રામ ચરણે તેના જન્મદિવસ પર ચાહકોને આપી ભેટ, ‘RC15’નું ટાઈટલ કર્યું જાહેર

સાઉથના સુપરસ્ટાર રામ ચરણનો આજે જન્મદિવસ છે આ ખાસ અવસર પર અભિનેતાના ચાહકો અને સ્ટાર્સ બંને તેમને જન્મદિવસની શુભેચ્છા પાઠવી રહ્યા છે. જોકે આવતીકાલથી અભિનેતાના પ્રી-બર્થ-ડે સેલિબ્રેશન કરવામાં આવી રહ્યું છે. ગઈકાલે RC 15 ના સેટ પર અભિનેતાનો જન્મદિવસ ઉજવવામાં આવ્યો હતો.અગાઉ આ ફિલ્મનું શીર્ષક કામચલાઉ રીતે RC 15 રાખવામાં આવ્યું હતું. પરંતુ હવે અભિનેતાના જન્મદિવસના ખાસ અવસર પર તેલુગુ સ્ટારે આખરે ફિલ્મના ટાઇટલની જાહેરાત કરી દીધી છે.

આરસી 15નુ ટાઈટલ જાહેર

રામ ચરણ સાઉથના પીઢ અભિનેતા છે. તે દક્ષિણ ભારતના સુપરસ્ટાર ચિરંજીવીનો પુત્ર છે. અભિનેતા માત્ર સાઉથમાં જ નહીં પરંતુ હિન્દી અને અન્ય ભાષાઓમાં પણ નામ કમાઈ રહ્યો છે. રામ ચરણ આ દિવસોમાં તેની આગામી ફિલ્મ આરસી 15ના શૂટિંગમાં વ્યસ્ત છે. આખરે તેની મોસ્ટ અવેટેડ ફિલ્મનું ટાઇટલ જાહેર કરી દીધું છે. આ ફિલ્મનું નામ ‘ગેમ ચેન્જર’ રાખવામાં આવ્યું છે.

Game Changer it is!!!! https://t.co/VYxWN6p9Hp@shankarshanmugh @SVC_official @advani_kiara @DOP_Tirru @MusicThaman #GameChanger pic.twitter.com/JlY1T1Emjt

— Ram Charan (@AlwaysRamCharan) March 27, 2023

રામ ચરણે શેર કરી માહિતી

રામ ચરણે પોતાના સોશિયલ મીડિયા એકાઉન્ટ પર પણ આ અંગે માહિતી આપી છે. પોતાની ફિલ્મનું ટાઈટલ શેર કરતાં તેણે વીડિયો લિંક પણ શેર કરી છે. જેમાં તેણે લખ્યું હતું, ‘આ ગેમ ચેન્જર છે!!!!’ તમને જણાવી દઈએ કે રામ ચરણ સિવાય કિયારા અડવાણી, અંજલિ, સમુતિરકાની, એસજે સૂર્યા, શ્રીકાંત, સુનીલ પણ ગેમ ચેન્જરમાં સામેલ છે. ત્યારે આ ફિલ્મના ગીતો અને બેકગ્રાઉન્ડ સ્કોર એમ થમન તૈયાર કરી રહ્યા છે.

ગેમ ચેન્જરના સેટ પર સેલિબ્રેટ કર્યો જન્મદિવસ

તમને જણાવી દઈએ કે રામ ચરણે પોતાનો 38મો જન્મદિવસ ગેમ ચેન્જરના સેટ પર સેલિબ્રેટ કર્યો હતો. ફિલ્મના એક ગીતની સિક્વન્સનું શૂટિંગ પૂર્ણ કર્યા પછી ટીમે અભિનેતા માટે જન્મદિવસની પાર્ટી રાખી હતી. આ દરમિયાન તે વાદળી શર્ટ સાથે સફેદ પેન્ટમાં જોવા મળ્યો હતો. જ્યારે કિયારા અડવાણીએ સફેદ ટોપ સાથે વાદળી ડેનિમ પહેર્યું હતું. આ દરમિયાન તેની સાથે ટીમના અન્ય લોકો પણ જોવા મળ્યા હતા.

ફિલ્મ ક્યારે રિલીઝ થશે ?

રામ ચરણ અને કિયારાની જોડી બીજી વખત મોટા પડદા પર જોવા મળશે. અગાઉ બંને 2019માં વિનય વિદ્યા રામ ફિલ્મમાં જોવા મળ્યા હતા. ગેમ ચેન્જર એ એક રાજકીય એક્શન થ્રિલર છે જે એસ શંકર દ્વારા લખાયેલ અને નિર્દેશિત છે. ગેમ ચેન્જર આ વર્ષના અંતમાં અથવા આવતા વર્ષની શરૂઆતમાં રિલીઝ થઈ શકે છે.

આ પણ વાંચો : USમાં ગૂજરાતી મૂળની દીકરીના હત્યાના કેસમાં આરોપીને 100 વર્ષની જેલ, જાણો શું હતી ઘટના