ફિફા વર્લ્ડ કપની ફાઈનલમાં થશે ફિલ્મ ‘પઠાન’નું પ્રમોશન ? શું છે SRK નો માસ્ટરપ્લાન ?
બોલિવુડનો બાદશાહ શાહરૂખ ખાન લાંબા સમય બાદ ફિલ્મ પઠાનથી કમબેક કરી રહ્યો છે. તેથી શાહરુખ હાલ તેની આગામી ફિલ્મ ‘પઠાન’ને લઈને સતત ચર્ચામાં છે. હાલમાં જ તે મક્કામાં ઉમરાહ કરતો જોવા મળ્યો હતો, જ્યાં તેણે ફિલ્મ ‘પઠાન’ માટે બંદગી કરી હતી આ સિવાય બે દિવસ પહેલા તે માતા વૈષ્ણોદેવીના દરબારમાં પણ જોવા મળ્યો હતો, ત્યાં પણ તેણે તેની ફિલ્મ માટે પ્રાર્થના કરી હતી. હવે એવા સમાચાર સામે આવી રહ્યાં છે કે આ ફિલ્મના પ્રમોશમ માટે તે ફિફા વર્લ્ડ કપની ફાઈનલમાં જઈ શકે છે.
આ પણ વાંચો : મસ્ક પાસેથી છીનવાયો નંબર-1 ના ધનિકનો તાજ, બર્નાર્ડ આર્નોલ્ટ બન્યા સૌથી અમીર વ્યક્તિ
FIFA ની ફાઈનલ થશે ‘પઠાન’નું પ્રમોશન ?
રિપોર્ટસ્ મુજબ ગ્રાન્ડ લેવલની ફિલ્મના પ્રમોશનની તૈયારીઓ પણ મોટા પાયે કરવામાં આવી રહી છે. માનવામાં આવી રહ્યું છે કે શાહરૂખ-દીપિકાની આ એક્શન ફિલ્મનું પ્રમોશન ખૂબ જ મોટા લેવલ પર કરવામાં આવશે. ઉપરાંત, શાહરૂખ ખાન ફીફા વર્લ્ડ કપ ફાઇનલમાં તેની ફિલ્મ ‘પઠાન’નું પ્રમોશન કરી શકે છે. જોકે, આ સમાચાર શાહરુખ ખાન ફેન્સ ક્લબ તરફથી મળ્યા છે, આના પર મેકર્સ અને શાહરૂખ તરફથી હાલ કોઈ પણ પ્રકારની પ્રતિક્રિયા સામે આવી નથી.
#ShahRukhKhan to promote #Pathaan during #FIFAWorldCup final! ???? #WorldcupQatar2022 #BesharamRang pic.twitter.com/sN6EHaB2xF
— Shah Rukh Khan Universe Fan Club (@SRKUniverse) December 13, 2022
એક સાથે ત્રણ ફિલ્મો સાથે SRK કરશે કમબેક
લાંબા સમય બાદ કમબેક કરવાને લીધે શાહરુખ હાલ સતત હેડલાઇન્સમાં રહે છે. કારણ કે શાહરૂખ ખાન પાસે હાલમાં એકથી વધુ પ્રોજેક્ટ છે. શાહરૂખ એક નહીં પરંતુ ત્રણ ફિલ્મો લઈને આવી રહ્યો છે. જેમાં ‘પઠાન’, ‘જવાન’ અને ‘ડંકી’ના નામ સામેલ છે. પઠાન 25 જાન્યુઆરીથી બોક્સ ઓફિસ પર દસ્તક આપવા જઈ રહી છે. શાહરૂખ માટે આ ફિલ્મ ઘણી રીતે ખાસ છે. સૌથી પહેલા તે આ ફિલ્મ દ્વારા લાંબા સમય બાદ કમબેક કરી રહ્યો છે. બીજું, નિર્માતાઓએ આ ફિલ્મને ખૂબ જ ભવ્ય સ્તરે બનાવી છે.
18 ડિસેમ્બરે યોજાશે FIFA ની ફાઈનલ
તમને જણાવી દઈએ કે, FIFA વર્લ્ડ કપ 2022ની ફાઈનલ મેચ 18 ડિસેમ્બરે રમાવવા જઈ રહી છે, ત્યારે ઘણા બોલિવુડ સ્ટાર્સ આ ફાઈનલ મેચ જોવા પહોંચ્યા છે અને કેટલાક અભિનેતાઓ ફાઈનલ જોવાની તૈયારી કરી રહ્યા છે, તેથી શાહરુખ પણ ફિલ્મના પ્રમોશમ માટે તે ફિફા વર્લ્ડ કપની ફાઈનલમાં જઈ શકે, તેવી અટકળો વધવા લાગી છે.
ફિલ્મ ‘પઠાન’ 25 જાન્યુઆરીએ રિલીઝ થવાની છે. પઠાન ફિલ્મનું નિર્દેશન સિદ્ધાર્થ આનંદે કર્યું છે. આ ફિલ્મમાં શાહરૂખ ખાન સિવાય દીપિકા પાદુકોણ અને જોન અબ્રાહમ પણ લીડ રોલમાં જોવા મળશે. હાલમાં જ ફિલ્મ બેશરમ રંગનું પહેલું ગીત રિલીઝ થયું છે. જે સતત હેડલાઇન્સમાં રહે છે.
