મણિપુરમાં રણદીપ હુડ્ડા અને લીન લેશરામના લગ્ન થયા, મૈતાઈ વિધિની અનોખી ઝલક જોવા મળી

રણદીપ હુડ્ડાએ તેની ગર્લફ્રેન્ડ લીન લેશરામ સાથે લગ્નના સાત ફેરા લીધા છે. બંનેને વર-કન્યા બનતા જોઈને તેમના ફેન્સની ખુશીની કોઈ સીમા નથી. કપલ તેમના લગ્ન માટે 27 નવેમ્બરે મણિપુરના ઈમ્ફાલ પહોંચ્યા હતા. જ્યાં, તેમણે પ્રી-વેડિંગ શૂટ પણ કરાવ્યું હતું. જેની તસવીરોએ સોશિયલ મીડિયા પર ધૂમ મચાવી હતી. હવે આ લગ્નનો વીડિયો પણ ઝડપથી વાયરલ થઈ રહ્યો છે.

#WATCH | Manipur | Actors Randeep Hooda and Lin Laishram tie the knot in a traditional Meitei wedding ceremony in Imphal. pic.twitter.com/MsRLUhcCwE

— ANI (@ANI) November 29, 2023

રણદીપ અને લિનના સંબંધોની ચર્ચા છેલ્લા કેટલાક સમયથી હેડલાઈન્સમાં છે. તેમના લગ્નમાં કેટલાક નજીકના મિત્રો અને સંબંધીઓ હાજર રહ્યા હતા. દંપતીએ આગલા દિવસે અહીં પૂજા કરી હતી. તેમના લગ્નની તસવીરો હાલમાં સોશિયલ મીડિયા પર ટ્રેન્ડ કરી રહી છે. ફેન્સ આ લગ્નની આતુરતાથી રાહ જોઈ રહ્યા હતા. આ કપલના ફેન્સ તેમને ઇન્સ્ટાગ્રામ પર સતત અભિનંદન આપતા જોવા મળી રહ્યા છે.

#WATCH | Manipur | Wedding rituals underway at Chumthang Shannapung resort in Imphal as actors Randeep Hooda and Lin Laishram tie the knot in a traditional Meitei wedding ceremony here. pic.twitter.com/86g6TPFPWG

— ANI (@ANI) November 29, 2023

લગ્નની પ્રથમ ઝલક

આ પરંપરાગત લગ્નનો વીડિયો સોશિયલ મીડિયા પર વાયરલ થયો છે. જેમાં રણદીપ મીતાઇ સંસ્કૃતિ મુજબ વર રાજા બન્યો છે. સફેદ ધોતી કુર્તા અને માથા પર પાઘડીમાં અભિનેતાનો લુક જોવા જેવો છે. તે જ સમયે, બંને લગ્નની વિધિ કરતા જોવા મળે છે. દુલ્હનની જેમ સજ્જ લિન પણ ખૂબ જ સુંદર લાગી રહી છે. તેણે સિમ્પલ લુકમાં હેવી ગોલ્ડ જ્વેલરી પહેરી છે. વાયરલ થઈ રહેલી તસવીરો અને વીડિયોમાં તમે જોઈ શકાય છે કે બંનેએ એકબીજાને સફેદ માળા પણ પહેરાવી છે. આ તસવીરો સામે આવ્યા બાદ લિન હાલમાં તેની જ્વેલરી માટે ચર્ચામાં છે.

#WATCH | Actors Randeep Hooda and Lin Laishram are tying the knot in Imphal, Manipur today.

Visuals from the venue as wedding rituals take place. pic.twitter.com/ZUtK5SS8mj

— ANI (@ANI) November 29, 2023

લીન લેશરામ કોણ છે?

દરેક લોકો રણદીપની દુલ્હન લિન વિશે જાણવાનો પ્રયાસ કરી રહ્યા છે. લીન લેશરામ એક ફેમસ મોડલ અને એક્ટ્રેસ છે. આ ઉપરાંત તે એક બિઝનેસવુમન પણ છે. આ અભિનેત્રીએ ફિલ્મોમાં પણ પોતાની ઓળખ બનાવી છે. લીન પ્રિયંકા ચોપરાથી લઈને કરીના કપૂર સુધીની ફિલ્મોનો ભાગ રહી ચુકી છે. લિનને સોશિયલ મીડિયા પર 93 હજારથી વધુ લોકો ફોલો કરે છે.

બન્નેની લવ સ્ટોરી ઈન્ટરેસ્ટીંગ છે

રણદીપ હુડ્ડા અને લીન લેશરામની પહેલી મુલાકાતની વાત કરીએ તો આ લવસ્ટોરી એકદમ ફિલ્મી છે. બંને પહેલીવાર થિયેટર દરમિયાન મળ્યા હતા. તે દરમિયાન બંને સારા મિત્રો હતા. લીને એક ઈન્ટરવ્યુમાં ખુલાસો કર્યો હતો કે તે નસીરુદ્દીન શાહના મોટલી નામના થિયેટર ગ્રુપમાં રણદીપને મળી હતી. અભિનેતા તે સમયે તેમના સિનિયર હતા.