ISRO’s PSLV-C53 Mission: ગમે તે હવામાનમાં દિવસ-રાત તસવીરો લેનાર સેટેલાઇટ રવાના
ઇન્ડિયન સ્પેસ રિસર્ચ ઓર્ગેનાઇઝેશન (ISRO) એ 30 જૂન 2022ના રોજ સાંજે 6:02 વાગ્યે શ્રીહરિકોટાના સતીશ ધવન સ્પેસ સેન્ટરમાંથી PSLV-C53/DS-EO મિશન સફળતાપૂર્વક લોન્ચ કર્યું. આ લોન્ચિંગ બીજા લોન્ચ પેડ પરથી કરવામાં આવ્યું હતું. આ મિશનનું કાઉન્ટડાઉન 24 કલાક પહેલા 29 જૂને સાંજે 5 વાગ્યે શરૂ થઈ ગયું હતું. ન્યૂસ્પેસ ઈન્ડિયા લિમિટેડ (NSIL)નું આ બીજું કોમર્શિયલ લોન્ચ છે. અગાઉ 14 ફેબ્રુઆરી 2022ના રોજ, ISRO એ PSLV-C52/EOS-4 મિશન શ્રીહરિકોટાથી લોન્ચ કર્યું હતું.
#WATCH | Andhra Pradesh: PSLV-C53/DS-EO and 2 other co-passenger satellites launched from the 2nd Launch Pad, SDSC-SHAR, Sriharikota. It accompanies PSLV Orbital Experimental Module (POEM) orbiting the earth as a stabilized platform.
(Source: ISRO) pic.twitter.com/zfK8SZJcvr
— ANI (@ANI) June 30, 2022
બંને સ્ટાર્ટઅપ કંપનીઓના સેટેલાઇટ છે
બીજા લોન્ચ પેડ પરથી PSLV રોકેટની આ 16મી ઉડાન હતી. બેંગલુરુ સ્થિત દિગંતરા રોબસ્ટ એન્જિનિયરિંગ પ્રોટોન ફ્લોરોસેન્સ મીટર (ROBI) પ્રોટોન ડોસિમીર પેલોડ અને ધ્રુવ સ્પેસ સેટેલાઇટ ઓર્બિટલ ડિપ્લોયર (DSOD 1U) આ રોકેટ સાથે મોકલવામાં આવ્યા છે. બંને સ્ટાર્ટઅપ કંપનીઓના સેટેલાઇટ છે. આ બે સિવાય 44.4 મીટર ઊંચા PSLV-C53 રોકેટમાં વધુ ત્રણ ઉપગ્રહ હશે. આ રોકેટ ઉપગ્રહોને પૃથ્વીના વિષુવવૃત્ત ઉપર 570 કિમીની ભ્રમણકક્ષામાં તૈનાત કરશે.
ગમે તે હવામાનમાં દિવસ-રાત તસવીરો લેનાર સેટેલાઇટ
આમાં જે ત્રણ મુખ્ય ઉપગ્રહો મોકલવામાં આવ્યા છે. તેમાંથી DS-EO સેટેલાઇટ અને NeuSAR સેટેલાઇટ બંને સિંગાપોરના છે. NeuSAR એ SAR પેલોડ સાથે સિંગાપોરનો પ્રથમ વ્યાપારી ઉપગ્રહ છે. તે કોઈપણ હવામાનમાં દિવસ અને રાત ચિત્રો લેવામાં સક્ષમ છે. DS-EO ઉપગ્રહનું વજન 365 કિલોગ્રામ છે. જ્યારે NeuSAR ઉપગ્રહ 155 કિલોગ્રામનો છે. ત્રીજા ઉપગ્રહનું નામ સ્કૂબ-1 છે. આશરે 2.8 કિલોગ્રામ વજનનો આ ઉપગ્રહ સિંગાપોરની નાન્યાંગ ટેક્નોલોજિકલ યુનિવર્સિટી દ્વારા બનાવવામાં આવ્યો છે.
બે ભારતીય સ્ટાર્ટઅપ કંપનીઓના સેટેલાઇટ પણ લોન્ચ કરવામાં આવ્યા હતા
DS-EO સેટેલાઇટ આપત્તિ રાહતમાં મદદ કરશે. સ્કૂબ-1 એ સિંગાપોરના વિદ્યાર્થીઓ દ્વારા બનાવવામાં આવેલો પ્રથમ વિદ્યાર્થી ઉપગ્રહ છે. આ સિવાય પીએસએલવી ઓર્બિટલ એક્સપેરિમેન્ટલ મોડ્યુલ (POEM) પ્રવૃત્તિ પૃથ્વીની ભ્રમણકક્ષામાં પૂર્ણ થશે. એટલે કે ચોથા તબક્કાના PS4ને ઓર્બિટલ પ્લેટફોર્મ બનાવવામાં આવશે. તેને PS4માં લગાવવામાં આવેલી સોલાર પેનલ્સમાંથી એનર્જી મળશે. તે ચાર સન સેન્સર લગાવીને આ કામ કરશે. આ ઉપરાંત તેમાં મેગ્નેટોમીટર, ગાયરો અને નેવીઆઈસી સિસ્ટમ પણ તૈનાત છે. POEM પાસે છ પેલોડ્સ છે, જેમાંથી બે ભારતીય સ્ટાર્ટઅપ કંપનીઓના ટેક્નોલોજી પ્રદર્શનકર્તા છે.
હવે પીએસએલવીનું 55 લોન્ચિંગ, માત્ર બે રોકેટ નિષ્ફળ
1993થી અત્યાર સુધીમાં 54 PSLV રોકેટ લોન્ચ કરવામાં આવ્યા છે. આ 55મું લોન્ચિંગ હતું. અત્યાર સુધી માત્ર બે રોકેટ ફેલ થયા છે. 1993માં પ્રથમ PSLV-G અને પછી 2017માં PSLV-XL. પીએસએલવી રોકેટને ઈસરોનું સૌથી ભરોસાપાત્ર રોકેટ માનવામાં આવે છે. આ એ જ રોકેટ છે જેણે ઈસરોના માર્સ ઓર્બિટર મિશન (MOM) ને મંગળ અને ચંદ્રયાન-1ને ચંદ્ર પર મોકલ્યા હતા.
