વડાપ્રધાન નરેન્દ્ર મોદીના માતા હીરાબાનું આજે નિધન થયું છે. અમદાવાદની યુએન મહેતા હોસ્પિટલમાં સવારે 3.30 કલાકે હીરાબાએ અંતિમ શ્વાસ લીધા હતા. હીરાબાને શ્વાસ લેવામાં તકલીફની ફરિયાદ બાદ મંગળવારે સાંજે હોસ્પિટલમાં દાખલ કરવામાં આવ્યા હતા. રાષ્ટ્રપતિથી લઈને ઘણા વરિષ્ઠ નેતાઓએ પીએમ મોદીના માતાના નિધન પર શોક વ્યક્ત કર્યો. માતાના નિધનની માહિતી મળતાં જ પીએમ મોદી ગાંધીનગર સ્થિત નિવાસસ્થાને પહોંચ્યા હતા અને માતાના અંતિમ સંસ્કારમાં ભાગ લીધો હતો. આ દરમિયાન પીએમ મોદી સાથે તેમના તમામ ભાઈઓ પણ હાજર હતા.
પીએમ મોદીના પિતાથી શરૂઆત કરીએ
વડાપ્રધાન નરેન્દ્ર મોદીના દાદાનું નામ મૂળચંદ મગનલાલ મોદી હતું. તેમના છ પુત્રો દામોદરદાસ મોદી, નરસિંહદાસ મોદી, નરોત્તમભાઈ મોદી, જગજીવનદાસ મોદી, કાંતિલાલ અને જયંતિલાલ મોદી હતા. પીએમ મોદીના કાકા જયંતિલાલની પુત્રી લીના બેનના પતિ વિસનગરમાં બસ કંડક્ટર હતા. પીએમ મોદીનો પરિવાર આર્થિક સંકટમાંથી પસાર થયો હતો. પીએમ પોતે પણ ઘણી વખત આ વાતનો ઉલ્લેખ કરી ચૂક્યા છે.
પીએમ મોદીને છ ભાઈ-બહેન છે
દામોદરદાસ મોદીના લગ્ન હીરાબેન સાથે થયા હતા. બંનેના મોટા પુત્રનું નામ સોમભાઈ મોદી છે. બીજા નંબરે અમૃતભાઈ મોદી, ત્રીજા નંબરે વડાપ્રધાન નરેન્દ્ર મોદી છે. PM નરેન્દ્ર મોદી કરતા નાના તેમના ભાઈ પ્રહલાદ મોદી છે, પછી માત્ર બહેન વાસંતીબેન અને સૌથી નાના ભાઈ પંકજ મોદી છે.
સોમભાઈ મોદી
વડાપ્રધાન નરેન્દ્ર મોદીના મોટા ભાઈનું નામ સોમભાઈ મોદી છે. સોમભાઈ આરોગ્ય વિભાગમાં નોકરી કરતા હતા અને હવે નિવૃત્ત થયા છે. હવે તેઓ અમદાવાદમાં વૃદ્ધાશ્રમ ચલાવે છે. એકવાર એક જાહેર કાર્યક્રમમાં તેમણે કહ્યું હતું કે, ‘મારી અને પીએમ મોદી વચ્ચે પડદો છે. હું નરેન્દ્ર મોદીનો ભાઈ છું, વડાપ્રધાનનો નહીં. તેઓ વડાપ્રધાન માટે 125 કરોડ ભારતીયોમાંના એક છે.
આ પણ વાંચો: હીરાબા નિધન : વિશ્વ નેતા પીએમ મોદીને દુનિયાભરથી મળી શોક શ્રદ્ધાંજલિ
અમૃતભાઈ મોદી
પીએમ મોદીના બીજા મોટા ભાઈ અમૃતભાઈ મોદી છે. અમૃતભાઈ ખાનગી કંપનીમાં ફિટર તરીકે નિવૃત્ત થયા. 17 વર્ષ પહેલા તેમનો પગાર માત્ર 10,000 રૂપિયા હતો. નિવૃત્તિ બાદ તેઓ અમદાવાદમાં ચાર રૂમના મકાનમાં સામાન્ય જીવન જીવી રહ્યા છે. તેમની પત્ની ચંદ્રકાંત બેન ગૃહિણી છે. તેનો 47 વર્ષનો પુત્ર સંજય પણ તેની પત્ની અને બે બાળકો સાથે રહે છે. સંજયનો પોતાનો નાનો બિઝનેસ છે. તે પોતાનું લેથ મશીન ચલાવે છે. વર્ષ 2009 માં, અમૃતભાઈના પરિવારે એક કાર ખરીદી, જેનો ઉપયોગ ફક્ત ખાસ પ્રસંગોએ જ થાય છે. પીએમ મોદીના ભત્રીજા સંજયે એકવાર મીડિયાને કહ્યું હતું કે તેમના પરિવારના કોઈ સભ્ય વિમાનમાં બેઠું નથી કે વિમાનને અંદરથી જોયું નથી. સંજયના કહેવા પ્રમાણે, અત્યાર સુધી તે પીએમ મોદીને માત્ર બે વાર જ મળ્યો છે.
