મહિલા અનામત ખરડા અંગે મોદી સરકાર ઉપર રાહુલ ગાંધીનો ગંભીર આક્ષેપ

• રાજસ્થાનના જયપુરમાં રાહુલ ગાંધીએ ભારત કે ઈન્ડિયા નામ વિવાદ પર કેન્દ્ર સરકારને આડે હાથ લીધી હતી. તેમજ મહિલા અનામતને તાત્કાલિક અમલ કરવાની માંગણી કરી હતી.

કોંગ્રેસ સાંસદ રાહુલ ગાંધીએ શનિવારે (23 સપ્ટેમ્બર) રાજસ્થાનમાં કાર્યકર્તા સંમેલનને સંબોધિત કરતી વખતે કેન્દ્ર સરકાર પર નિશાન સાધ્યું હતું. કેન્દ્ર પર નિશાન સાધતા રાહુલ ગાંધીએ કહ્યું કે અગાઉ તેઓ (કેન્દ્ર સરકાર) મહિલા અનામતની વાત કરતા ન હતા. તેમણે ભારત અથવા ઈન્ડિયા નામના વિવાદ પર ચર્ચા કરવા માટે વિશેષ સત્રની જાહેરાત કરી હતી, પરંતુ જ્યારે તેમણે જોયું કે લોકો આ મુદ્દે સહમત નથી ત્યારે તેઓ ગભરાઈ ગયા. કારણ કે વિશેષ સત્રની જાહેરાત થઈ ચૂકી હતી. એટલા માટે તેઓ મહિલા અનામત બિલ લાવ્યા.

#WATCH | Jaipur, Rajasthan: Congress MP Rahul Gandhi says, “First, they (Central govt) were not talking about the Women’s Reservation… They announced a special session to discuss the India vs Bharat row. But when they saw that people did not accept this topic, they panicked… pic.twitter.com/e5cSTsJeHo

— ANI (@ANI) September 23, 2023

ભાજપ મહિલા અનામતમાં 10 વર્ષનો વિલંબ કરવા માંગે છે-રાહુલ ગાંધી

કોંગ્રેસ નેતાએ વધુમાં કહ્યું કે અમે બિલને સમર્થન આપ્યું હતું. ભાજપ કહે છે કે મહિલા અનામત લાગુ કરવા માટે નવી વસ્તી ગણતરી અને સીમાંકન જરૂરી છે, પરંતુ વાસ્તવિકતામાં આજે 33 ટકા અનામત લાગુ કરી શકાય છે. ભાજપ અનામતમાં 10 વર્ષનો વિલંબ કરવા માંગે છે અને અમે ઇચ્છીએ છીએ કે તેનો અમલ થાય અને અમે ઇચ્છીએ છીએ કે OBC મહિલાઓને તેનો લાભ મળે.

આ પણ વાંચો: ભારતના સૌપ્રથમ સેમિકંડક્ટર પ્લાન્ટનું ગુજરાતમાં ખાતમુહૂર્ત