પંજાબના CM ભગવંત માનની પુત્રીએ પિતા પર લગાવ્યા ગંભીર આરોપો, જુઓ વીડિયો

• CM ભગવંત માનની પુત્રી સીરત માનનો કથિત વીડિયો સોશિયલ મીડિયા પર વાયરલ
• નશાની હાલતમાં વિધાનસભા, ગુરુદ્વારા અથવા પ્રેસ કોન્ફરન્સમાં જવાનો પુત્રીનો CM પિતા પર આરોપ

ચંદીગઢ, 10 ડિસેમ્બર : પંજાબના મુખ્યમંત્રી ભગવંત માનની પુત્રી સીરત માનનો એક કથિત વીડિયો સોશિયલ મીડિયા પર વાયરલ થઈ રહ્યો છે. આ વિડિયોમાં સીરત માન પોતાના પિતા અને પંજાબના મુખ્યમંત્રી ભગવંત માન પર ગંભીર આક્ષેપો લગાવતી જોવા મળે છે. સીરત માન દ્વારા જણાવવામાં આવ્યું કે, તે મુખ્યમંત્રી ભગવંત માનની પુત્રી છે પરંતુ તે તેને CM માન તરીકે સંબોધિત કરશે કારણ કે તેણે લાંબા સમયથી તેના દ્વારા પાપા કહેવાનો અધિકાર ગુમાવી દીધો છે. સીએમની પુત્રીએ તેમના પર નશાની હાલતમાં વિધાનસભા, ગુરુદ્વારા અથવા પ્રેસ કોન્ફરન્સમાં જવાનો પણ આરોપ લગાવ્યો હતો.

. @BhagwantMann की बेटी ने जो आरोप भगवंत मान पर लगाये है बेहद गंभीर हैं । चाहे वो भगवंत मान द्वारा अपने बेटे को CM हाउस में घुसने से रोकना हो या गुरुद्वारे और विधानसभा में शराब पीकर जाना हो चाहे वो शराब पीकर अपनी पत्नी के साथ घटिया हरकते करना हो । @ArvindKejriwal क्या इन आरोपों… pic.twitter.com/k9QbYZUKK1

— Tajinder Bagga (@TajinderBagga) December 9, 2023

CM ભગવંત માન પર પુત્રીના ગંભીર આક્ષેપો

આ કથિત વિડીયોમાં સીરત માન પોતાના પિતા CM ભગવંત માન પર આરોપ લગાવતા કહે છે કે, “આ વીડિયો બનાવવા પાછળ મારો કોઈ રાજકીય ઈરાદો નથી. હું માત્ર મારી વાત બહાર આવે તેવું ઈચ્છું છું. લોકોએ અમારા વિશે જે કંઈ સાંભળ્યું છે તે સીએમ માન દ્વારા પોતે જ કહ્યું છે. આજ સુધી તે ચૂપ છે અને તેની માતા પણ ચૂપ છે. મને લાગે છે કે અમારું મૌન અમારી નબળાઇ તરીકે લેવામાં આવ્યું છે. તેઓ જાણતા નથી કે અમારા મૌનને કારણે તેઓ હાલમાં ઉચ્ચ હોદ્દા પર છે

CM ભગવંત માન ત્રીજી વખત પિતા બનવા જઈ રહ્યા છે : પુત્રી સીરત માન

આ વિડીયોમાં સીરત માને સીરત માને માહિતી આપી કે, મુખ્યમંત્રી ભગવંત માનની પત્ની ડો. ગુરકીરત ગર્ભવતી છે અને સીએમ માન ત્રીજી વખત પિતા બનવા જઈ રહ્યા છે. તેમને આ વાતની જાણ અન્ય લોકો પાસેથી થઈ છે. મુખયમંત્રી ભગવંત માન આ વિશે તેણીને કે તેના ભાઈને જાણ કરવાની તસ્દી પણ લીધી ન હતી. સીરત માને વધુમાં જણાવ્યું કે, “તેમને બે બાળકો છે. પરંતુ તેમણે તેમની અવગણના કરી છે અને હવે તેઓ આ દુનિયામાં ત્રીજું બાળક લાવવા માંગે છે. આનું કારણ શું છે?”

CMએ તેમના પુત્રને ઘરમાં આવવા ન દીધો : સીરત માન

સીરત માને વધુમાં જણાવ્યું કે, સીએમનો પુત્ર દોશાન તેના પિતા સાથે સમય પસાર કરવા માંગતો હોવાથી સીએમ માનને મળવા બે વખત પંજાબ ગયો હતો. પરંતુ દોશાનને સીએમ હાઉસમાં આવવાની મંજૂરી આપવામાં આવી નહીં. બંને વખત દોષાન સાથે ઘણું થયું. ત્યારબાદ તે પરિવારના લોકો સાથે ચંદીગઢમાં રહ્યો. એક દિવસ, તે ફરીથી સીએમ માનના ઘરે ગયો. ત્યારે તેને ઘરની બહાર કાઢી મૂકવામાં આવ્યો અને સીરતે આરોપ લગાવ્યો કે, દોશાનને ત્યાંથી ચાલ્યા જવાનું કહ્યું અને કહ્યું કે તે ત્યાં રહી શકતો નથી. જે ​​વ્યક્તિ પોતાના બાળકોની જવાબદારી નથી લઈ શકતો તે પંજાબના લોકોની જવાબદારી કેવી રીતે લેશે.

સીરત માને કહ્યું કે “અમે જે પણ જોયું છે તે પંજાબના લોકો સાથે પણ થઈ રહ્યું છે. સીએમ માનએ છૂટાછેડાનું કારણ આપ્યું હતું કે તેની માતા ઈચ્છે છે કે તેણે રાજકારણમાં ન જવું જોઈએ. છૂટાછેડાના ઘણા કારણો છે અને તે મારી માતાની વાત છે. તે મારી માતા તૈયાર થશે, ત્યારે ચોક્કસપણે દરેકને તેની વાત કહેશે.” મુખ્યમંત્રી માન અને તેની માતા વચ્ચેના છૂટાછેડાના કેટલાક કારણો પર પ્રકાશ પાડતા સીરત માને આરોપ લગાવ્યા કે, “દારૂ પીવો, ભાવનાત્મક અને શારીરિક શોષણ, જૂઠું બોલવાની ટેવ જેવી CM માનની આદતો હતી.

આ પણ જુઓ :સુરત ડાયમંડ બુર્સ વિવાદમાં, સંચાલકોને કોર્ટનો 100 કરોડની બેંક ગેરંટી જમા કરાવવા આદેશ