એકતા કપૂરના પ્રોજેક્ટ માંથી દિશા પટાણીની બાદબાકી, આ બે અભિનેત્રીઓના કરાયા સપંર્ક

પ્રોડ્યુસર એક્તા કપૂરે તેના જૂના પ્રોજેક્ટ ‘કેટીના’ ને લઈને કામગીરીની શરુઆત હાથ ધરી છે. એકતા કપૂરનો આ પ્રોજેક્ટ છેલ્લા ત્રણ વર્ષની જેસે થેની હાલતમાં પડ્યો હતો. ત્યારે હવે આ પ્રોજેક્ટ પરથી આખરે ધૂળ ખંખેરાય છે. આથી ફિલ્મ માટે હવે નવેસરથી કાસ્ટિંગ કરવામાં આવી રહ્યું છે. આ ફિલ્મમાં અગાઉ અભિનેત્રી દિશા પટાણી મુખ્ય ભુમિકા ભજવશેનું ચર્ચાય રહ્યુ હતુ પણ હવે આ પ્રોજેક્ટ માંથી તેની બાદબાકી થઈ ગઈ છે.

અનન્યા પાંડે અને નુસરત ભરૂચાનો સંપર્ક કરાયો
એકતા કપૂરની આ ફિલ્મ માટે અનન્યા પાંડે અને નુસરત ભરૂચાનો સંપર્ક કરવામાં આવ્યો છે. ત્યારે હવે આ ફિલ્મની સ્ટાર કકાસ્ટ ફાઇનલ થયા પછી ફિલ્મ પર કામ શરૂ કરવામાં આવશે. હાલ બન્ને અભિનેત્રીઓનો સંપર્ક કરવામાં આવ્યો છે પણ મુખ્ય રોલ માટે કોઈની પસંદગી કરવામાં આવશે. આથી બન્ને અભિનેત્રીઓ આ ફિલ્મની મુખ્ય ભૂમિકા માટે હોડમાં છે.અનન્યા પાંડે એકતા કપૂરની ડ્રીમ ગર્લ ટુમાં કામ કરી રહી છે. જ્યારે નુસરતે ડ્રીમ ગર્લમાં મુખ્ય રોલ કર્યો હતો. ઉપરાંત અભિનેત્રી જનહિત મેં જારીમાં પણ જોવા મળી હતી.

ત્રણ વર્ષ અગાઉ વીડિયો દ્વારા ફિલ્મ અનાઉન્સ કરી હતી

બન્ને ફિલ્મોનું નિર્માણ એકતા કપૂરે કર્યું હતું. એકતાએ ત્રણ વર્ષ અગાઉ એક વીડિયો દ્વારા આ ફિલ્મ અનાઉન્સ કરી હતી. ત્યારે તેમાં દિશા પટાણીને દર્શાવાઈ હતી. એ પછી એકતાએ આ ફિલ્મ બનાવવાનું જ માંડી વાળ્યું હોવાનું કહેવાયું હતું. હવે એક્તાએ ફરી આ પ્રોજેક્ટ હાથ ધરવાનું નક્કી કર્યું છે તો કાસ્ટ બદલવામાં આવી રહી છે.

આ પણ વાંચો: ફિલ્મ ધૂમ 3નો આ બાળ કલાકાર હવે લાગે છે જોરદાર હેન્ડસમ, જુઓ ફોટા