પહેલી વાર રામ-સીતાના લૂકમાં જોવા મળ્યાં રણબીર કપૂર અને સઈ પલ્લવી, તસવીરો વાયરલ
- નિતેશ તિવારીની ફિલ્મ રામાયણમાં રણબીર કપૂર ‘શ્રીરામ’ના રોલમાં જોવા મળશે. પહેલી વાર રામ-સીતાના લુકમાં રણબીર કપૂર અને સઈ પલ્લવીની તસવીરો સામે આવી છે અને તે સોશિયલ મીડિયા પર વાયરલ થઈ રહી છે
27 એપ્રિલ, મુંબઈઃ ફિલ્મમેકર નિતેશ તિવારીના નિર્દેશનમાં બની રહેલી બિગ બજેટ માઈથોલોજિકલ ફિલ્મ ‘રામાયણ’ ખૂબ જ ચર્ચામાં છે. સોશિયલ મીડિયા પર રોજ ફિલ્મને લગતું કોઈને કોઈ અપડેટ આવતું રહે છે. ફિલ્મમાં પહેલીવાર રણબીર કપૂર અને સઈ પલ્લવીની જોડી પડદા પર જોવા મળશે. આ માટે રણબીર કપૂર રામના રોલમાં જોવા મળશે તો સઈ પલ્લવી સીતાના રોલમાં જોવા મળશે. પહેલી વાર રામ-સીતાના લુકમાં રણબીર કપૂર અને સઈ પલ્લવીની તસવીરો સામે આવી છે.
Superstar RANBIR KAPOOR and SAI PALLAVI on the sets of RAMAYANA as RAM & SITA.
Biggest Project of Indian Cinema🔥🔥🔥😍😍😍 pic.twitter.com/TsZ0fzNS8N
— Advait (@Advait_RK) April 27, 2024
રણબીર-સઈની લેટેસ્ટ તસવીરો
છેલ્લા થોડા સમયથી ફિલ્મને લઈને લોકોમાં ખૂબ ક્રેઝ જોવા મળી રહ્યો છે. હાલમાં જ ‘રામાયણ’ના સેટ પરથી કેટલીક તસવીરો લીક થઈ હતી, જેમાં કૈકેયીના રોલમાં અભિનેત્રી લારા દત્તા અને શ્રીરામના પિતા દશરથના રોલમાં અભિનેતા અરુણ ગોવિલનો લૂક જોવા મળ્યો હતો. આ તસવીરો સોશિયલ મીડિયા પર ખૂબ વાયરલ થઈ હતી. હવે પહેલીવાર ફિલ્મના લીડ અભિનેતા રણબીર કપૂર અને અભિનેત્રી સઈ પલ્લવીના લૂક્સ સામે આવ્યા છે. ફરી એકવાર ‘રામાયણ’ના સેટ પરથી કેટલીક લેટેસ્ટ તસવીરો સોશિયલ મીડિયા પર વાયરલ થઈ રહી છે, જેમાં રણબીર ‘શ્રીરામ’ અને સાઈ પલ્લવીના ‘માતા સીતા’ના પાત્ર જોવા મળે છે.
OMG RANBIR KAPOOR AND SAI PALLAVI FOR RAMAYANA#RanbirKapoor #SaiPallavi #Ramayana pic.twitter.com/dqYL2pD450
— 𝙑 ♪ (@RKs_Tilllast) April 27, 2024
રણબીર કપૂર પહેલીવાર રામના લૂકમાં જોવા મળી રહ્યો છે. તેણે જાંબલી અને વાઈન રંગનો પૌરાણિક પોશાક પહેર્યો છે અને તેના ગળા અને હાથ પર સોનાના ઘરેણાં છે. તેના કપાળ પર તિલક, કાનમાં બુટ્ટી અને લાંબા વાળવાળો દેખાવ છે. તો તેની બાજુમાં ઊભેલી અભિનેત્રી સઈ પલ્લવી એ જ કોન્ટ્રાસ્ટ પોશાકમાં જોવા મળે છે. તેના ચહેરા પર સાદગી અને સ્મિત દેખાય છે. આ તસવીરો કોઈ ઘાટ કે મહેલની બહારની લાગે છે જેના માટે મુંબઈમાં જ ભવ્ય સેટ બનાવવામાં આવ્યો છે. ફિલ્મનું શૂટિંગ મુંબઈમાં જ ચાલી રહ્યું છે. હવે રણબીર કપૂર અને સઈ પલ્લવીના આ ફોટા સોશિયલ મીડિયા પર ધૂમ મચાવી રહ્યા છે.
આ પણ વાંચોઃ શ્રૃતિ હસન-શાંતનુ હજારિકાનું બ્રેકઅપ, ચાર વર્ષ બાદ કપલ અલગ
