રાજકોટ: 26મીએ વડાપ્રધાન 12 રેલવે સ્ટેશનોના પુનઃવિકાસનો કરશે શિલાન્યાસ
- 20 રોડ ઓવેર બ્રિજ/અંડરપાસ નું શિલાન્યાસ/ઉદ્ઘાટન કરવામાં આવશે
- રાજકોટ ડિવિઝનમાં રિડેવલપમેન્ટ માટે પસંદ કરાયેલા વિવિધ રેલવે સ્ટેશનોની કલાત્મક તસવીર
રાજકોટ, 22 ફેબ્રુઆરી : વડાપ્રધાન નરેન્દ્ર મોદી 26 ફેબ્રુઆરી, 2024 સોમવારના રોજ વીડિયો કોન્ફરન્સિંગ દ્વારા 551 સ્ટેશનોના પુનઃવિકાસ અને 1500 રોડ ઓવરબ્રિજ/અંડરપાસ નું શિલાન્યાસ/ઉદ્ઘાટન કરવા માટે રૂ. 40,000 કરોડનો પ્રોજેક્ટ દેશને સમર્પિત કરશે. જેમાં રાજકોટ રેલવે ડિવિઝન ના 12 સ્ટેશનોના પુનઃવિકાસનો શિલાન્યાસ, 11 રોડ ઓવરબ્રિજ/અંડરપાસ નું શિલાન્યાસ અને 9 રોડ અંડરપાસ નું ઉદ્ઘાટન કરવામાં આવશે.
રાજકોટ ડિવિઝનના 12 સ્ટેશનનો પુનઃવિકાસ કરવામાં આવશે જેમાં રાજકોટ, જામનગર, મોરબી, વાંકાનેર, ભાટિયા, ખંભાળિયા, દ્વારકા, હાપા, પડધરી, કાનાલુસ, થાન અને ઓખા સ્ટેશનનો સમાવેશ થાય છે. આ તમામ સ્ટેશનોના પુનઃવિકાસનો કુલ ખર્ચ આશરે 181.42 કરોડ રૂપિયા છે.
આ ઉપરાંત, ટ્રાફિકની સમસ્યાના નિરાકરણ માટે રાજકોટ ડિવિઝનમાં ખંડેરી, ખંભાળિયા, ઓખામઢી, પીપલી, હાપા, જામવંથલી, સિંધાવદર, વાણીરોડ, મોડપુર, ચણોલ, હડમતિયા, લીલાપુર, જગડવા અને લાખામાંચી માં 11 રોડ ઓવરબ્રિજ/અંડરપાસ નું શિલાન્યાસ અને 9 રોડ અંડરપાસ નું વડાપ્રધાનના વરદ હસ્તે ઉદ્ઘાટન કરવામાં આવશે. આ તમામ ઓવરબ્રિજ/અંડર બ્રિજના નિર્માણનો કુલ ખર્ચ આશરે રૂ. 175.25 કરોડ છે.
રેલવે સ્ટેશનોના આધુનિકીકરણ અને સુવિધાઓમાં સુધારો કરવાના ઉદ્દેશ્ય સાથે, ભારત સરકારે મોડ્યુલર કોન્સેપ્ટ પર વિશ્વ કક્ષાના રેલવે સ્ટેશનના નિર્માણનો પ્રોજેક્ટ શરૂ કર્યો છે, જે અંતર્ગત તેને એક ભવ્ય અને વિશ્વ કક્ષાના સ્ટેશન તરીકે પુનઃવિકાસ કરવામાં આવશે.
સ્ટેટ ઑફ ધ-આર્ટ સુવિધાઓ જેવી કે, સ્ટેશનમાં વર્લ્ડ ક્લાસ બિલ્ડિંગ, બુકિંગ અને પાર્સલ ઓફિસ, લિફ્ટ, એસ્કેલેટર, કોન્સર્સ, એસી વેઇટિંગ રૂમ, અનુકૂળ પાર્કિંગ, આધુનિક કોચ માર્ગદર્શન ડિસ્પ્લે બોર્ડ, એન્નૌંસમેંટ સિસ્ટમ, વાઇ-ફાઇ, આધુનિક CCTV સિસ્ટમ, પૂરતી લાઇટિંગ વગેરે જેવી સુવિધાઓ હશે.
ભારતીય રેલવે સ્ટેશનોનું અભૂતપૂર્વ પરિવર્તન દરેક ભારતીયને ગર્વ કરાવશે અને જે ઝડપે પરિવર્તન થયું છે તેનાથી દરેક પ્રવાસીને આશ્ચર્ય થશે. એક તરફ, મુસાફરોને સ્ટેશનો પર અત્યાધુનિક સુવિધાઓનો લાભ મળશે, તો બીજી તરફ રોડ ઓવરબ્રિજ/અંડરપાસ ના નિર્માણથી લોકોને રેલવે ટ્રેક ક્રોસ કરવામાં સરળતા રહેશે.
આ પણ વાંચો : OMG, 300% નું ઇન્ક્રીમેન્ટ? જાણો કઈ કંપનીએ પોતાના કર્મચારીને આપ્યો આટલો વધારો
