‘પુષ્પા 2’એ RRR અને જવાનને આપી કડક ટક્કર, એડવાન્સ બુકિંગ દ્વારા કરોડોની કમાણી
- ભારતમાં જ નહીં પરંતુ અમેરિકામાં પણ એડવાન્સ બુકિંગ પૂરજોશમાં શરૂ થઈ ગયું છે
મુંબઈ, 26 નવેમ્બર: અલ્લુ અર્જુનની ‘પુષ્પા 2: ધ રૂલ’ને સિનેમાઘરોમાં રિલીઝ થવામાં હજુ નવ દિવસ બાકી છે, આ ફિલ્મ આજથી બરાબર 10મા દિવસે રિલીઝ થશે. રિલીઝ પહેલા જ આ ફિલ્મ બોક્સ ઓફિસના તમામ રેકોર્ડ તોડવા માટે તૈયાર છે. આ ફિલ્મ વિશ્વભરમાં ભવ્ય રીલીઝ માટે તૈયાર છે અને તે પહેલા જ ભારતમાં જ નહીં પરંતુ અમેરિકામાં પણ એડવાન્સ બુકિંગ પૂરજોશમાં શરૂ થઈ ગયું છે. જે રીતે ફિલ્મની ટિકિટો વેચાઈ રહી છે તે દર્શાવે છે કે, ફિલ્મ બમ્પર ઓપનિંગ કરશે. આ ફિલ્મે તેના પ્રારંભિક એડવાન્સ બુકિંગમાં ‘RRR’ અને ‘જવાન’ જેવી બ્લોકબસ્ટર ફિલ્મોને પાછળ છોડી દીધી છે.
#Pushpa2TheRule USA Premiere Advance Sales🇺🇸:
$1,383,949 – 900 Locations – 3420 Shows – 50008 Tickets Sold
Total North America Premiere Advance Sales at $1.458M. Crossed 50K tickets sold with 10 days left which is a record 💥🔥. 10 Days Till Premieres! #Pushpa2
— Venky Box Office (@Venky_BO) November 25, 2024
‘પુષ્પા 2’ કમાણીના મામલે બનાવશે રેકોર્ડ
સોમવારે, ટ્રેડ ટ્રેકર વેન્કી બોક્સ ઓફિસે ફિલ્મના US પ્રીમિયર માટે એડવાન્સ બુકિંગ કલેક્શન શેર કર્યું હતું. X પર ટ્રેડ એનાલિસ્ટે ટ્વિટ કર્યું કે, ‘પુષ્પા 2: ધ રૂલ’ને USA પ્રીમિયર એડવાન્સ સેલ્સ: $1,383,949, 900 લોકેશન, 3420 શો, 50008 ટિકિટ વેચાઈ.’ ભારતીય ચલણમાં વાત કરવામાં આવે તો ફિલ્મે 11 કરોડ રૂપિયાથી વધુનું એડવાન્સ બુકિંગ મેળવી લીધું છે. રવિવાર સાંજ સુધીમાં, ‘પુષ્પા 2’એ USમાં 50,000 થી વધુ ટિકિટો વેચી દીધી હતી, જ્યારે તેની રિલીઝને 10 દિવસ બાકી છે. ટ્વીટમાં કહેવામાં આવ્યું છે કે, ઉત્તર અમેરિકામાં એડવાન્સ બુકિંગ કલેક્શન $1.458 મિલિયન (લગભગ 12 કરોડ રૂપિયા)ને પાર કરી ગયું છે, ‘જે એક રેકોર્ડ છે.’
આ મોટી ફિલ્મોને પાછળ છોડી દીધી
ટ્રેડ એનાલિસ્ટ કહે છે કે, આ ફિલ્મ તેની રિલીઝના માત્ર નવ દિવસ પહેલા $1.5 મિલિયનને વટાવી જશે, જેનો અર્થ છે કે તે SS રાજામૌલીની ‘RRR’ અને શાહરૂખ ખાન સ્ટારર ‘જવાન’ને પાછળ છોડી દેશે, જે તાજેતરના સમયમાં USમાં સૌથી વધુ કમાણી કરનારી બે ભારતીય ફિલ્મો છે. બંને ફિલ્મોએ ઉત્તર અમેરિકામાં $15 મિલિયનથી વધુની કમાણી કરી હતી અને ખંડમાં સૌથી વધુ કમાણી કરતી ટોચની પાંચ ભારતીય ફિલ્મોમાંની એક છે.
આ ફિલ્મ ક્યારે રિલીઝ થશે?
ઉલ્લેખનીય છે કે, ‘પુષ્પા 2: ધ રૂલ’નું નિર્દેશન સુકુમાર દ્વારા કરવામાં આવ્યું છે. આ ફિલ્મ ‘પુષ્પા 2: ધ રાઇઝ’ની સિક્વલ છે. આમાં અલ્લુ અર્જુનને ફરીથી મુખ્ય અભિનેતા તરીકે રજૂ કરવામાં આવી રહ્યો છે. આ ફિલ્મમાં ફહાદ ફાસીલ વિલનની ભૂમિકામાં છે અને રશ્મિકા મંદાન્ના મુખ્ય હિરોઈન છે. આ ફિલ્મ 5 ડિસેમ્બરે સિનેમાઘરોમાં રિલીઝ થશે.
આ પણ જૂઓ: અનિલ કપૂર-શોભિતાની ‘ધ નાઈટ મેનેજર’ એમી એવોર્ડ ન જીતી, કઈ સીરીઝ વિજેતા?
