આલિયા સાથે ધમાલ મચાવશે રણબીર અને વિક્કી, ‘લવ એન્ડ વોર’ની નવી રિલીઝ ડેટ જાહેર
- આ વર્ષની શરૂઆતમાં મચ અવેઈટેડ ફિલ્મ ‘લવ એન્ડ વોર’ની સત્તાવાર જાહેરાત કરવામાં આવી હતી, જેને લઈને ચાહકોમાં ઘણો ઉત્સાહ હતો
14 સપ્ટેમ્બર, મુંબઈઃ ચાહકો વર્ષ 2024માં ઘણી ધમાકેદાર ફિલ્મોની રિલીઝની રાહ જોઈ રહ્યા છે. આ વર્ષની શરૂઆતમાં મચ અવેઈટેડ ફિલ્મ ‘લવ એન્ડ વોર’ની સત્તાવાર જાહેરાત કરવામાં આવી હતી, જેને લઈને ચાહકોમાં ઘણો ઉત્સાહ છે. આવી સ્થિતિમાં ફિલ્મને લઈને એક મોટું અપડેટ સામે આવ્યું છે.
હીરામંડી ડિરેક્ટર સંજય લીલા ભણસાલીની ફિલ્મ ‘લવ એન્ડ વોર’ની જાહેરાત કરવામાં આવી હતી, જે શરૂઆતમાં 2025માં ક્રિસમસના અવસર પર રિલીઝ થવાની હતી, પરંતુ હવે તેની તારીખો બદલવામાં આવી છે. આ ફિલ્મ મોકૂફ રાખવામાં આવી છે, હવે મેકર્સે ફિલ્મની નવી રિલીઝ ડેટ જાહેર કરી છે.
નવી રિલીઝ ડેટ જારી
રણબીર કપૂર, આલિયા ભટ્ટ અને વિકી કૌશલની ત્રિપુટી સંજય લીલા ભણસાલીની આગામી મોટી ફિલ્મ ‘લવ એન્ડ વૉર’માં જોવા મળશે. જ્યારથી ફિલ્મના કાસ્ટિંગની જાહેરાત થઈ છે ત્યારથી ચાહકો ખૂબ જ ઉત્સાહિત છે. હવે નિર્માતાઓએ તેમની તારીખો બદલી છે અને એક નવું અપડેટ આપતા કહ્યું છે કે આ ફિલ્મ હવે વર્ષ 2026 માં રિલીઝ થશે.
RANBIR KAPOOR – ALIA BHATT – VICKY KAUSHAL: SANJAY LEELA BHANSALI FINALISES RELEASE DATE… 20 March 2026 is the release date of #SanjayLeelaBhansali’s next film, titled #LoveAndWar… Stars #RanbirKapoor, #AliaBhatt and #VickyKaushal. pic.twitter.com/tZm84YwWeQ
— taran adarsh (@taran_adarsh) September 13, 2024
ફિલ્મ ક્રિટિક અને ટ્રેડ એનાલિસ્ટ તરણ આદર્શે લવ એન્ડ વોરનું અપડેટ આપતાં કહ્યું છે કે વિકી-આલિયા અને રણબીરની આ ફિલ્મ 20 માર્ચ, 2026ના રોજ સિનેમાઘરોમાં રિલીઝ થશે. ડાયરેક્ટર સંજય લીલા ભણસાલીએ પણ પોતાના ઈન્સ્ટાગ્રામ પર આ અંગે અપડેટ આપ્યું છે.
આલિયા-વિકી અને રણબીરનું વર્ક ફ્રન્ટ
આ ત્રિપુટીના વર્ક ફ્રંટ વિશે વાત કરીએ તો, આલિયા ભટ્ટની આગામી ફિલ્મ જીગરા આ દિવસોમાં રિલીઝ માટે તૈયાર છે, જે 11 ઓક્ટોબરના રોજ રિલીઝ કરવામાં આવશે. વિકી કૌશલની આગામી ફિલ્મ છાવા હશે, જેનું શૂટિંગ હજુ ચાલી રહ્યું છે. જ્યારે રણબીર કપૂર બિગ બજેટ ફિલ્મ રામાયણને લઈને ચર્ચામાં છે. રણબીર કપૂર નિતેશ તિવારીની ફિલ્મમાં રામનું પાત્ર ભજવશે, જેનું શૂટિંગ હાલમાં ચાલી રહ્યું છે.
આ પણ વાંચોઃ ‘કુમકુમ ભાગ્ય’ અભિનેત્રી સાથે લાલબાગ ચા રાજા પાંડાલમાં ઝપાઝપી થઈ, વીડિયો વાયરલ