નરેન્દ્ર મોદી
નરેન્દ્ર મોદી પાંચ ભાઈઓ અને એક બહેનમાં ત્રીજા નંબરે છે. રાષ્ટ્રીય સ્વયં સેવક સંઘ માટે પ્રચાર કરી રહેલા નરેન્દ્ર મોદી 2014માં દેશના વડાપ્રધાન બન્યા હતા. આ પહેલા તેઓ 12 વર્ષ સુધી ગુજરાતના મુખ્યમંત્રી રહ્યી ચૂક્યા છે.
પ્રહલાદ મોદી
નરેન્દ્ર મોદીના ત્રીજા ભાઈનું નામ પ્રહલાદ મોદી છે. તેઓ પીએમ મોદી કરતા બે વર્ષ નાના છે. અમદાવાદમાં તેની કરિયાણાની દુકાન છે અને ટાયરનો શોરૂમ પણ છે. એક ઈન્ટરવ્યુમાં તેણે કહ્યું કે તે અને પીએમ મોદી બહુ ઓછા મળે છે. પીએમ મોદીના ભાઈ હોવાનો તેમને ક્યારેય ગર્વ થયો નથી. પ્રહલાદના લગ્ન ભગવતીબેન સાથે થયા હતા. જેનું 2019માં અવસાન થયું હતું. પ્રહલાદ મોદીના પુત્રનું નામ મેહુલ છે. પ્રહલાદ સામાજિક કાર્યોમાં પણ સક્રિયપણે ભાગ લે છે. તેઓ ઓલ ઈન્ડિયા ફેર પ્રાઈસ શોપ ડીલર્સ ફેડરેશનના ઉપાધ્યક્ષ પણ છે.
વાસંતીબેન
નરેન્દ્ર મોદીને એક બહેન પણ છે. તેનું નામ વાસંતીબેન હસમુખલાલ મોદી છે. તે ગૃહિણી છે. તેમના પતિનું નામ હસમુખ લાલ છે. તે LIC એટલે કે લાઈફ ઈન્સ્યોરન્સ કોર્પોરેશન ઓફ ઈન્ડિયામાં કામ કરે છે.
પંકજ મોદી
નરેન્દ્ર મોદીના સૌથી નાના ભાઈ પંકજભાઈ મોદી ગાંધીનગરમાં રહે છે. તેમની પત્નીનું નામ સીતાબેન છે. તેઓ માહિતી ખાતામાંથી નિવૃત્ત થયા છે. તેની માતા હીરાબેન પંકજ સાથે રહેતી હતી. જ્યારે પણ પીએમ મોદી તેમની માતાને મળવા આવતા હતા ત્યારે તેઓ પીએમ મોદીને મળતા હતા.
PM મોદીના પરિવારમાં બીજું કોણ છે?
પીએમ મોદીના કાકા નરસિંહ દાસ મોદીને આઠ બાળકો છે. નરસિંહદાસનું અવસાન થયું છે. તેમના બાળકોમાં ભોગીલાલ, અરવિંદભાઈ, ચંબાબેન, ભરતભાઈ, રમીલા, અશોકભાઈ, ચંદ્રકાંતભાઈ અને ઈન્દિરાનો સમાવેશ થાય છે. બીજા કાકા નરોત્તમભાઈ મોદીને બે બાળકો છે. નરોત્તમભાઈનું પણ અવસાન થયું છે. નરોત્તમભાઈના બાળકોના નામ જગદીશ અને સોનિકા છે.ત્રીજા કાકા જગજીવનદાસ મોદી હતા. તેઓને એક પુત્ર રમેશભાઈ છે. ચોથા કાકા કાંતિલાલ મોદીને પાંચ બાળકો છે. જેમાં ઉષા, મીતા, ભાર્ગવ, ચેતના અને ગાયત્રીનો સમાવેશ થાય છે. પાંચમા કાકા જયંતિલાલ મોદીને પણ બે બાળકો છે. તેમાં બિપીનભાઈ અને લીના છે.
