Happy B’day Priyanka Chopra: 18 વર્ષની ઉંમરે મિસ વર્લ્ડ, જુઓ 22 વર્ષમાં કેટલો બદલાયો પ્રિયંકાનો લુક

પ્રિયંકા ચોપરા માત્ર બોલિવૂડ એક્ટ્રેસ નથી, પરંતુ ગ્લોબલ સ્ટાર બની ગઈ છે. પ્રિયંકાએ જીવનમાં જે પણ કર્યું તે પૂર્ણ સમર્પણથી કર્યું અને પરિણામ તમારી સામે છે. આજે પ્રિયંકાની ગણતરી માત્ર બોલિવૂડની જ નહીં પરંતુ હોલીવુડની પણ ટોચની અભિનેત્રીઓમાં થાય છે. પ્રિયંકા માટે ફેન્સનો ક્રેઝ આખી દુનિયામાં જોર જોરથી બોલે છે. ચાહકોની પ્રિય અને ખૂબસૂરત દિવા પ્રિયંકા ચોપરા આજે તેનો જન્મદિવસ ઉજવી રહી છે.

18 જુલાઈ 1982ના રોજ જમશેદપુરમાં જન્મેલી પ્રિયંકા ચોપરા સુંદરતામાં કોઈથી ઓછી નથી. પ્રિયંકાએ વર્ષ 2000માં મિસ વર્લ્ડનો ખિતાબ જીત્યો હતો. જ્યારે પ્રિયંકાને મિસ વર્લ્ડનો તાજ પહેરાવવામાં આવ્યો ત્યારે તે લગભગ 18 વર્ષની હતી. પ્રિયંકાએ 95 બ્યુટી ક્વીન્સને હરાવીને મિસ વર્લ્ડનો ખિતાબ જીતીને વિશ્વભરમાં ભારતનું નામ રોશન કર્યું હતું.

પ્રિયંકાને મિસ વર્લ્ડ બન્યાને લગભગ 21-22 વર્ષ વીતી ગયા છે. ત્યારથી પ્રિયંકાના લુકમાં ઘણા બદલાવ જોવા મળી રહ્યા છે. પ્રિયંકા ચોપરાનું ફિગર હોય કે તેનો લુક, પ્રિયંકાનો દેખાવ ઘણો બદલાઈ ગયો છે.

ગ્લોબલ સ્ટાર પ્રિયંકા ચોપરા હંમેશા સુંદર હોય છે, પરંતુ વર્ષ 2000થી વર્ષ 2022 સુધીમાં પ્રિયંકાના લુકમાં ઘણું પરિવર્તન જોવા મળ્યું છે. અભિનેત્રી હવે પહેલા કરતા વધુ સ્ટાઇલિશ, બોલ્ડ, ગ્લેમરસ, આત્મવિશ્વાસુ બની ગઈ છે. પરંપરાગત કપડાંથી લઈને સિઝલિંગ બિકીનીમાં પણ પ્રિયંકા જોરદાર લાગે છે. પ્રિયંકા આજે ઘણી યુવતીઓની પ્રેરણા બની છે. સૌંદર્ય સ્પર્ધા હોય કે અભિનયમાં નામ કમાવવું, પ્રિયંકા ઘણી છોકરીઓને જીવનમાં મોટા સપના જોવા અને તેને સાકાર કરવા પ્રેરણા આપે છે.

આજે અમે તમને પ્રિયંકાના જન્મદિવસ પર અભિનેત્રીની કેટલીક જૂની તસવીરો બતાવી રહ્યા છીએ. પ્રિયંકાના લુકને જોઈને તમે જાતે જ અંદાજ લગાવી શકો છો કે છેલ્લા કેટલાક વર્ષોમાં પ્રિયંકાના લુકમાં કેટલો બદલાવ આવ્યો છે.

આ ફોટોમાં તમે જોઈ શકો છો કે પ્રિયંકા ચોપરાને ઓળખવી મુશ્કેલ બની રહી છે. પ્રિયંકાના ચહેરા પરનું સ્મિત તેની નિર્દોષતા જણાવી રહ્યું છે.

આ ફોટોમાં પ્રિયંકાનો ગ્લેમરસ અવતાર જોઈ શકાય છે. જો કે લુકની વાત કરીએ તો પ્રિયંકાના લુકમાં ઘણો બદલાવ આવ્યો છે.

પ્રિયંકા બ્યુટી વર્લ્ડથી લઈને એક્ટિંગમાં પણ ડંકો વગાડી રહી છે. બોલિવૂડની ઘણી હિટ ફિલ્મો પ્રિયંકા ચોપરાના નામ પર છે. તેણે હોલિવૂડમાં પણ પોતાના પગપેસારો કર્યો છે. એક્ટિંગ સિવાય પ્રિયંકા એક સફળ બિઝનેસ વુમન પણ છે. પ્રિયંકાને ઓલરાઉન્ડર કહીએ તો ખોટું નહીં કહેવાય.