PM મોદી પર પ્રિયંકા ગાંધીનો પ્રહાર, ‘તમારા જેવા કાયર સરમુખત્યાર સામે ઝૂકીશુ નહીં’
કોંગ્રેસના નેતા રાહુલ ગાંધીનું વાયનાડથી સંસદનું સભ્યપદ રદ કરવામાં આવ્યું છે. જેને લઈને રાજકીય ગલિયારામાં ખળભળાટ મચી ગયો છે. એક તરફ ભાજપ પોતાનો બચાવ કરતી જોવા મળી રહી છે તો બીજી તરફ કોંગ્રેસ સતત આક્રમક પ્રહારો કરી રહી છે. આ ક્રમમાં કોંગ્રેસ મહાસચિવ પ્રિયંકા ગાંધીએ પીએમ મોદી પર આકરા પ્રહારો કર્યા છે. પ્રિયંકાએ કહ્યું છે કે જ્યારે લૂંટ પર સવાલ ઉઠાવવામાં આવ્યો ત્યારે તે અકળાઈ ગયા.
..@narendramodi जी आपके चमचों ने एक शहीद प्रधानमंत्री के बेटे को देशद्रोही, मीर जाफ़र कहा। आपके एक मुख्यमंत्री ने सवाल उठाया कि राहुल गांधी का पिता कौन है?
कश्मीरी पंडितों के रिवाज निभाते हुए एक बेटा पिता की मृत्यु के बाद पगड़ी पहनता है, अपने परिवार की परंपरा क़ायम रखता है…1/4
— Priyanka Gandhi Vadra (@priyankagandhi) March 24, 2023
પ્રિયંકા ગાંધીએ કહ્યું, “તમારા સાથીદારોએ શહીદ વડાપ્રધાનના પુત્રને દેશદ્રોહી, મીર જાફર કહ્યા. તમારા એક મુખ્યમંત્રીએ પ્રશ્ન ઉઠાવ્યો કે રાહુલ ગાંધીના પિતા કોણ છે? નીરવ મોદી અને મેહુલ ચોક્સી પર સવાલ ઉઠાવ્યા. શું તમારા મિત્ર ગૌતમ અદાણી દેશની સંસદ અને ભારતના મહાન લોકો કરતા મોટા થઈ ગયા છે કે જ્યારે તેની લૂંટ અંગે સવાલ કરવામાં આવ્યો ત્યારે તમે ચોંકી ગયા?
આ પણ વાંચોઃ રાહુલ ગાંધીનું સભ્યપદ રદ થતા કોંગ્રસમાં ભારે હલચલ , દિલ્હીમાં કોંગ્રેસની ઈમરજન્સી બેઠક
‘તમને સંસદમાંથી ગેરલાયક ઠેરવ્યા નથી’
પીએમ મોદી પર પ્રહાર કરતા તેમણે કહ્યું કે, “કાશ્મીરી પંડિતોના રિવાજને અનુસરીને, પુત્ર તેના પિતાના મૃત્યુ પછી પાઘડી પહેરે છે, તેના પરિવારની પરંપરાને જાળવી રાખે છે. સમગ્ર પરિવાર અને કાશ્મીરી પંડિત સમુદાયનું અપમાન કરીને તમે પૂછ્યું કે તેઓ સંપૂર્ણ સંસદમાં નેહરુનું નામ કેમ નથી રાખતા. પરંતુ કોઈ જજે તમને બે વર્ષની સજા આપી નથી. તમને સંસદમાંથી ગેરલાયક ઠેરવ્યા નથી. સાચા દેશભક્તની જેમ રાહુલજીએ અદાણીની લૂંટ પર સવાલો ઉઠાવ્યા તો તમે અકળાઈ ગયા.
આ પણ વાંચોઃ રાહુલ ગાંધી પાસે સંસદનું સભ્યપદ ગુમાવ્યા બાદ હવે કયો રસ્તો ?
‘ગાંધી પરિવારે જનતાનો અવાજ ઉઠાવ્યો’
તેમણે આગળ કહ્યું, “તમે મારા પરિવારને પરિવારવાદી કહો છો, જાણો, આ પરિવારે ભારતના લોકતંત્રને પોતાના લોહીથી સિંચ્યું છે. જેને તમે પૂર્ણ કરવાનો પ્રયાસ કરી રહ્યા છો. આ પરિવારે ભારતના લોકોનો અવાજ ઉઠાવ્યો અને પેઢીઓથી સત્ય માટે લડ્યા. આપણી નસોમાં જે લોહી દોડે છે તેની એક વિશેષતા છે. જે તમારા જેવા કાયર, સત્તાના ભૂખ્યા સરમુખત્યાર સામે ક્યારેય ઝૂક્યુ નથી અને ઝૂકશે પણ નહીં. તમે ગમે તે કરી લો.”
