આખરે રાઘવ ચઢ્ઢાએ પરિણીતી સાથેના સંબંધો પર તોડ્યું મૌન, જાણો નિવેદનમાં શું કહ્યું

• છેલ્લા કેટલાક દિવસોથી રાઘવ અને પરિણીતીની સગાઈની ચર્ચા જોર પકડ્યું છે
• પાપારાઝીએ રાઘવને પરિણીતી વિશે પ્રશ્ન પૂછાતા શરમાતા મૌન તોડ્યું
• કહ્યું આજે APP પાર્ટી રાષ્ટ્રીય પાર્ટી બની ગઈ છે, આગળ જશ્નના માટે ઘણા મોકા મળશે

છેલ્લા ઘણા સમયથી APP રાજ્યસભા સાંસદ અને ચોકલેટ બોય જેવા દેખાતા રાઘવ ચડ્ડા અને બોલિવૂડ સ્ટાર અભિનેત્રી પરિણીતિ ચોપડા વચ્ચેના અફેરની ચર્ચા સંસદમાં પણ ગુંજી ઉઠી છે. બંને ઘણીવાર એક સાથે જોવા મળ્યાં છે. ક્યારેક એરપોર્ટ પર તો ક્યારેક રેસ્ટોરંટમાં બંને એક સાથે જોવા મળ્યાં છે. બંને સતત ચર્ચામાં છે ત્યારે બંનેને લઈને એક નવા સમાચાર સામે આવી રહ્યા છે. રાઘવ ચઢ્ઢાએ પહેલીવાર પરિણીતી વિશે પોતાનું મૌન તોડ્યું છે, જેને લઈને ફેન્સ ખૂબ જ ઉત્સાહિત છે. એવું તો શું કહ્યું રાઘવ ચડ્ડાએ કે ફેંસ ખૂબ જ ઉત્સાહિત થઇ ગયા છે.

બોલિવૂડ અભિનેત્રી પરિણીતી ચોપરાનું નામ છેલ્લા કેટલાક દિવસોથી APPના સાંસદ રાઘવ ચઢ્ઢા સાથે જોડાઈ રહ્યું છે. બંનેના અફેરની ચર્ચાએ ખૂબ જ જોર પકડ્યું છે. પરિણીતી અને રાઘવ પહેલીવાર મુંબઈમાં સાથે જોવા મળ્યા હતા. ત્યારે જ તેમની સગાઈના સમાચાર આવવા લાગ્યા. કેટલાક મીડિયા રિપોર્ટ્સ અનુસાર રાઘવ અને પરિણીતી એપ્રિલના પહેલા અઠવાડિયામાં સગાઈ કરવા જઈ રહ્યા છે, પરંતુ એવું થયું નહીં. હવે ફરી એકવાર રાઘવ ચઢ્ઢાના જવાબે પરિણીતી અને તેમના સંબંધોને હવા આપી દીધી છે.

આ પણ વાંચો : રાઘવ ચઢ્ઢા અને પરિણીતી ચોપરાના લગ્નને લઈને હાર્ડી સંધુએ દાવો કર્યો, જાણો શું કહ્યું

બંનેને લઈને ઘણી અટકળો લગાવવામાં આવી રહી છે ત્યારે હાલમાં જ ફરી એકવાર મીડિયાએ રાઘવ ચઢ્ઢાને પરિણીતી વિશે સવાલ પૂછ્યો હતો. આ સાંભળીને રાઘવ ચઢ્ઢા શરમાવા લાગ્યા અને આખરે તેણે પોતાનું મૌન તોડ્યું. મીડિયાએ તેમને પરિણીતી સાથે જોડાયેલ એક સવાલ પૂછ્યો, જેના જવાબમાં રાઘવ ચઢ્ઢાએ હસીને કહ્યું- ‘આજે જશ્ન કરો કે આમ આદમી પાર્ટી રાષ્ટ્રીય પાર્ટી બની ગઈ છે અને ઉજવણી કરવાના ઘણા પ્રસંગો મળશે.’

રાઘવ ચઢ્ઢાએ આપ્યા સંકેતો

હવે રાઘવ ચઢ્ઢાના આ નિવેદન બાદ ફેન્સ ખૂબ જ ઉત્સાહિત છે. ચાહકોને આશા છે કે ટૂંક સમયમાં પરિણીતી અને રાઘવની સગાઈનું અપડેટ બહાર આવશે. તમને જણાવી દઈએ કે રાઘવ અને પરિણીતી બંનેએ લંડનથી અભ્યાસ કર્યો છે. બંને ક્લાસમેટ રહી ચૂક્યા છે. તાજેતરમાં બંને ઘણી વખત સાથે જોવા મળ્યા છે.

આ પણ વાંચો : પરિણીતી ચોપરા અને રાઘવ ચઢ્ઢાની સગાઈની તારીખ સામે આવી, તૈયારીઓ શરૂ

રાઘવનું નામ સાંભળીને પરિણીતી શરમાઈ

ભૂતકાળમાં પરિણીતી ચોપરાને પણ રાઘવ ચઢ્ઢા વિશે સવાલ પૂછવામાં આવ્યો હતો. જે બાદ અભિનેત્રી પરિણીતી હસીને શરમાઈ ગઈ હતી. જ્યારે પાપારાઝીએ તેને અભિનંદન આપ્યા ત્યારે પરિણીતીએ તેનો આભાર માન્યો અને હસવા લાગી. જો કે, હજુ સુધી પરિણીતી અને રાઘવ ચઢ્ઢાએ આ બાબતે પર કોઈ સત્તાવાર જાહેરાત કરી નથી.

રાઘવ-પરિણીતીની સગાઇના સમાચાર સાંભળવા ફેંસ આતુર

પ્રિયંકા ચોપરા ભારત આવ્યા બાદ પરિણીતીની સગાઈના સમાચારને વધુ વેગ મળ્યો હતો. એવું માનવામાં આવતું હતું કે પ્રિયંકા પરિણીતીની સગાઈમાં હાજરી આપવા માટે જ ભારત પહોંચી હતી, પરંતુ એવું બન્યું નહીં. પ્રિયંકા પાછી ફરી છે અને આ દિવસોમાં લંડનમાં છે. તાજેતરમાં પરિણીતી લંડન પણ ગઈ હતી. પાપારાઝીની રાઘવ અને પરિણીતી પર તેજ નજર રાખી રહ્યા છે.

આ પણ વાંચો : રાઘવ ચઢ્ઢા-પરિણીતી ટૂંક સમયમાં એકબીજાના થશે ? લગ્નના સવાલ પર અભિનેત્રીએ આપી દીધો જવાબ

પરિણીતી અને રાઘવને અભિનંદન મળ્યા છે

સિંગર હાર્ડી સંધુએ પણ પરિણીતી અને રાઘવ ચઢ્ઢાની સગાઈના સમાચારને લઈને નિવેદન આપ્યું છે. હાર્દિક સંધુએ તો ત્યાં સુધી કહ્યું હતું કે તેણે પરિણીતીને ફોન કરીને અભિનંદન આપ્યા હતા. બીકી બાજુ, આમ આદમી પાર્ટીના સાંસદ સંજીવ અરોરાએ પણ રાઘવ ચઢ્ઢા અને પરિણીતીને ટ્વિટ કરીને અભિનંદન આપ્યા છે. આમ પરિણીતી અને રાઘવને અગાઉ અભિનંદન મળી ચુક્યા છે.