શ્રી રામના નામે ભાજપ અને સંઘ પર નિશાન સાધ્યુ રાહુલ ગાંધીએ, જાણો શું બોલ્યા?
ભારત જોડો યાત્રા પર નીકળેલા સિનિયર કોંગ્રેસ નેતા રાહુલ ગાંધીએ મધ્યપ્રદેશના આગર માલવામાં કહ્યુ કે સીતા માતા વગર ભગવાન રામનું નામ અધુરુ છે. તે બંને એક જ છે તેથી આપણે જય સિયારામ કહીએ છીએ. ભગવાન રામ સીતાજી માટે લડ્યા. આપણે જય સિયારામ જપીએ છીએ અને મહિલાઓને સીતાનું સ્વરૂપ માનીને તેમનો આદર કરીએ છીએ.
રાહુલ ગાંધીએ એક પુજારી સાથે વાતચીત કરતા કહ્યુ કે મહાત્મા ગાંધી દ્વારા ઉપયોગમાં લેવાતુ વાક્ય હે રામ જીવન જીવવાની રીત છે. તેનાથી આખી દુનિયાને પ્રેમ, ભાઇચારો, સન્માન અને તપસ્યાનો અર્થ જાણવા મળે છે. કોંગ્રેસના નેતાએ કહ્યુ આ રીતે જય સિયારામનો અર્થ છે સીતા અને રામ એક છે. ભગવાન રામે સીતાજીના સન્માન માટેની લડાઇ લડી.
सीता के बिना भगवान राम का नाम अधूरा है – वो एक ही हैं इसीलिए हम 'जय सियाराम' कहते हैं।
भगवान राम सीता जी के लिए लड़े। हम जय सिया राम जपते हैं और महिलाओं को सीता का स्वरूप मान उनका आदर करते हैं।
जय सिया राम ????
– श्री @RahulGandhi pic.twitter.com/Q0is2EsMhx
— Congress (@INCIndia) December 2, 2022
સંઘ અને ભાજપ પર સાધ્યુ નિશાન
રાહુલ ગાંધીએ આક્ષેપ લગાવ્યો છે કે જય શ્રીરામનો અર્થ છે ભગવાન રામની જય હો, પરંતુ ભાજપ અને આરએસએસના લોકો ફક્ત જય શ્રીરામ બોલે છે, પરંતુ ભગવાન રામ જેવુ જીવન જીવી રહ્યા નથી અને મહિલાઓના સન્માન માટે પણ લડી પણ રહ્યા નથી. ઉલ્લેખનીય છે કે વડાપ્રધાન નરેન્દ્ર મોદીએ ચુંટણી સભામાં કોંગ્રેસ પર નિશાન સાધતા કહ્યુ હતુ કે જેઓ ક્યારેય ભગવાન રામના અસ્તિત્વમાં વિશ્વાસ કરતા ન હતા તે આજે તેમને અપશબ્દ કહેવા માટે રાવણ લઇ આવ્યા છે. હવે રાહુલે પીએમના શબ્દોનો જવાબ આપ્યો હોય તેમ લાગી રહ્યુ છે.
