IAS પૂજા ખેડકર કેસમાં પુણે પોલીસની તપાસ તેજ, માતાની કરી અટકાયત
- થોડા દિવસો પહેલા પુણે પોલીસે પૂજા ખેડકરની માતાને નોટિસ પાઠવી હતી અને આગામી 10 દિવસમાં જવાબ આપવા કહ્યું હતું
મહારાષ્ટ્ર, 18 જુલાઇ: ટ્રેઇની IAS પૂજા ખેડકર અને તેના પરિવારની મુસીબતો ઓછી થતી દેખાઈ રહી નથી. જેમાં પુણે પોલીસે આજે ગુરુવારે પૂજા ખેડકરની માતા મનોરમા ખેડકરની ગેરકાયદેસર હથિયાર રાખવાના આરોપમાં અટકાયત કરી છે. મળતી માહિતી મુજબ, આ મામલે પૂછપરછ કર્યા બાદ પોલીસ તેમની ધરપકડ કરીને આજે કોર્ટમાં રજૂ કરી શકે છે. ઉલ્લેખનીય છે કે, થોડા દિવસો પહેલા પુણે પોલીસે પૂજા ખેડકરની માતાને નોટિસ પાઠવી હતી અને આગામી 10 દિવસમાં જવાબ આપવા કહ્યું હતું. મનોરમા ખેડકર પર પુણે જિલ્લાના મુલશી તાલુકામાં તેમની જમીન નજીક અન્ય ખેડૂતોની જમીન હડપ કરવાનો પ્રયાસ કરવાનો આરોપ છે. તેના પર ખેડૂતોને ધમકાવવાનો પણ આરોપ છે.
Manorama Khedkar, mother of IAS trainee Pooja Khedkar, was detained by Pune Police from Mahad in Raigad district. She faces accusations of threatening a farmer and had a case registered against her under the Arms Act by Pune Rural Police pic.twitter.com/Wv9svXLzna
— IANS (@ians_india) July 18, 2024
મનોરમા ખેડકર પર ખેડૂતોને ધમકાવવાનો પણ આરોપ
થોડા દિવસો પહેલા મનોરમા ખેડકરનો એક વીડિયો વાયરલ થયો હતો. આ વીડિયોમાં પૂજા ખેડકરની માતા મનોરમા દેવી ખેડૂતો સાથે વાત કરતી વખતે પિસ્તોલ દેખાડતી જોવા મળી હતી. વાયરલ થયેલા આ વીડિયોમાં મનોરમા ખેડકરના હાથમાં ખેડૂતો સાથે વાત કરતી વખતે પિસ્તોલ જોવા મળી હતી. આ દરમિયાન પૂજાની માતા સાથે કેટલાક બોડીગાર્ડ પણ ત્યાં હતા. આ બનાવ અંગે ખેડૂતોએ પોલીસને જાણ કરતાં પોલીસે ફરિયાદ તો લીધી પણ કોઈ કાર્યવાહી કરી નહીં.
Trainee IAS officer Puja’s mother Manorama Khedkar has been detained from Mahad, according to Pune SP Pankaj Deshmukh. She is accused of allegedly threatening farmers by brandishing a gun, reports @ymjoshi
pic.twitter.com/96Rtyk4nVf— HTMumbai (@HTMumbai) July 18, 2024
IAS પૂજા ખેડકરને પણ નોટિસ પાઠવવામાં આવી હતી
થોડા દિવસો પહેલા, વિવાદો વચ્ચે, પૂણે પોલીસે તાલીમાર્થી IAS પૂજા ખેડકરને પણ પુણે કલેક્ટર વિરુદ્ધ ઉત્પીડનની ફરિયાદના સંદર્ભમાં નોટિસ પાઠવી હતી. આ કેસમાં પોલીસે પૂજા ખેડકરને પોલીસ સ્ટેશન આવીને તેનું નિવેદન નોંધવા કહ્યું હતું. દરમિયાન વાશિમ પોલીસ પૂજા ખેડકરના ગેસ્ટ હાઉસ પર પહોંચી હતી. પૂજા ખેડકર IAS પરીક્ષા પાસ કરવા માટે ઉપયોગમાં લેવાતા દિવ્યાંગતા અને OBC પ્રમાણપત્રો તેમજ પુણેમાં તેમના કાર્યકાળ દરમિયાનના તેમના વર્તન અંગેના તેમના દાવાઓ માટે તપાસ હેઠળ છે.
આ પણ જૂઓ: NEET પેપર લીક કેસ : પટના AIIMSના 3 ડોક્ટરોની અટકાયત
