પૂણેમાં 21 વર્ષીય યુવતી સાથે ગેંગરેપ, વિરોધ કરવા પર આરોપીઓએ મિત્રને માર માર્યો

પૂણે – 4 ઓકટોબર :  મહિલાઓની સુરક્ષાને લઈને રાજ્ય સરકારો દ્વારા અનેક દાવા કરવામાં આવે છે. આમ છતાં દરરોજ મહિલાઓની છેડતીના સમાચારો પ્રકાશમાં આવતા રહે છે. આવો જ એક કિસ્સો હવે મહારાષ્ટ્રના પુણે જિલ્લામાંથી સામે આવ્યો છે. જ્યાં ત્રણ લોકોએ 21 વર્ષની યુવતી પર ગેંગરેપ કર્યો હતો. આ દરમિયાન યુવતીના મિત્રએ વિરોધ કર્યો તો આરોપીઓએ તેને પણ માર માર્યો હતો. હાલ પોલીસે યુવતીની ફરિયાદના આધારે ગુનો નોંધી તપાસ શરૂ કરી છે.

વિરોધ કરવા બદલ મિત્રને માર મારવામાં આવ્યો

મળતી માહિતી મુજબ, યુવતી તેના એક મિત્રને મળવા ગઈ હતી. દરમિયાન મોડી રાત્રે એક નિર્જન સ્થળે ત્રણ છોકરાઓએ તેને પકડી લીધો હતો. આ પછી આરોપીએ યુવતીની છેડતી કરવાનું શરૂ કર્યું. આ દરમિયાન હાજર યુવતીના મિત્રએ તેનો વિરોધ કરતાં ત્રણેય મળીને તેને માર માર્યો હતો અને યુવતી સાથે સામૂહિક બળાત્કાર કર્યો હતો.

આરોપીઓને પકડવા માટે 10 ટીમો તૈનાત

પોલીસે જણાવ્યું કે યુવતી મોડી રાત્રે બોપદેવ ઘાટ વિસ્તારમાં તેના મિત્ર સાથે ફરવા ગઈ હતી. જ્યાં રાત્રે 11 વાગ્યાની આસપાસ તેના પર ગેંગરેપ કરવામાં આવ્યો હતો. આ ઘટનાની જાણ પોલીસને સવારે 5 વાગ્યાની આસપાસ કરવામાં આવી હતી. આરોપીની શોધ ચાલુ છે. ધરપકડ માટે ક્રાઈમ બ્રાન્ચ અને ડીબીની 10 ટીમો તૈનાત કરવામાં આવી છે.

NCP સાંસદ સુપ્રિયા સુલેએ મહારાષ્ટ્ર સરકાર પર નિશાન સાધ્યું 

પુણે ગેંગરેપ પર NCP સાંસદ સુપ્રિયા સુલેએ કહ્યું પૂણેમાં શું ચાલી રહ્યું છે? બોપદેવ ઘાટમાં એક છોકરી પર સામૂહિક બળાત્કારની ઘટના સામે આવી છે. પુણે અને સમગ્ર રાજ્યમાં મહિલાઓ વિરુદ્ધ હિંસાની ઘટનાઓ સતત વધી રહી છે. ગૃહ વિભાગ આ ઘટનાઓને રોકવા માટે કંઈ જ કરતું હોય તેવું લાગતું નથી. કમનસીબે કહેવું પડશે કે મહારાષ્ટ્ર મહિલાઓ માટે સુરક્ષિત નથી. સરકારે આ ઘટનાના આરોપીઓની ધરપકડ કરીને તેમની સામે કડક કાર્યવાહી કરવી જોઈએ.

આ પણ વાંચો : ટોયલેટ સીટ ઉપર ટેક્સ અંગે વિવાદ! હિમાચલ પ્રદેશ સરકારે કરવી પડી સ્પષ્ટતા, જાણો શું