પરિણીતી ચોપરા-રાઘવ ચઢ્ઢાની સગાઈમાં સેલેબ્સ અને રાજકારણીઓનો મેળો જામશે

અભિનેત્રી પરિણીતી ચોપરા અને AAP સાંસદ રાઘવ ચઢ્ઢા લાંબા સમયથી એકબીજા સાથે જોવા મળે છે. સતત સાથે જોવા મળ્યા બાદ તેમના લગ્ન અને સગાઈને લઈને ઘણી ચર્ચાઓ થઈ રહી છે. આવી સ્થિતિમાં હવે પરિણીતી ચોપરા અને રાઘવ ચઢ્ઢા સગાઈ કરવા જઈ રહ્યા છે.

રાઘવ ચઢ્ઢા અને પરિણીતી ચોપરાની સગાઈની થીમ

રાઘવ ચઢ્ઢા અને અભિનેત્રી પરિણીતી ચોપરાની સગાઈ આવતીકાલે 13 મેના રોજ દિલ્હીના કપૂરથલા હાઉસમાં થશે. રાઘવ ચઢ્ઢા અને પરિણીતી ચોપરાની સગાઈની થીમ વિશે વાત કરીએ તો આ ખાસ દિવસ માટે બોલિવૂડ થીમ અપનાવવામાં આવી છે. તેના જીવનના આ ખાસ દિવસે રાઘવ ચઢ્ઢા પવન સચદેવા ડિઝાઈન કરેલો અચકન અને પરિણીતી ચોપરા મનીષ મલ્હોત્રા ડિઝાઈન કરેલો ડ્રેસ પહેરશે.

આ કાર્યક્રમ લગભગ સાંજે 5 વાગ્યે શરૂ થશે. સૌપ્રથમ સુખમણી સાહેબનો પાઠ થશે, ત્યારબાદ અરદાસ અને પછી રાત્રે 8 વાગ્યે સગાઈ અને ત્યારબાદ રાત્રિભોજનનો કાર્યક્રમ રાખવામાં આવ્યો છે.

રાઘવ ચઢ્ઢા અને પરિણીતી ચોપરાની સગાઈનું ગેસ્ટ લિસ્ટ

પરિણીતી ચોપરા અને રાઘવ ચઢ્ઢાની આ સગાઈને ક્લોઝ રિંગ સેરેમની કહી શકાય. જેમાં પરિવાર અને નજીકના મિત્રોના 150 લોકોને સગાઈ માટે આમંત્રણ આપવામાં આવ્યું છે.

આ પણ વાંચોઃ પરિણીતી ચોપરાનો સગાઈનો આઉટફિટ ! જાણો- કોણે કર્યું ડિઝાઈન ?

પરી અને રાઘવના ખાસ મહેમાન વિશે વાત કરીએ તો પ્રાપ્ત માહિતી અનુસાર, દિલ્હીના મુખ્યમંત્રી અરવિંદ કેજરીવાલ, પંજાબના મુખ્યમંત્રી ભગવંત માન અને બોલિવૂડ અભિનેત્રી પ્રિયંકા ચોપરા સહિત રાજકારણ અને બોલિવૂડ સાથે જોડાયેલી ઘણી મોટી હસ્તીઓ આ સગાઈ સમારોહમાં હાજરી આપશે.