ગુજરાત ટોપ ન્યૂઝ ટ્રાવેલ ટ્રેન્ડિંગ નેશનલ શ્રી રામ મંદિર

રામ ભક્તોને રેલવેની ભેટ: દેશના ખૂણે-ખૂણેથી અયોધ્યા સુધી આસ્થા સ્પેશિયલ ટ્રેન દોડશે, જૂઓ લિસ્ટ

Shailesh Chaudhary નવી દિલ્હીLast Updated: જાન્યુઆરી 27, 2024

605 1 minute read

દેશના ખૂણે – ખૂણેથી 1 ફેબ્રુઆરી, 2024થી દોડશે આસ્થા સ્પેશિયલ ટ્રેનો

નવી દિલ્હી, 27 જાન્યુઆરી: અયોધ્યામાં 22 જાન્યુઆરીએ રામ મંદિરમાં રામલલાની પ્રાણ પ્રતિષ્ઠા કરવામાં આવી હતી. પ્રાણ પ્રતિષ્ઠા પછી તારીખ 23 જાન્યુઆરીથી સામન્ય ભક્તો માટે રામ મંદિર ખુલ્લું મુકવામાં આવ્યું હતું, ત્યારે લાખો રામ ભક્તો રામલલાના દર્શન કરવા અયોધ્યા પહોંચ્યા હતા અને અત્યારે પણ લાખો ભક્તો રામલલાના દર્શન કરવા જઈ રહ્યા છે. અયોધ્યામાં રામ મંદિરમાં ભારે ભીડને ધ્યાનમાં રાખીને, ભારતીય રેલવેએ અનેક રાજ્યો અને કેન્દ્રશાસિત પ્રદેશોમાંથી અયોધ્યા જતી આસ્થા સ્પેશિયલ ટ્રેનો શરુ કરવા જઈ રહી છે.

રેલવે મંત્રાલયે માહિતી આપી:

રેલવે મંત્રાલયના એક સૂત્રએ કહ્યું કે નવા પ્રસ્તાવ હેઠળ, આસ્થા ટ્રેનો 1 ફેબ્રુઆરી, 2024 થી દોડવાની છે. પહેલા બે દિવસમાં લગભગ 5 લાખ લોકોએ રામ મંદિરના દર્શન કર્યા છે. આ ટ્રેન માત્ર સ્લીપર કોચ ટ્રેન હશે, તમામ કોચ નોન એસી અને સ્લીપર હશે. સૂત્રોના જણાવ્યા અનુસાર ટિકિટના ભાવમાં શાકાહારી ભોજન, ધાબળા અને તકિયા આપવામાં આવશે.