાવી છે. પેરિસ ઓલિમ્પિકને લઈને પહેલેથી જ ભારે ઉત્સાહ છે અને આ દરમિયાન અભિનેત્રી પણ જોશમાં જોવા મળી રહી છે. તાપસીએ સ્ટેન્ડમાંથી ઓલિમ્પિક મેચ જોતી વખતે ભારત માટે ઉત્સાહિત થતી અને ખુશીથી ભારતીય ધ્વજ લહેરાવતી જોવા મળી હતી.
તાપસીએ પેરિસની સુંદર શેરીઓમાં પણ ઘણી બધી તસવીરો ક્લિક કરી છે અને તેની ઝલક પણ સોશિયલ મીડિયા પર શેર કરી છે. જેમાં તે લટાર મારતી, મોજ-મસ્તી કરતી જોવા મળે છે. અભિનેત્રી હળવા લીલા રંગની સાડી અને ક્રોપ ટોપમાં ખૂબ જ સુંદર લાગી રહી છે અને તેણીએ તેના વાળ પાછળ બાંધ્યા છે. અન્ય એક તસવીરમાં તે એક સુંદર દરવાજા પાસે બેઠેલી જોવા મળી રહી છે.
તાપસીએ તેની તસવીરો સાથે કેટલાક વીડિયો પણ પોસ્ટ કર્યા છે, જેમાં તે ઓલિમ્પિક ગેમ્સના સ્ટેન્ડ પર ઉભી જોવા મળી રહી છે, જ્યાં તે ઉત્સાહમાં ઊભી છે અને ભારતીય ધ્વજ લહેરાવી રહી છે. તેણીએ તેની નાની બહેન શગુન સાથેની તસવીર પણ શેર કરી છે. આ તસવીરમાં બંને રસ્તા વચ્ચે ઉભા જોવા મળે છે. તાપસીની સ્ટાઈલ એકદમ ક્લાસી લાગે છે. આ તસવીરો શેર કરતાં તાપસી પન્નુએ કેપ્શનમાં લખ્યું છે કે, ‘એન્ડલેસ વૉકિંગ પ્રવાસનો પહેલો દિવસ, રાની ઇન પેરિસ.’
તાપસી પન્નુનું વર્કફ્રન્ટ
તાપસી છેલ્લે રાજકુમાર હિરાનીની ફિલ્મ ‘ડંકી’માં શાહરૂખ ખાન સાથે જોવા મળી હતી. તેણી તેની ફિલ્મ ‘ફિર આયી હસીન દિલરૂબા’ની રિલીઝ માટે તૈયારી કરી રહી છે, જેમાં વિક્રાંત મેસી અને સની કૌશલ પણ છે. આ ફિલ્મ નેટફ્લિક્સ પર 2 ઓગસ્ટે રિલીઝ થશે.
