ખેડૂતોના આંદોલન વચ્ચે રાહુલ ગાંધીનું વચન, કોંગ્રેસ આપશે MSPની ગેરંટી
અંબિકાપુર (છત્તીસગઢ), 13 ફેબ્રુઆરી: ખેડૂતોના આંદોલન વચ્ચે કોંગ્રેસ નેતા રાહુલ ગાંધીએ મોટી જાહેરાત કરી છે. ‘ભારત જોડો ન્યાય યાત્રા’ દરમિયાન છત્તીસગઢના અંબિકાપુરમાં એક રેલીને સંબોધતા રાહુલ ગાંધીએ કહ્યું કે જો ‘INDI’ ગઠબંધન સરકાર સત્તામાં આવશે તો ખેડૂતોને લઘુત્તમ ટેકાના ભાવ (MSP)ની ખાતરી આપશે, એ વાત જાણીતી છે કે ફરી એકવાર ખેડૂતો વિરોધ પર છે અને તેમની સૌથી મોટી માંગ MSPની છે.
#WATCH | Ambikapur, Chhattisgarh | Congress MP Rahul Gandhi says, “Today, the farmers are marching towards Delhi. They are being stopped, tear gas shells are being used on them…What are they saying? They are just asking for the fruits of their labour. BJP Government announced… pic.twitter.com/lnB0mzOdTi
— ANI (@ANI) February 13, 2024
ખેડૂત આંદોલન વચ્ચે કોંગ્રેસ કરી જાહેરાત
કોંગ્રેસ અધ્યક્ષ મલ્લિકાર્જુન ખડગે અને રાહુલ ગાંધીએ મંગળવારે એક મોટી જાહેરાત કરતા કહ્યું કે કેન્દ્રમાં INDI ગઠબંધન સરકારની રચના થતાં જ તેઓ વિવિધ પાકો માટે MSPની ગેરંટી આપતો કાયદો લાવશે. આ દેશભરના ખેડૂતોની લાંબા સમયથી પડતર માંગ છે. રાહુલ ગાંધીએ કહ્યું છે કે કોંગ્રેસે સ્વામીનાથન કમિશન મુજબ દરેક ખેડૂતને પાક પર MSPની કાયદેસર ગેરંટી આપવાનો વાયદો કર્યો છે.
किसान भाइयों आज ऐतिहासिक दिन है!
कांग्रेस ने हर किसान को फसल पर स्वामीनाथन कमीशन के अनुसार MSP की कानूनी गारंटी देने का फैसला लिया है।
यह कदम 15 करोड़ किसान परिवारों की समृद्धि सुनिश्चित कर उनका जीवन बदल देगा।
न्याय के पथ पर यह कांग्रेस की पहली गारंटी है।#KisaanNYAYGuarantee
— Rahul Gandhi (@RahulGandhi) February 13, 2024
15 કરોડ ખેડૂત પરિવારોને ફાયદો થયો
MSP ગેરંટી જાહેર કરતા રાહુલ ગાંધીએ કહ્યું છે કે આ પગલું 15 કરોડ ખેડૂત પરિવારોની સમૃદ્ધિ સુનિશ્ચિત કરીને તેમના જીવનમાં પરિવર્તન લાવશે. ન્યાયના માર્ગ પર કોંગ્રેસની આ પ્રથમ ગેરંટી છે. તેમણે કહ્યું કે દેશમાં ખેડૂતો તેમના હકનું જે મળવું જોઈએ તે નથી મળી રહ્યું. એટલા માટે ખેડૂતો દિલ્હી તરફ કૂચ કરી રહ્યા છે, પરંતુ તેમને રોકવામાં આવી રહ્યા છે, તેમના પર ટીયર ગેસના શેલ છોડવામાં આવી રહ્યા છે. ખેડૂતો માત્ર એટલું જ કહી રહ્યા છે કે-અમને અમારી મહેનતનું ફળ મળવું જોઈએ.
દિલ્હીમાં ખેડૂતોને રોકવા માટે બેરિકેડ લગાવાયા
મહત્ત્વનું છે કે, લઘુત્તમ ટેકાના ભાવ માટે કાયદો બનાવવાની માંગ પર સંયુક્ત કિસાન મોરચા (બિનરાજકીય) અને કિસાન મજદૂર મોરચાએ જાહેરાત કરી છે કે ખેડૂતો તેમની માંગણીઓના સમર્થનમાં દિલ્હી સુધી કૂચ કરશે. સોમવારે કેન્દ્રીય પ્રધાનો સાથે ખેડૂત નેતાઓની બેઠક અનિર્ણિત રહી, ત્યારે ખેડૂતોએ વિરોધ કરવા માટે મંગળવારે દિલ્હીમાં કૂચ શરૂ કરી. પોલીસે શહેરના બોર્ડર પોઈન્ટ પર સુરક્ષા માટે અનેક તબક્કામાં બેરીકેટ્સ ઊભા કરવા ઉપરાંત કોંક્રીટ બ્લોક્સ, લોખંડની ખીલીઓ અને કન્ટેનરની દિવાલો ઊભી કરી છે. ઘણી જગ્યાએ ખેડૂતોએ તેને પાર કરવાનો પ્રયાસ કર્યો છે, જેના કારણે પોલીસ સાથે ઘર્ષણ થઈ રહ્યું છે.
આ પણ વાંચો: રાકેશ ટિકૈતે ખેડૂત આંદોલન પર મૌન તોડ્યું, સરકારને લીધી આડે હાથ
