IPL 2023: રાજસ્થાને દિલ્હીને 57 રનથી હરાવ્યું, પોઈન્ટ ટેબલમાં ટોપ પર રાજસ્થાનની ટીમ

IPL 2023ની 11મી મેચમાં રાજસ્થાન રોયલ્સે દિલ્હી કેપિટલ્સને 57 રનથી હરાવ્યું છે. આ જીત સાથે રાજસ્થાનની ટીમ પોઈન્ટ ટેબલમાં ટોપ પર પહોંચી ગઈ છે. આ સાથે જ દિલ્હીને સતત ત્રીજી મેચમાં હારનો સામનો કરવો પડ્યો છે. દિલ્હી કેપિટલ્સે ટોસ જીતીને પ્રથમ બોલિંગ કરવાનો નિર્ણય કર્યો હતો અને રાજસ્થાન રોયલ્સે પ્રથમ બેટિંગ કરતા 199 રન બનાવ્યા હતા. જવાબમાં દિલ્હીની ટીમ માત્ર 142 રન જ બનાવી શકી હતી અને મેચ હારી ગઈ હતી.

Rajasthan Royals beat Delhi Capitals by 57 runs at Barsapara Cricket Stadium, #Guwahati
RR – 199/4 (20)
DC – 142/9 (20)#IPL2023#TATAIPL | #DCvsRR | #RRGvDC pic.twitter.com/Tc1qzizGkQ

— Pankaj Bhattacharjee (@pankajbhatta) April 8, 2023

આ રીતે પડી દિલ્હીની વિકેટ…

પ્રથમ: ટ્રેન્ટ બોલ્ટે પ્રથમ ઓવરના ત્રીજા બોલ પર પૃથ્વી શો વિકેટકીપર સંજુ સેમસનના હાથે કેચ આઉટ
બીજો: ટ્રેન્ટ બોલ્ટ પ્રથમ ઓવરના ચોથા બોલ પર મનીષ પાંડે એલબીડબ્લ્યુ
ત્રીજો: છઠ્ઠી ઓવરના ચોથા બોલ પર રવિચંદ્રન અશ્વિને રિલે રુસોને યશસ્વી જયસ્વાલના હાથે કેચ કરાવ્યો
ચોથો: ટ્રેન્ટ બોલ્ટે 13મી ઓવરના છેલ્લા બોલ પર લલિત યાદવને બોલ્ડ કર્યો
પાંચમી: 15મી ઓવરના 5માં બોલ પર યુઝવેન્દ્ર ચહલે અક્ષર પટેલને સંજુ સેમસને સ્ટમ્પ કરાવ્યો

રાજસ્થાની બોલરોના નામે પાવરપ્લે

મેચની બીજી ઇનિંગનો પાવરપ્લે રાજસ્થાની બોલરોના નામે રહ્યો હતો. ટ્રેન્ટ બોલ્ડે ઓપનર પૃથ્વી શો અને મનીષ પાંડેને પહેલી જ ઓવરમાં પેવેલિયન પરત કરી દીધા હતા. ત્યારે ટીમનું ખાતું પણ ખોલવામાં આવ્યું ન હતું. ત્યારબાદ રવિચંદ્રન અશ્વિને રિલે રુસોને પેવેલિયનનો રસ્તો બતાવ્યો હતો. 6 ઓવરમાં દિલ્હીએ 38 રનમાં ત્રણ વિકેટ ગુમાવી દીધી હતી.

જયસ્વાલ અને બટલરની અડધી સદી

પ્રથમ બેટિંગ કરતા રાજસ્થાન રોયલ્સે 20 ઓવરમાં 4 વિકેટે 199 રન બનાવ્યા હતા. ઓપનર યશસ્વી જયસ્વાલે ચાલુ સિઝનમાં સતત બીજી અડધી સદી ફટકારી હતી. એકંદરે જયસ્વાલની આ 5મી અડધી સદી છે. જયસ્વાલ ઉપરાંત જોસ બટલરે લીગમાં 17મી ફિફ્ટી પૂરી કરી હતી. બંને વચ્ચે 98 રનની ઓપનિંગ પાર્ટનરશિપ થઈ હતી. બટલરે બાદમાં હેટમાયર સાથે ચોથી વિકેટ માટે 49 રન જોડ્યા હતા.

• ચેન્નાઈના ગાયકવાડે પણ બે અડધી સદી ફટકારી
• રાજસ્થાનના ઓપનરોએ શાનદાર શરૂઆત આપી
• ઓપનરોએ રાજસ્થાનને શાનદાર શરૂઆત અપાવી

દિલ્હી તરફથી મુકેશ કુમારે બે વિકેટ ઝડપી હતી. કુલદીપ યાદવ અને રોવમેન પોવેલને એક-એક વિકેટ મળી હતી.

જયસ્વાલે સિઝનની બીજી અડધી સદી ફટકારી

રાજસ્થાનના ઓપનર યશસ્વી જયસ્વાલે લીગની ત્રીજી અડધી સદી ફટકારી હતી. તેણે 25 બોલમાં પોતાની અડધી સદી પૂરી કરી હતી. તેણે ખલીલ અહેમદની પ્રથમ ઓવરમાં 5 ચોગ્ગા ફટકારીને ધમાકેદાર શરૂઆત કરી હતી. જયસ્વાલે લીગમાં તેની 5મી અડધી સદી ફટકારી હતી. આ સિઝનમાં બીજી અડધી સદી ફટકારનાર તે બીજો બેટ્સમેન છે.