પીવી સિંધુ અને શરથ કમલે ઓલિમ્પિકની ઓપનિંગ સેરેમનીમાં ભારતનું કર્યું નેતૃત્વ, જુઓ વીડિયો

• આ પરેડમાં ઓલિમ્પિકમાં ભાગ લેવા ગયેલા 117 ભારતીય એથ્લેટ્સના ગ્રુપમાંથી 78 ખેલાડીઓએ ભાગ લીધો હતો

પેરિસ, 27 જુલાઇ: ફ્રાન્સની રાજધાની પેરિસમાં 33મી સમર ઓપનિંગ ગેમ્સનો ઉદ્ઘાટન સમારોહ યોજાયો હતો, જેમાં ઓલિમ્પિકના ઈતિહાસમાં પ્રથમ વખત સ્ટેડિયમને બદલે નદીમાં રાષ્ટ્રોની પરેડ યોજાઈ હતી. પેરિસમાં સીન નદી પર યોજાયેલી પરેડ ઓફ નેશન્સ, જ્યાં ગ્રીક એથ્લેટ્સ બોટ પર પ્રથમ આવ્યા હતા,આ દરમિયાન ભારતીય એથ્લેટ્સ પણ ભારે ઉત્સાહમાં જોવા મળ્યા હતા. આ પરેડમાં પીવી સિંધુ અને શરથ કમલે અન્ય એથ્લેટ્સ સાથે ઓપનિંગ સેરેમનીમાં ભારતીય ટીમનું નેતૃત્વ કર્યું હતું. આ પરેડમાં ઓલિમ્પિકમાં ભાગ લેવા ગયેલા 117 ભારતીય એથ્લેટ્સના ગ્રુપમાંથી 78 ખેલાડીઓએ ભાગ લીધો હતો.

Those smiles carry the dreams and aspirations for glory 🥇of a billion Indians 🫡🇮🇳

The Indian contingent has arrived officially at the #OpeningCeremony of #Paris2024! 😍#OlympicsOnJioCinema #OlympicsOnSports18 #JioCinemaSports #Cheer4Bharat pic.twitter.com/madpvuv9zA

— JioCinema (@JioCinema) July 26, 2024

પીવી સિંધુ અને શરથ કમલે તેનું નેતૃત્વ કર્યું

જ્યારે પીવી સિંધુએ પેરિસ ઓલિમ્પિકના ઉદ્ઘાટન સમારોહમાં ભારત તરફથી પરેડ ઓફ નેશન્સમાં મહિલા ધ્વજ ધારકના રૂપે નેતૃત્વ કર્યું હતું, ત્યારે ટેબલ ટેનિસ ખેલાડી શરથ કમલે પુરુષ ધ્વજ ધારક તરીકે નેતૃત્વ કર્યું હતું. આ દરમિયાન બોટમાં સવાર અન્ય ભારતીય ખેલાડીઓ પણ ભારે ઉત્સાહમાં જોવા મળ્યા હતા, જેમના હાથમાં ત્રિરંગો હતો અને તે લહેરાવીને દર્શકોનું અભિવાદન પણ સ્વીકારી રહ્યા હતા. સીન નદી પર આયોજિત આ ઉદ્ઘાટન સમારોહમાં 6 કિલોમીટર લાંબો રૂટ નાખવામાં આવ્યો હતો. આ વખતે, ઓલિમ્પિકમાં ભાગ લેવા માટે ભારત ગયેલા ઘણા એથ્લેટ્સ તેમની ઇવેન્ટમાં મેડલ જીતવાના દાવેદારમાં સામેલ છે, જેમાં એથ્લેટિક્સ ઉપરાંત શૂટિંગમાં પણ દેશ વધુ મેડલ જીતે તેવી અપેક્ષા છે.

પ્રથમ દિવસે ભારતીય હોકી ટીમના પ્રદર્શન પર પણ નજર રહેશે

ઓપનિંગ સેરેમનીની સાથે જ આજે 27 જુલાઈએ પેરિસ ઓલિમ્પિકના પહેલા દિવસે ભારતીય ખેલાડીઓ એક્શનમાં જોવા મળશે. આ ઉપરાંત હોકી ટીમ પણ પોતાના ખેલની શરૂઆત કરશે જેમાં તેમનો સામનો ન્યૂઝીલેન્ડની ટીમ સાથે થશે, જેના પર દરેકની નજર રહેશે. ભારતીય હોકી ટીમ ટોક્યો ઓલિમ્પિક 2020માં બ્રોન્ઝ મેડલ જીતવામાં સફળ રહી હતી, જેમાં આ વખતે તેમની પાસેથી વધુ સારા પ્રદર્શનની અપેક્ષા છે.

આ પણ જૂઓ: Video: ઓલિમ્પિક ઉદ્દઘાટન સમારંભ પહેલાં તોફાનીઓએ પેરિસને બાનમાં લીધું, ટ્રેન વ્યવહાર પણ ખોરવી નાખ્યો