2025માં રાહુ કરશે રાશિ પરિવર્તન, જાણો આ ગોચર કોને આપશે લાભ

• 18મી મે 2025ના રોજ તે કુંભ રાશિમાં પ્રવેશ કરશે અને લગભગ 18 મહિના સુધી અહીં રહેશે. રાહુનું આ રાશિ પરિવર્તન 3 રાશિઓ માટે ભાગ્યશાળી સાબિત થશે

HD ન્યુઝ ડેસ્કઃ જ્યોતિષ શાસ્ત્ર અનુસાર રાહુ એક છાયા અને પાપી ગ્રહ છે. રાહુ હંમેશા વક્રી ચાલ ચાલે છે, જે કોઈપણ રાશિ માટે હાનિકારક છે. અત્યારે રાહુ ગુરુની રાશિ મીનમાં સ્થિત છે, પરંતુ હવે તે મેષ રાશિમાં જવાને બદલે કુંભ રાશિમાં ગોચર કરશે. આવતા વર્ષે 18મી મે 2025ના રોજ તે કુંભ રાશિમાં પ્રવેશ કરશે અને લગભગ 18 મહિના સુધી અહીં રહેશે. રાહુનું આ રાશિ પરિવર્તન 3 રાશિઓ માટે ભાગ્યશાળી સાબિત થશે.

મેષ (અ,લ,ઈ)

જ્યોતિષ શાસ્ત્ર અનુસાર વર્ષ 2025માં રાહુ ગોચર મેષ રાશિના જાતકો માટે ફાયદાકારક રહેશે. આ લોકોની તમામ ઈચ્છાઓ પૂર્ણ થવાની પ્રબળ સંભાવના છે. આ સાથે આ લોકોના લાંબા સમયથી ચાલી રહેલા પડતર કામ પણ પૂર્ણ થશે. આ સિવાય આર્થિક સ્થિતિમાં પણ મજબૂતાઈ આવશે.

કન્યા (પ,ઠ,ણ)

આવતા વર્ષે થવા જઈ રહેલું રાહુનું ગોચર કન્યા રાશિ માટે શુભ રહેશે. આ લોકો માટે વર્ષ 2025માં બિઝનેસમાં નફો મળવાની પ્રબળ સંભાવનાઓ છે. તે જ સમયે તેમના જીવનમાં ચાલી રહેલી તમામ સમસ્યાઓનો અંત આવવાનો સમય પણ છે. નોકરીમાં પ્રમોશન અને કાયદાકીય બાબતોમાં રાહત મળી શકે છે.

ધન (ભ,ધ,ફ,ઢ)

રાહુનું રાશિ પરિવર્તન ધન રાશિના જાતકો માટે ફાયદાકારક રહેશે. આ લોકોની કરિયરમાં સફળતાના નવા દરવાજા ખુલશે. તેમના હિંમત અને આત્મવિશ્વાસમાં પણ વધારો થશે. વ્યવસાયમાં યોજનાઓ પણ સફળ થશે અને નફો લાવશે. નોકરિયાત લોકો માટે પણ આ ગોચર સારું રહેશે.

આ પણ વાંચોઃ સંકટ ટાળવા માટે દેવઉઠી એકાદશી પર કરો આ ઉપાય