આર્ટીકલ 370 હટાવ્યા બાદ આજે પહેલીવાર કાશ્મીરમાં વડાપ્રધાન મોદીની રેલી

• PMની રેલીને પગલે જમીન પર NSG, પાણીમાં માર્કોસ કમાન્ડો અને દરેક ખૂણે ડ્રોન દ્વારા દેખરેખ

કાશ્મીર, 7 માર્ચ: જમ્મુ-કાશ્મીરમાંથી અનુચ્છેદ 370 હટાવ્યા બાદ આજે વડાપ્રધાન મોદી પ્રથમ વખત વિકાસ પ્રોજેક્ટ્સની ભેટ સાથે કાશ્મીર વેલીની મુલાકાતે છે. શ્રીનગરના બક્ષી સ્ટેડિયમને દુલ્હનની જેમ સજાવવામાં આવ્યું છે, સુરક્ષા કડક છે. પીએમ મોદી અહીં એક મોટી રેલીને સંબોધશે જેમાં 2 લાખ લોકો આવવાની શક્યતા છે. આ દરમિયાન, પ્રધાનમંત્રી મોદી જમ્મુ અને કાશ્મીરમાં કૃષિ-અર્થતંત્રને પ્રોત્સાહન આપવા માટે લગભગ 5 હજાર કરોડ રૂપિયાનો વ્યાપક કૃષિ વિકાસ કાર્યક્રમ રાષ્ટ્રને સમર્પિત કરશે. આ બધાની વચ્ચે કાશ્મીરના લોકો વડાપ્રધાનની આતુરતાથી રાહ જોઈ રહ્યા છે.

 

I will be in Srinagar tomorrow, 7th March to take part in the ‘Viksit Bharat Viksit Jammu Kashmir’ programme. Various development works will also be dedicated to the nation. Notable among them are works worth over Rs. 5000 crore relating to boosting the agro-economy. Various…

— Narendra Modi (@narendramodi) March 6, 2024

અગાઉ કોઈપણ વડાપ્રધાનની મુલાકાત પર કાશ્મીરમાં હડતાળની જાહેરાત કરવામાં આવતી હતી, પરંતુ આજે સમગ્ર ઘાટીના લોકો તેમજ અહીંના રાજકીય પક્ષો પીએમના પ્રવાસનું સ્વાગત કરી રહ્યા છે. પીએમ મોદીની આ મુલાકાતથી ભાજપ ખૂબ જ ઉત્સાહિત છે. ઉલ્લેખનીય છે કે, ભાજપ પાસે જમ્મુમાં 2 બેઠકો છે જ્યારે કાશ્મીરમાં તેનું ખાતું ખૂલે તેવી આશા છે. આર્ટીકલ 370 હટાવ્યા બાદ કાશ્મીરના બદલાયેલા વાતાવરણથી આ વખતે ખીણમાં પ્રવેશવાની ભાજપની આશા વધી ગઈ છે.

6400 કરોડના પ્રોજેક્ટ્સની ભેટ આપશે

1. વડાપ્રધાન મોદી તેમની મુલાકાત દરમિયાન કાશ્મીરના દરેક વર્ગ માટે કોઈને કોઈ ભેટ લઈને આવી રહ્યા છે.
2. સમગ્ર દેશમાં કૃષિ અર્થતંત્રને પ્રોત્સાહન આપવા માટે બક્ષી સ્ટેડિયમમાંથી રૂ. 5000 કરોડની યોજનાની જાહેરાત કરવામાં આવશે.
3. જમ્મુ-કાશ્મીરના 2.5 લાખ ખેડૂતોનો કૌશલ્ય વિકાસ દક્ષ કલશ યોજના હેઠળ કરવામાં આવશે.
4. 2000 કિસાન ખિદમત હોમની સ્થાપના કરવામાં આવશે.
5. સ્વદેશ દર્શન યોજના હેઠળ જમ્મુ-કાશ્મીરમાં 1400 કરોડ રૂપિયાના ખર્ચે 52 પ્રવાસન પ્રોજેક્ટ શરૂ કરવામાં આવશે.
6. હઝરતબલ દરગાહના વિકાસ માટે એક પ્રોજેક્ટ શરૂ કરવામાં આવશે.
7. વડાપ્રધાન જમ્મુ અને કાશ્મીરના નવા ભરતી થયેલા યુવાનોને નિમણૂક પત્ર આપશે.

માર્કોસ કમાન્ડો જેલમમાં કરી રહ્યા છે પેટ્રોલિંગ

વડાપ્રધાનની મુલાકાતને ધ્યાનમાં રાખીને સમગ્ર શ્રીનગર શહેરમાં કડક સુરક્ષા વ્યવસ્થા કરવામાં આવી છે. દરેક ખૂણે-ખૂણે સુરક્ષા દળો તૈનાત કરવામાં આવ્યા છે. સ્ટેડિયમથી લઈને જેલમ સુધી દરેક જગ્યાએ પેટ્રોલિંગ ચાલુ છે. એસપીજીની સાથે એનએસજી અને માર્કોસ કમાન્ડોને તૈનાત કરવામાં આવ્યા છે. શ્રીનગરમાં આજે ડ્રોન પર પ્રતિબંધ લગાવી દેવામાં આવ્યો છે. પીએમના સમગ્ર રૂટને સુંદર રીતે શણગારવામાં આવ્યો છે. ખીણના વિવિધ વિસ્તારોમાંથી લોકોને લાવવા માટે બસોની વ્યવસ્થા કરવામાં આવી છે. સ્ટેડિયમમાં ફક્ત એવા લોકોને જ પ્રવેશ આપવામાં આવશે જે ખાસ પાસ લઈને આવશે.

આ પણ જુઓ: કેરળની શાળામાં દેશની પ્રથમ AI રોબોટ શિક્ષક ભણાવશે, જાણો Irish વિશે રસપ્રદ બાબતો