પ્રિયંકા ચોપરાએ રિચા ચઢ્ઢા-અલી ફઝલની દિકરી માટે મોકલી ખાસ ગિફ્ટ્સ
- પ્રિયંકા ચોપરાએ રિચા અને અલીની દિકરી માટે મોકલેલી ગિફ્ટ્સને રિચાએ ઈન્સ્ટાગ્રામ સ્ટોરી પર શેર કરી છે. જેમાં તેણે પ્રિયંકા ચોપરાનો આભાર માન્યો છે
HD ન્યુઝ ડેસ્કઃ બોલિવૂડ અભિનેત્રી અને ગ્લોબલ સ્ટાર પ્રિયંકા ચોપરા તાજેતરમાં તેના ભાઈના એંગેજમેન્ટ માટે ભારત આવી હતી. ત્યારે તેણે તેની મરાઠી ફિલ્મ પાણીનું પ્રમોશન પણ કર્યું હતું. તેની લેટેસ્ટ તસવીરોએ લોકોનું ધ્યાન ખેંચ્યું હતું. વિદેશમાં રહેવા છતા પીસી (પ્રિયંકા ચોપરા) તેને બોલિવૂડ મિત્રોના સંપર્કમાં રહે છે. હવે તેણે હાલમાં પેરેન્ટ્સ બનેલા બી ટાઉનના કપલ રિચા ચઢ્ઢા અને અલી ફઝલની દિકરીને ખાસ ગિફ્ટ્સ મોકલી છે.
પ્રિયંકા ચોપરાએ રિચા અને અલીની દિકરી માટે મોકલેલી ગિફ્ટ્સને રિચાએ ઈન્સ્ટાગ્રામ સ્ટોરી પર શેર કરી છે. જેમાં તેણે પ્રિયંકા ચોપરાનો આભાર માન્યો છે. વીડિયોમાં જોઈ શકાય છે કે આ એકદમ સ્પેશિયલ અને લક્ઝુરિયસ ગિફ્ટ્સ છે.
નવજાત બાળકી માટે પ્રિયંકાએ સફેદ રંગના કાર્ડિગન જેકેટ અને કેટલાક સોફ્ટ ટોય્ઝ મોકલ્યા છે. ભેટમાં ફુગ્ગા પણ છે, જેના પર વેલકમ ટુ ધ વર્લ્ડ બેબી લખેલું છે. રિચાએ આ ગિફ્ટ્સનો એક વીડિયો ઈન્સ્ટાગ્રામ સ્ટોરી પર શેર કર્યો છે અને પીસીનો આભાર માન્યો છે.
View this post on Instagram
રિચાએ લખ્યું છે કે પ્રિયંકા ચોપરા આ સુંદર ભેટો માટે આભાર, તે ખૂબ જ સુંદર છે. આ ભેટોને લવંડર કલર થીમ પર સજાવવામાં આવી છે. તેના પર ચોપરા જોનાસ પરિવારનું કાર્ડ છે. ભેટો ખૂબ જ વૈભવી છે અને તેમાં મોંઘા ડ્રેસ અને અન્ય વસ્તુઓનો સમાવેશ થાય છે.
આ પણ વાંચોઃ કંગના રણૌતની ઈમરજન્સી પર પ્રતિબંધ, સેન્સર બોર્ડનું સર્ટિફિકેટ અટકાવાયું
