રાહુલ ગાંધી પાસે સંસદનું સભ્યપદ ગુમાવ્યા બાદ હવે કયો રસ્તો ?
ગુજરાત કોર્ટ દ્વારા દોષિત ઠેરવવામાં આવ્યા બાદ રાહુલ ગાંધીએ સંસદનું સભ્યપદ ગુમાવ્યું છે. લોકસભા સચિવાલયે એક નોટિફિકેશન બહાર પાડીને આ અંગે જાણકારી આપી છે. સચિવાલયે જાહેરાત કરી કે કોંગ્રેસના નેતા રાહુલ ગાંધીને 2019માં માનહાનિના કેસમાં ગુજરાતની સુરત કોર્ટ દ્વારા દોષિત ઠેરવવામાં આવ્યા અને સજા ફટકારવામાં આવ્યા બાદ હવે તેઓ સંસદના સભ્ય નથી.ગુરુવારે સુરતની એક કોર્ટે રાહુલ ગાંધીને માનહાનિના કેસમાં દોષિત ઠેરવ્યા હતા અને તેમને બે વર્ષની સજા ફટકારી હતી. જો કે રાહુલ ગાંધીને કોર્ટમાંથી જામીન મળી ગયા હતા.
Congress party's Rahul Gandhi disqualified as a Member of Lok Sabha from the date of his conviction in the criminal defamation case over his 'Modi surname' remark, March 23. pic.twitter.com/qmr9pRTtTh
— ANI (@ANI) March 24, 2023
નોટિફિકેશન જાહેર થયા બાદ હવે સૌથી મોટો સવાલ એ છે કે રાહુલ ગાંધીનું આગળનું પગલું શું હશે. રાહુલ ગાંધી આ મામલામાંથી બહાર આવી શકે તેવા કયા રસ્તા છે. કેટલાક કાનૂની નિષ્ણાતોનું કહેવું છે કે દોષિત ઠર્યા બાદ કોંગ્રેસના સાંસદો આપોઆપ ગેરલાયક ઠર્યા હતા. કેટલાક નિષ્ણાતો કહે છે કે જો તેઓ આ સજાને પલટાવવામાં સફળ થાય છે, તો આ કાર્યવાહીને રોકી શકાય છે. તો ચાલો જાણીએ તેના વિશે-
કપિલ સિબ્બલનું શું કહેવું છે?
આ સમગ્ર મામલાને લઈને વરિષ્ઠ વકીલ અને રાજ્યસભા સાંસદ કપિલ સિબ્બલ કહે છે, “જો કોર્ટ માત્ર સજાને સસ્પેન્ડ કરે તો તે પૂરતું નથી. સસ્પેન્શન અથવા દોષિત ઠેરવવા પર સ્ટે હોવો જોઈએ. રાહુલ ગાંધી સંસદના સભ્ય તરીકે ત્યારે જ યથાવત રહી શકે છે જો દોષિત ઠરાવવા પર રોક હોય. જો હાઈકોર્ટ આ નિર્ણયને રદ નહીં કરે તો રાહુલ ગાંધીને આગામી 8 વર્ષ સુધી ચૂંટણી લડવાની પરવાનગી નહીં મળે.
અન્ય કાનૂની નિષ્ણાતોનો અભિપ્રાય
રાહુલ ગાંધી હવે આ નિર્ણયને કોર્ટમાં પડકારી શકે છે. કોંગ્રેસના નેતાઓએ આ પગલાની કાયદેસરતા પર સવાલ ઉઠાવતા કહ્યું કે ચૂંટણી પંચ સાથે પરામર્શ કરીને ફક્ત રાષ્ટ્રપતિ જ સાંસદોને ગેરલાયક ઠેરવી શકે છે. આ મામલે રાહુલ ગાંધીની ટીમના જણાવ્યા અનુસાર આ નિર્ણયને હાઈકોર્ટમાં પડકારવાની તૈયારી કરવામાં આવી રહી છે. જો ત્યાં સજા સ્થગિત કરવા અને આદેશ પર સ્ટે આપવાની અપીલ સ્વીકારવામાં નહીં આવે તો તેઓ સુપ્રીમ કોર્ટનો સંપર્ક કરશે.
આ પણ વાંચોઃ રાહુલ ગાંધીની સદસ્યતા રદ: લીલી થોમસવાળો નિર્ણય જેને કારણે તુરંત છીનવાયું પદ
નિષ્ણાતો કહે છે કે લોકપ્રતિનિધિત્વ અધિનિયમ હેઠળ, સાંસદો અથવા ધારાસભ્યો સજાને સ્થગિત કર્યા પછી અને દોષિત ઠર્યા પછી જ અયોગ્યતા ટાળી શકે છે. એક નિષ્ણાંતે કહ્યું કે જો કોઈ પણ જનપ્રતિનિધિને બે વર્ષ કે તેથી વધુની સજા થશે તો તે આપોઆપ ગેરલાયક ઠરશે. હા, જો અપીલ પર સજા સસ્પેન્ડ કરવામાં આવે તો ગેરલાયકાત આપોઆપ સ્થગિત થઈ જશે. જો આમ ન થાય, તો સજા ભોગવ્યા પછી, ગેરલાયકાતનો સમયગાળો 6 વર્ષ છે. મતલબ કે તે 8 વર્ષનો પ્રશ્ન છે.
