રજનીકાંતની સાદગીએ દિલ જીત્યું, કરી ઈકોનોમી ક્લાસમાં મુસાફરી

• રજનીકાંતને ઈકોનોમી ક્લાસમાં મુસાફરી કરતા જોઈને ફ્લાઈટમાં હાજર લોકોએ સુપરસ્ટાર સાથે વાત કરી અને સાથે સેલ્ફી પણ લીધી.

ચેન્નઈ, 1 માર્ચઃ રજનીકાંત દુનિયાભરમાં તેની ફિલ્મો ઉપરાંત સારા અને શાંત સ્વભાવ માટે પણ લોકપ્રિય છે. સુપરસ્ટારની ફિલ્મ રિલીઝ થાય તે પહેલા લોકોમાં તેનો જબરદસ્ત ક્રેઝ જોવા મળે છે. હંમેશની જેમ ફરી એક વખત રજનીકાંતની સાદગીના કારણે તે ચર્ચામાં છે. સુપરસ્ટારની આ સાદગીએ લોકોનું દિલ જીતી લીધું છે. રજનીકાંતને ઈકોનોમી ક્લાસમાં મુસાફરી કરતા જોઈને ફ્લાઈટમાં હાજર લોકોએ સુપરસ્ટાર સાથે વાત કરી અને સાથે સેલ્ફી પણ લીધી. વીડિયો શેર કરતી વખતે કેટલાક યુઝર્સે તેની સાદગીના વખાણ કર્યા છે. રજનીકાંતની આ સ્ટાઈલ લોકોના દિલ જીતી રહી છે.

ઈકોનોમી ક્લાસમાં મુસાફરી કરી

રજનીકાંત પોતાની આગામી ફિલ્મ ‘વેટ્ટાઈયાં’ને લઈને ઘણા સમયથી ચર્ચામાં છે. આ ફિલ્મનું શુટિંગ માર્ચ મહિનામાં પુરુ થવાની આશા છે. તે હાલમાં આ ફિલ્મના શૂટિંગમાં વ્યસ્ત છે, જેનું નિર્દેશન ‘જય ભીમ’ ફેમ ટીજે જ્ઞાનવેલ કરી રહ્યા છે. હાલમાં જ ‘થલાઈવર’ સ્ટાર રજનીકાંત શર્ટ-પેન્ટ અને ચપ્પલ પહેરીને ઈકોનોમી ક્લાસમાં મુસાફરી કરતા જોવા મળ્યા હતા, જેનો વીડિયો સોશિયલ મીડિયા પર ચર્ચાનો વિષય બન્યો છે. આંધ્રપ્રદેશના કડપ્પાથી રજનીકાંત ફ્લાઈટમાં બેઠા ત્યારે આ વીડિયો બનાવવામાં આવ્યો, જે વાઈરલ થઈ રહ્યો છે.

#Thalaivar at flight ❤️❤️❤️❤️#Rajinikanth | #Rajinikanth𓃵 | #SuperstarRajinikanth | #SuperStarRajinikanth𓃵 | #Jailer | #Thalaivar171 | #Jailer2 | #Vettaiyan | #superstar @rajinikanth pic.twitter.com/b443yrgcU0

— Suresh balaji (@surbalutwt) February 29, 2024

અન્ય સ્ટારથી અલગ તરી આવે છે

સોશિયલ મીડિયા પર રજનીકાંતના ઘણા વીડિયો વાઈરલ થઈ રહ્યા છે. એક વીડિયોમાં તે પોતાની સીટ પર બેસીને એરપોડ્સ લગાવતા દેખાય છે. ફ્લાઈટમાં સવાર યાત્રી રજનીકાંતનો પહેરવેશ જોઈને તેમના વીડિયો અને તસવીરો શેર કરી રહ્યા છે અને ખૂબ પ્રશંસા કરી રહ્યા છે. રજનીકાંત બ્લૂ શર્ટ, ગ્રે પેન્ટ અને સાથે ચંપલ પહેરીને બારીની નજીકની સીટ પર બેઠા છે. સુપરસ્ટારે અન્ય સ્ટાર્સની જેમ સૂટ-બૂટ પહેર્યા ન હતા. આ રીતે તેઓ અન્ય સ્ટાર્સ કરતા અલગ તરી આવે છે.