મણિપુરમા કાફલાને રોકવા પર Rahul Gandhiનું પહેલું નિવેદન આવ્યુ સામે
કોંગ્રેસ નેતા રાહુલ ગાંધી મણિપુરના પ્રવાસે છે, પરંતુ હવે તેમની મુલાકાતને લઈને રાજકારણ ગરમાયું છે. વાસ્તવમાં, ગુરુવારે (29 જૂન) સવારે જ્યારે રાહુલ ચુરાચાંદપુર તરફ જઈ રહ્યા હતા ત્યારે તેમના કાફલાને બિષ્ણુપુરમાં જ અટકાવવામાં આવ્યો હતો. પોલીસ વતી તેમને હેલિકોપ્ટર દ્વારા જવાની અપીલ કરવામાં આવી હતી.
ત્યારથી કોંગ્રેસ અને ભાજપ વચ્ચે ટક્કર ચાલી રહી છે. કોંગ્રેસે બીજેપી પર રાહુલને રોકવાનો આરોપ લગાવ્યો તો ભાજપે જવાબ આપતા કહ્યું કે માત્ર મણિપુરના લોકો જ રાહુલની મુલાકાતનો વિરોધ કરી રહ્યા છે. જો કે આ બધા પછી રાહુલ ગાંધી હેલિકોપ્ટર દ્વારા ચુરાચાંદપુરના કેમ્પ પહોંચ્યા અને ત્યાં હાજર લોકોને મળ્યા.
I came to listen to all my brothers and sisters of Manipur.
People of all communities are being very welcoming and loving. It’s very unfortunate that the government is stopping me.
Manipur needs healing. Peace has to be our only priority. pic.twitter.com/WXsnOxFLIa
— Rahul Gandhi (@RahulGandhi) June 29, 2023
કાફલાને રોકવામાં આવતા રાહુલ ગાંધીએ શું કહ્યું?
ચુરાચાંદપુરમાં લોકોને મળ્યા અને વાતચીત કર્યા પછી રાહુલ ગાંધીએ પણ ટ્વીટ કરીને પોતાના કાફલાને રોકવા પર પ્રતિક્રિયા આપી. તેમણે કહ્યું, “હું મણિપુરના મારા તમામ ભાઈઓ અને બહેનોને સાંભળવા આવ્યો છું. દરેક સમુદાયના લોકો ખૂબ જ આવકારદાયક અને પ્રેમાળ છે. સરકાર મને રોકી રહી છે તે ખૂબ જ દુર્ભાગ્યપૂર્ણ છે. શાંતિ આપણી એકમાત્ર પ્રાથમિકતા હોવી જોઈએ.”
VIDEO | Congress leader Rahul Gandhi shares lunch with children at a relief camp set up at a school in Churachandpur, Manipur. pic.twitter.com/ikzNZGJXG6
— Press Trust of India (@PTI_News) June 29, 2023
રાહત શિબિરમાં બાળકો સાથે ભોજન લીધું
તે જ સમયે, ચુરાચાંદપુર રાહત શિબિરમાં, રાહુલ લોકોને મળ્યા અને તેમની સાથે વાત કરી અને તેમની સમસ્યાઓ સાંભળી. તેમણે ત્યાંની એક શાળામાં સ્થાપિત રાહત શિબિરમાં બાળકો સાથે ભોજન પણ કર્યું હતું.
આ પણ વાંચો: મણિપુરની મુલાકાતે પહોંચ્યા રાહુલ ગાંધી, પોલીસે કાફલાને ઈમ્ફાલ એરપોર્ટની સામે અટકાવ્યો
રાહુલ ગાંધીની મોઇરાંગની મુલાકાત રદ્દ
બીજી બાજુ, મણિપુર કોંગ્રેસના પ્રમુખ કીશમ મેઘચંદ્રએ જણાવ્યું હતું કે, “રાહુલ ગાંધીનો મોઇરાંગ પ્રવાસ રદ કરવામાં આવ્યો છે. વહીવટીતંત્રે તેમને મોઇરાંગ આવવાની મંજૂરી આપી નથી. ન તો માર્ગ દ્વારા કે ન હવાઈ માર્ગે. તેઓ માત્ર ચુરાચાંદપુરમાં જ હિંસાથી પ્રભાવિત લોકોની મુલાકાત લઈ શક્યા હતા.” તેઓ ઇમ્ફાલ પરત ફર્યા હતા અને ત્યાં રાત વિતાવશે. આવતીકાલે તેમની મુલાકાત વિશે અત્યારે કંઇ કહી શકાય નહીં.”
આ પણ વાંચો: રાહુલ ગાંધીને Manipurમાં કેમ અટકાવવામાં આવ્યા હતા? પોલીસે જણાવ્યું કારણ
