રણબીર-આલિયા છોડશે ઘર, લગ્ન થયાં હતાં એ ઘરમાં નહિ રહે કપૂર પરિવાર!
24 મે, મુંબઈઃ આલિયા ભટ્ટ અને રણબીર કપૂર હાલમાં પોતાનું નવું ઘર બનાવવામાં ખૂબ બીઝી છે. તાજેતરમાં તેઓ ઘરની સાઈટ પર પહોંચ્યા અને ત્યાં કામનો રિપોર્ટ લેતા જોવા મળ્યા હતા. આજે (24 મે) ના રોજ બંને અંડરકન્સ્ટ્રક્શન સાઈટ પર પહોંચ્યાં હતાં. તેમનો એક વીડિયો પાપારાઝીએ સોશિયલ મીડિયા પર શેર કર્યો છે. વીડિયોમાં રણબીર વ્હાઈટ ટીશર્ટ અને ઓરેન્જ લોઅરમાં જોવા મળ્યો હતો. આલિયાએ વ્હાઈટ શર્ટ અને પિંક શોર્ટ્સ પહેર્યું હતું. બંને આર્કિટેક્ટની ટીમ સાથે વાત કરતા જોવા મળ્યાં હતાં.
View this post on Instagram
અહેવાલ મુજબ તો રણબીર અને આલિયા પુત્રી રાહા સાથે થોડાક મહિનાઓમાં નવા ઘરમાં શિફ્ટ થશે. તેમનો પ્લાન છે કે તે વર્ષ 2024ની દિવાળી પર તેમના ઘરમાં દિવાળી ઉજવે. સૂત્રોની વાત માનીએ તો બંગલાનું કામ પુરું થઈ ચૂક્યું છે. હાલમાં ફિનિશિંગનું કામ ચાલી રહ્યું છે. તેમાં એકાદ-બે મહિનાનો સમય લાગી શકે છે. કામ પુરૂં થતા જ તેઓ નવા ઘરમાં શિફ્ટ થશે.
ઘણા સમયથી બની રહ્યું છે ઘર
આ ઘર ઘણા સમયથી બની રહ્યું છે. ઘણા વખત પહેલાં પણ રણબીર કપૂર તેની માતા નીતુ કપૂર અને આલિયા ભટ્ટ સાથે આ સાઈટ પર જોવા મળ્યો હતો. ઉલ્લેખનીય છે કે રણબીર અને આલિયા હાલમાં તેમના ઘર વાસ્તુમાં રહે છે. આ એક લક્ઝરી એપાર્ટમેન્ટ છે. અહીં જ તેમના લગ્ન થયા હતા.
આ પણ વાંચોઃઅમદાવાદના મહેમાન બન્યા જાન્હવી કપૂર અને ઓરી, માણ્યો ગુજરાતી વાનગીનો રસાસ્વાદ
