વડાપ્રધાન નરેન્દ્ર મોદી લોકસભાની ચૂંટણીમાં મતદાન કરવા અમદાવાદ આવ્યા
- વડાપ્રધાન મોદી આજે રાણીપની નિશાન સ્કૂલમાં મતદાન કરશે
- વડાપ્રધાન નરેન્દ્ર મોદી સવારે 7.30 કલાકે મતદાન કરશે
- મતદાન કરી પીએમ ચોથા ચરણના પ્રચારમાં જવા રવાના થશે
વડાપ્રધાન નરેન્દ્ર મોદી લોકસભાની ચૂંટણીમાં મતદાન કરવા અમદાવાદ આવ્યા છે. જેમાં સવારે 7.30 કલાકે મતદાન કરશે. મોડી સાંજે પીએમ મોદી ગુજરાત આવી ગયા હતા. રાજભવન ખાતે રાત્રી રોકાણ કર્યું હતુ. તથા આજે સવારે રાણીપ ખાતે મતદાન કરશે. તેમાં સવારે 7.30 કલાકે મતદાન કરી પીએમ ચોથા ચરણના પ્રચારમાં જવા રવાના થશે.
વડાપ્રધાન મોદી આજે રાણીપની નિશાન સ્કૂલમાં મતદાન કરશે
ગુજરાતમાં લોકસભા ચૂંટણી 2024 માટે આજરોજ મતદાન થવાનું છે. વડાપ્રધાન મોદી આજે રાણીપની નિશાન સ્કૂલમાં મતદાન કરશે. જેથી સુરક્ષા ભાગરુપે ત્યાં SPG અને રાણીપ પોલીસ દ્વારા અધિકારીઓએ શાળામાં ચેકિંગ અને નિરીક્ષણ કર્યું હતું. આ ઉપરાંત રાણીપના મતદાન બુથ પર બેરિકેડ્સ લગાવી દેવામાં આવ્યા છે તેમજ ચુસ્ત પોલીસ બંદોબસ્ત પણ ગોઠવી દેવાયો છે.
અમિત શાહ મતદાન પહેલા કામેશ્વર મહાદેવના દર્શન કરશે
નારણપુરામાં કેન્દ્રીય ગૃહમંત્રી અમિત શાહ મતદાન કરશે. જેમાં નારણપુરા મતદાન મથક પર તૈયારીઓ પૂર્ણ થઇ છે. તેમાં અમિત શાહ મતદાન પહેલા કામેશ્વર મહાદેવના દર્શન કરશે. જેમાં અમિત શાહ સહપરિવાર સાથે નારણપુરામાં મતદાન કરશે. હેરિટેજ થીમ પર નારણપુરા મતદાન મથક તૈયાર કરાયો છે. નારણપુરા મતદાન મથક પર હેલ્થ ટીમ, પાણી, વ્હિલચેર સહિતની વ્યવસ્થા કરવામાં આવી છે.
સુરક્ષાને ધ્યાનમાં લઈને લશ્કરી દળોની વધુ 30 કંપનીઓ ખડકાઈ
ગુજરાતમાં શાંતિ પૂર્ણ માહોલમાં મતદાન થાય તે માટે ચૂંટણી પંચ દ્વારા સવિશેષ વ્યવસ્થા કરવામાં આવી છે. સુરક્ષાને ધ્યાનમાં લઈને લશ્કરી દળોની વધુ 30 કંપનીઓ ખડકાઈ છે. કેન્દ્રીય ગૃહ મંત્રાલયે શનિવારે આ વધુ કંપનીઓનો જથ્થો રાજ્યમાં મોકલી આપ્યો છે. આ અગાઉ રાજયમાં 20 કંપનીઓ પહેલા આવી ચુકી છે. બાદમાં 160 કંપનીઓ ફાળવાઈ અને હવે ત્રીજા અંતિમ તબક્કામાં 30 કંપનીઓ રાજ્યને હવાલે કરાઈ છે.
