રાજામૌલીની ફિલ્મમાં પ્રિયંકા ચોપરા, કરોડોની ફી લઈને બની હાઈએસ્ટ પેઈડ એક્ટ્રેસ!
- ગ્લોબલ સ્ટાર પ્રિયંકાને સાઉથના માસ્ટર ડિરેક્ટર ગણાતા એસએસ રાજામૌલીની આગામી ફિલ્મમાં કાસ્ટ કરવામાં આવી છે
HD ન્યુઝ ડેસ્કઃ હોલિવૂડ બાદ ગ્લોબલ સ્ટાર પ્રિયંકા ચોપરા ભારતીય સિનેમામાં કમબેક કરી રહી છે. લગભગ નવ વર્ષની લાંબી રાહ બાદ તેણે એક ભારતીય ફિલ્મ સાઈન કરી છે. તેને સાઉથના માસ્ટર ડિરેક્ટર ગણાતા એસએસ રાજામૌલીની આગામી ફિલ્મ ‘SSMB 29’માં કાસ્ટ કરવામાં આવી છે.
આ ફિલ્મમાં પ્રિયંકા તેલુગુ સુપરસ્ટાર મહેશ બાબુ સાથે જોવા મળશે. પ્રિયંકાને ફિલ્મમાં કામ કરવા બદલ ભારે ભરખમ ફી મળી રહી છે. પ્રિયંકાને ફિલ્મ ‘SSMB 29’ માટે 30 કરોડ રૂપિયા આપવામાં આવી રહ્યા છે. જે કોઈપણ ભારતીય અભિનેત્રીની ફિલ્મની ફી કરતા અનેક ગણી વધારે છે. આ પહેલા દીપિકા પાદુકોણે ફિલ્મ ‘પદ્માવત’ માટે 13 કરોડ રૂપિયા ફી લીધી હતી. તે સમયે દીપિકા હાઈએસ્ટ પેઈડ અભિનેત્રી બની હતી. જ્યારે હાઈએસ્ટ પેઈડ એકટ્રેસમાં રણવીર સિંહ અને શાહિદ કપૂરને 10-10 કરોડ રૂપિયા મળ્યા હતા. હવે દીપિકા બાદ પ્રિયંકાને સૌથી વધુ ફી મળી રહી છે, જેના પછી તે હાઈએસ્ટ પેઈડ એક્ટ્રેસના લિસ્ટમાં ટોપ પર આવી ગઈ છે.
પ્રિયંકાનો સ્ટાર પાવર ખૂબ જ છે, હવે તેની ફેન ફોલોઈંગ ઈન્ટરનેશનલ પણ છે. તેણે હોલીવુડના ઘણા પ્રોજેક્ટ્સમાં કામ કર્યું છે, જે સુપરહિટ સાબિત થયા છે. હવે રાજામૌલીની ફિલ્મમાં તેની એન્ટ્રીથી ફિલ્મનું ઈન્ટરનેશનલ લેવલ પણ વધી ગયું છે. ફિલ્મ ‘SSMB 29’ વિશે વાત કરીએ તો આ ફિલ્મમાં મહેશ બાબુ, પ્રિયંકા ચોપરા ઉપરાંત સાઉથ એક્ટર પૃથ્વીરાજ સુકુમારન પણ જોવા મળશે. એવું માનવામાં આવે છે કે ફિલ્મનું શૂટિંગ એપ્રિલમાં શરૂ થશે અને તે 2027માં રિલીઝ થશે.
‘બોલિવૂડમાં ક્યારેય આટલી ફી નથી મળી’
એક જૂના ઈન્ટરવ્યુમાં પ્રિયંકાએ કહ્યું હતું કે તેને બોલિવૂડમાં તેના પુરુષ કો-સ્ટાર જેટલા પૈસા ક્યારેય મળ્યા નથી. તેણે લગભગ 22 વર્ષ અને 60 ફિલ્મોમાં કામ કર્યું, પરંતુ તેને હંમેશા તેના પુરૂષ કો-સ્ટાર કરતા ઓછી ફી મળતી હતી.
અભિનેત્રીએ કહ્યું મને બોલિવૂડમાં ક્યારેય સમાન પૈસા આપવામાં આવ્યા નથી. મને હંમેશા મારા પુરૂષ કોસ્ટારની ફીના માત્ર 10% જ મળ્યા છે. બોલિવૂડમાં પૈસા મેળવવાનો ગેપ ઘણો મોટો છે. ઘણી અભિનેત્રીઓ આ બધાનો સામનો કરે છે. મારા સમયની મહિલા કલાકારોએ સમાન વેતન મેળવવાનો પ્રયાસ કર્યો હતો, પરંતુ તેવું કદી બની શક્યું નથી.
આ પણ વાંચોઃ હ્રતિક રોશન-સુઝેન ખાનના છૂટાછેડાનું કારણ, વર્ષો પછી આ વ્યક્તિએ રહસ્ય પરથી પડદો ઊંચક્યો
