રકુલ અને જેકીના લગ્નની વિધિઓ શરૂ, પરિવાર સાથે પહોંચી અભિનેત્રી, જુઓ વીડિયો
ગોવા,16 ફેબ્રુઆરી, 2024: જેકી ભગનાની અને રકુલ પ્રીત સિંહના લગ્નની ચાહકો આતુરતાથી રાહ જોઈ રહ્યા છે. આ કપલ ઘણીવાર સોશિયલ મીડિયા પર તેમના સંબંધો વિશે વાત કરતા જોવા મળતા હતા. હવે રકુલ અને જેકી 21 ફેબ્રુઆરીએ લગ્ન કરવા જઈ રહ્યા છે અને લગ્નના ફંક્શન પણ શરૂ થઈ ગયા છે. જેકી અને રકુલ ગોવામાં લગ્ન કરવા જઈ રહ્યા છે. ગોવા જતા પહેલા મુંબઈમાં તેમના લગ્નના ફંક્શન શરૂ થઈ ગયા છે. ઢોલ નાઈટનું આયોજન કરવામાં આવ્યું હતું જ્યાં રકુલ તેના પરિવાર સાથે આવી હતી.
View this post on Instagram
રકુલ પરિવાર સાથે પહોંચી
હવે રકુલ અને જેકીના લગ્નને થોડા જ દિવસો બાકી છે અને ફંક્શન શરૂ થઈ ગયા છે. ઢોલ નાઈટ સાથે લગ્નના ફંક્શનની શરૂઆત કરવામાં આવી છે. રકુલનો તેના પરિવાર સાથે જવાનો વીડિયો વાયરલ થઈ રહ્યો છે. વાયરલ થઈ રહેલા વીડિયોમાં રકુલ તેના માતા-પિતા અને ભાઈ સાથે કારમાં જોવા મળી રહી છે. રકુલ અને તેની માતા કારની પાછળ બેઠા છે અને ભાઈ અને પિતા આગળ બેઠા છે. રકુલની કારની પાછળ વધુ કાર આવી રહી છે જેમાં અન્ય સંબંધીઓ પણ હાજર છે.
ગોવામાં થશે રકુલ અને જેકીના લગ્ન
જેકી અને રકુલ 21 ફેબ્રુઆરીએ સાઉથ ગોવાની એક લક્ઝરી હોટલમાં લગ્ન કરવા જઈ રહ્યા છે. જેકી અને રકુલે ગોવામાં લગ્ન કરવાનું નક્કી કર્યું કારણ કે આ જગ્યા તેમના માટે ખાસ છે. તેમનો રોમાંસ આ શહેરથી શરૂ થયો હતો.
વિદેશમાં લગ્ન કરવાના હતા રકુલ-જેકી
અગાઉ રકુલ અને જેકી વિદેશમાં લગ્ન કરવાના હતા. છ મહિનાથી તૈયારીઓ ચાલી રહી હતી કે બંને મિડલ ઈસ્ટમાં લગ્ન કરશે, પરંતુ ડિસેમ્બરમાં જ્યારે પીએમ મોદીએ રકુલ અને જેકીને ફોન કરીને ભારતમાં લગ્ન કરવાની સલાહ આપી તો તેઓ રાજી થઈ ગયા અને હવે આ લગ્ન ગોવામાં થઈ રહ્યા છે. .
કપલ તેમના લગ્નના ફંક્શનમાં કોઈ એક ડિઝાઈનરના નહીં પરંતુ ઘણા ડિઝાઈનર્સના પોશાક પહેરશે. તેમાં તરુણ તેહલાની, શાંતનુ અને નિખિલ, ફાલ્ગુની શેન પીકોર, કુણાલ રાવલ અને અર્પિતા મહેતાનો સમાવેશ થાય છે. રકુલ અને જેકીના લગ્ન ખૂબ જ વૈભવી થવાના છે.
