સાબિત કરો તમે હિન્દુ, હિન્દીભાષી રાજ્યની વિરુદ્ધ નથી’: BRSએ કોને પડકાર આપ્યો?

નવી દિલ્હી, 25 ડિસેમ્બર: DMK સાંસદ દયાનિધિ મારનના ‘હિન્દી ભાષી’ અંગેના વાંધાજનક નિવેદનને લઈને હોબાળો થઈ રહ્યો છે. BRS નેતા કે.કવિતાએ આ અંગે કોંગ્રેસ પર નિશાન સાધ્યું છે. તેમણે આરોપ લગાવ્યો કે રાહુલ ગાંધીની ભારત જોડો મુલાકાત માત્ર એક પીઆર સ્ટંટ છે. તેમણે પડકાર ફેંક્યો અને કહ્યું કે રાહુલ સાબિત કરે કે તેઓ હિંદુઓ અને હિન્દીભાષી રાજ્યોની વિરુદ્ધ નથી. કવિતાએ રાહુલ પાસે ડીએમકેના નેતા ઉદયનિધિ સ્ટાલિન દ્વારા સનાતન ધર્મ પર કરેલી ટિપ્પણી પર નિવેદન આપવાની પણ માંગ કરી હતી. મહત્ત્વનું છે કે, કોંગ્રેસ અને ડીએમકે વિપક્ષી પાર્ટીઓ INDIA ગઠબંધનમાં સહયોગી છે.

VIDEO | “It is not about one particular party’s views, it is about how these kinds of statements are going to disturb the fabric of our nation and which alliance is this particular party a part of. It is a part of the INDIA alliance which is led by Rahul Gandhi’s Congress. Rahul… pic.twitter.com/IdjrwUZy3O

— Press Trust of India (@PTI_News) December 25, 2023

BRSએ કોંગ્રેસના મૌન પર સવાલો ઉઠાવ્યા

કવિતાએ કહ્યું કે, આ પાર્ટીના કોઈ ખાસ વિચારોને લઈને નથી. મોટી વાત એ છે કે, આ પ્રકારના નિવેદનો આપણા રાષ્ટ્રને વિભાજન કરનારા છે. એ પણ જોવું જોઈએ કે આ પાર્ટી કોઈ ચોક્કસ ગઠબંધનનો ભાગ છે. જેનું નેતૃત્વ રાહુલ ગાંધીની કોંગ્રેસ કરી રહી છે. તેમણે કહ્યું કે રાહુલ ગાંધી ભારત જોડો યાત્રાને લઈને અનેક નિવેદનો આપ્યાં છે. તેઓ દેશને એકજૂટ કરવાના પ્રયાસો વિશે વાત કરે છે. હવે આ બધું PR સ્ટંટ જેવું લાગે છે કારણ કે તેમણે તે સમયે ઊભા થઈને બોલવું જોઈતું હતું. જ્યારે સનાતન ધર્મ પર ટિપ્પણીઓ કરવામાં આવી હતી અને જેનાથી હિંદુ ભાવનાઓને ઠેસ પહોંચી હતી.

દયાનિધિ મારને તેમના ભાષણમાં શું કહ્યું?

ઉલ્લેખનીય છે કે દયાનિધિ મારનના હિન્દી ભાષીના વિવાદાસ્પદ નિવેદનને લઈ રાજકારણ ગરમાયું છે. પૂર્વ કેન્દ્રીય મંત્રીએ અંગ્રેજી શિક્ષણના મહત્વ પર ભાર મૂક્યો હતો. તેમણે દાવો કર્યો હતો કે જે લોકો અંગ્રેજીમાંન નિપુણતા મેળવે છે તેઓ બિહાર અને ઉત્તર પ્રદેશના રહેવાસીઓથી વિપરીત IT ક્ષેત્રમાં સન્માનજનક નોકરીઓ મેળવે છે. તેમણે કહ્યું, ‘બિહાર અને ઉત્તર પ્રદેશના લોકો માત્ર હિન્દી જ જાણે છે અને તેવા કામદારો ફક્ત બાંધકામ, શૌચાલય અને રસ્તા સાફ કરવાનું કામ કરે છે. તેથી જ તેઓ તમિલનાડુ જેવા સમૃદ્ધ રાજ્યોમાં આવે છે.

બિહારના ઉપમુખ્યમંત્રી તેજસ્વી યાદવે પણ મારનની આ નિવેદનની ટીકા કરી હતી. તેજસ્વીએ કહ્યું કે તેમની પાર્ટી આરજેડીની જેમ ડીએમકે પણ એક એવી પાર્ટી છે જે સામાજિક ન્યાયમાં વિશ્વાસ રાખે છે અને આવી પાર્ટીના નેતા માટે આવી ટિપ્પણી કરવી અશોભનીય છે.

આ પણ વાંચો: ગુજરાત: પૂર્વ સાંસદને વડાપ્રધાન મોદી વિશે અભદ્ર ટિપ્પણી કરવી ભારે પડી