લોકસભા ચૂંટણીનાં પરિણામ પહેલા રાહુલ ગાંધીએ તમામ સાંસદો સાથે કરી ઓનલાઈન બેઠક

• મલ્લિકાર્જુન ખડગે અને રાહુલ ગાંધીએ ઝૂમ એપ્લિકેશન દ્વારા કોંગ્રેસના તમામ સાંસદો સાથે ઓનલાઈન મીટીંગ કરી

દિલ્હી, 02 જૂન: લોકસભા ચૂંટણી 2024ને ધ્યાનમાં રાખીને તમામ સાત તબક્કાનું મતદાન પૂર્ણ થઈ ગયું છે. લોકસભા ચૂંટણીના એક્ઝિટ પોલના પરિણામો પણ વિવિધ ચેનલો દ્વારા જાહેર કરવામાં આવ્યા છે. આવી સ્થિતિમાં મોટાભાગના એક્ઝિટ પોલમાં ભારતીય જનતા પાર્ટીના નેતૃત્વમાં એનડીએ ગઠબંધન ફરી એકવાર દેશમાં સરકાર બનાવી શકે છે. એક તરફ એક્ઝિટ પોલ બાદ ભાજપના નેતાઓ અને કાર્યકરોમાં ખુશીની લહેર જોવા મળી રહી છે. બીજી તરફ કોંગ્રેસ પક્ષમાં હલચલ વધુ તેજ બની છે. વાસ્તવમાં કોંગ્રેસ પાર્ટીના રાષ્ટ્રીય અધ્યક્ષ મલ્લિકાર્જુન ખડગે અને રાહુલ ગાંધીએ ઓનલાઈન ઝૂમ એપ્લિકેશન પર લોકસભાના સભ્યો સાથે બેઠક કરી હતી.

કોંગ્રેસમાં હલચલ વધુ તેજ બની

કોંગ્રેસ પાર્ટીના મહાસચિવ જયરામ રમેશ આજે કોંગ્રેસ પાર્ટીના રાજ્ય એકમના મહત્વના નેતાઓ સાથે મુલાકાત અને બેઠક કરી રહ્યા છે. આ બેઠકમાં ચૂંટણીના પરિણામો પર ચર્ચા કરશે. આ પહેલા જયરામ રમેશે એક્ઝિટ પોલ પર આકરી પ્રતિક્રિયા આપી હતી અને કહ્યું હતું કે એક્ઝિટ પોલ મેનેજ કરાવવામાં આવ્યો છે. ઈન્ડી ગઠબંધનને ઓછામાં ઓછી 295 બેઠક મળવાની છે. એકદમ સ્પષ્ટ અને નિર્ણાયક બહુમતી મળશે. દરમિયાન, વિદાય લઈ રહેલા વડાપ્રધાન ત્રણ દિવસ સુધી હળવા રહી શકે છે. આ બધી મનોવૈજ્ઞાનિક રમતો છે જેમાં તેમણે બહુમતી મેળવી છે. પરંતુ વાસ્તવિક પરિણામો આના કરતા ઘણા અલગ હશે.

The man whose exit is certain on June 4th has had these exit polls orchestrated. The INDIA Janbandhan will definitely get a minimum of 295 seats, which is a clear and decisive majority. The outgoing Prime Minister can remain smug for three days in the meanwhile. These are all…

— Jairam Ramesh (@Jairam_Ramesh) June 1, 2024

કોંગ્રેસે એક્ઝિટ પોલમાં ભાગ ના લેવાની કરી હતી જાહેરત

ચૂંટણી એક્ઝિટ પોલ પહેલા શુક્રવારે કોંગ્રેસે જાહેરાત કરી હતી કે તે 1 જૂને કોઈપણ ન્યૂઝ ચેનલોમાં એક્ઝિટ પોલ સંબંધિત ચર્ચામાં ભાગ લેશે નહીં. તમને જણાવી દઈએ કે આ સંદર્ભમાં નિવેદન આપતાં કોંગ્રેસ પાર્ટીના પ્રવક્તા પવન ખેડાએ કહ્યું હતું કે, પાર્ટીએ 4 જૂને વાસ્તવિક પરિણામો જાહેર થાય તે પહેલા અટકળો અને ચર્ચાઓમાં ન પડવાનો નિર્ણય લીધો છે. તેમણે વધુમાં લખ્યું કે મતદારોએ પોતાનો મત આપ્યો છે. તેમનો નિર્ણય સુરક્ષિત છે. પરિણામ 4 જૂને આવશે. તે પહેલાં અમને ટીઆરપી માટે અટકળો અને ચર્ચામાં વ્યસ્ત રહેવાનું કોઈ કારણ દેખાતું નથી.

આ પણ વાંચો: કેન્દ્રમાં વિપક્ષની ગઠબંધન સરકાર બનશે અને રાહુલ ગાંધી વડાપ્રધાન: રેવન્ત રેડ્ડીનો મોટો દાવો