પ્રિયંકાએ રાઘવને કર્યું તિલક, પરિણીતીને યાદ આવ્યા બહેનના લગ્ન, સોશિયલ મીડિયામાં શેર કર્યા યાદગાર ફોટો

પરિણીતીને પોતાની સગાય બાદ બહેન પ્રિયંકાના લગ્નની યાદ આવી છે. પરિણીતી ચોપરાએ પ્રિયંકાના લગ્ન અને તેની સગાઈની બે તસવીરો શેર કરી છે. આ તસવીરોમાં બંને બહેનો રાઘવ ચઢ્ઢા અને નિક જોનાસ સાથે ધાર્મિક વિધિ કરતી જોઈ શકાય છે. પરિણીતી ચોપરા અને રાઘવ ચઢ્ઢાની સગાઈ બાદ બંનેની ઘણી તસવીરો સામે આવી રહી છે. પરિણીતીના ચાહકો હોય કે રાઘવ ચઢ્ઢાના સમર્થકો, બંને તેમની સગાઈથી ખૂબ જ ખુશ છે. 13 મેના રોજ, બંનેએ દિલ્હીના કપૂરથલા હાઉસમાં સગાઈ કરી હતી અને આ દરમિયાન, જ્યારે રાઘવ ચઢ્ઢા તરફથી આદિત્ય ઠાકરે, અરવિંદ કેજરીવાલ, કપિલ સિબ્બલ અને ભગવંત માન હાજર હતા, ત્યારે પરિણીતીની બહેન અને અભિનેત્રી પ્રિયંકા ચોપરાએ પણ આ ફંક્શનમાં જોરદાર ભાગ લીધો હતો. હવે પરિણીતીએ સગાઈ દરમિયાન લીધેલા પોતાના અને પ્રિયંકાના ફોટા શેર કર્યા છે.

પરિણીતીને સગાઈ પછી પ્રિયંકાના લગ્નની આવી યાદ

આ તસવીરો શેર કરતી વખતે પરિણીતીએ તેમની સરખામણી પ્રિયંકાના લગ્નની તસવીરો સાથે કરી છે. પ્રથમ તસવીરમાં પરિણીતીએ પ્રિયંકાની હળદરની વિધિ સાથેની તેની સગાઈના ફોટોનો કોલાજ શેર કર્યો છે. આ કોલાજમાં, જ્યાં પરિણીતી 2018માં પ્રિયંકાની હળદરના સમારંભ દરમિયાન નિક જોનાસને હલ્દી લગાવતી જોવા મળી હતી, ત્યારે પ્રિયંકા 2023માં પરિણીતીની સગાઈ દરમિયાન રાઘવ ચઢ્ઢાના કપાળ પર તિલક લગાવતી જોવા મળે છે.પરિણીતી ચોપરાએ પણ બીજો કોલાજ શેર કર્યો છે જેમાં પરિણીતી પ્રિયંકાને ગળે લગાવતી જોવા મળે છે. બીજી તરફ આ કોલાજના બીજા ફોટોમાં પ્રિયંકા પરિણીતીને ગળે લગાવી રહી છે. તે સ્લાઈડ સાથે પરિણીતીએ લખ્યું ‘5 વર્ષ અલગ’.

તમને જણાવી દઈએ કે આ પહેલા પરિણીતીએ રાઘવ ચઢ્ઢા સાથેની સગાઈના ઘણા ફોટો શેર કર્યા હતા. આ તસવીરોમાં ક્યારેક પરિણીતી પરિવાર સાથે પોઝ આપતી જોવા મળી હતી તો ક્યારેક મિત્રો સાથે મસ્તી કરતી જોવા મળી હતી. એક ફોટોમાં પરિણીતી રાઘવ ચઢ્ઢાના ખભા પર માથું રાખીને રડતી જોવા મળી હતી. અન્ય એક તસવીરમાં રાઘવ પરિણીતીને ગળે લગાવતો જોવા મળ્યો હતો. આ સિવાય પરિણીતી એક ફોટોમાં તેની ભાવિ સાસુ અને રાઘવની માતાને પણ કિસ કરતી જોવા મળી હતી.

આ પણ વાંચો : દેશી લૂકમાં દેખાયા વિક્કી અને સારા..જુઓ રાજસ્થાન મુલાકાતની તસવીરો