આજે સોનિયા ગાંધીના 77મા જન્મદિવસ પર વડાપ્રધાને પાઠવ્યા અભિનંદન

• કોંગ્રેસ નેતા સોનિયાનો ગાંધીનો આજે 77મો જન્મદિવસ
• પીએમ મોદી સહિત અનેક પક્ષોના નેતાઓએ સોનિયા ગાંધીને જન્મદિવસની શુભેચ્છા પાઠવી છે.
• કોંગ્રેસના કાર્યકરો પણ સોનિયાના જન્મદિવસની ઉજવણી કરી રહ્યા છે.

નવી દિલ્હી, 09 ડિસેમ્બર: વડાપ્રધાન નરેન્દ્ર મોદીએ પૂર્વ કોંગ્રેસ અધ્યક્ષ સોનિયા ગાંધીને તેમના 77માં જન્મદિવસ પર અભિનંદન પાઠવ્યા છે. પીએમ મોદીએ સોનિયા ગાંધીને જન્મદિવસની શુભેચ્છા આપતા સોશિયલ મીડિયા પ્લેટફોર્મ એક્સ પર લખ્યું છે કે, સોનિયા ગાંધીને જન્મદિવસની શુભકામનાઓ, ભગવાન તેમને લાંબુ આયુષ્ય અને સારું સ્વાસ્થ્ય આપે.

Best wishes to Smt. Sonia Gandhi Ji on her birthday. May she be blessed with a long and healthy life.

— Narendra Modi (@narendramodi) December 9, 2023

તમિલનાડુના મુખ્યમંત્રી એમકે સ્ટાલિને પણ સોનિયા ગાંધીને શુભેચ્છા પાઠવી હતી. પીએમ મોદીની શુભકામનાઓ એવા સમયે આવી છે જ્યારે કોંગ્રેસે તાજેતરમાં પૂર્ણ થયેલી વિધાનસભાની ચૂંટણીમાં ત્રણ હિન્દીભાષી રાજ્યો ગુમાવ્યા છે અને નિર્ણાયક લોકસભા ચૂંટણી માત્ર છ મહિના દૂર છે.

કોંગ્રેસના નેતાઓએ સોનિયા ગાંધીના વખાણ કર્યા

કોંગ્રેસ અધ્યક્ષ મલ્લિકાર્જુન ખડગે સહિત કોંગ્રેસના નેતાઓએ પણ સોનિયા ગાંધીને જન્મદિવસની શુભેચ્છા પાઠવી છે. કોંગ્રેસ અધ્યક્ષ મલ્લિકાર્જુન ખડગેએ એક્સ પર સોનિયા ગાંધીને હાંસિયામાં ધકેલાઈ ગયેલા લોકોના અધિકારોના સતત હિમાયતી ગણાવ્યા છે. તેમણે કહ્યું કે, લોકોના અધિકારોના સમર્થક સોનિયા ગાંધી હિંમત, ધૈર્ય અને નિઃસ્વાર્થ બલિદાન સાથે પ્રતિકૂળ પરિસ્થિતિઓ સામે લડતી વખતે અત્યંત શાલીનતાનું પ્રતિક રહ્યા છે. કોંગ્રેસના મહાસચિવ કેસી વેણુગોપાલે પણ સોનિયા ગાંધીને તેમના જન્મદિવસ પર અભિનંદન પાઠવ્યા હતા અને સમાજના ગરીબ અને હાંસિયામાં ધકેલાઈ ગયેલા વર્ગના ઉત્થાન માટે તેમની પ્રશંસા કરી હતી.

#WATCH | Telangana CM Revanth Reddy along with Congress leaders celebrates the birthday of Congress Parliamentary Party Chairperson Sonia Gandhi, in Hyderabad pic.twitter.com/pdGXXMQD2i

— ANI (@ANI) December 9, 2023

તેલંગાણાના મુખ્યમંત્રીએ કેક કાપી

તેલંગાણાના મુખ્યમંત્રી રેવન્ત રેડ્ડીએ હૈદરાબાદમાં કોંગ્રેસના નેતાઓ સાથે કોંગ્રેસ સંસદીય દળના અધ્યક્ષ સોનિયા ગાંધીનો જન્મદિવસ ઉજવ્યો. કેક કાપ્યા બાદ તેમણે સોનિયા ગાંધીના લાંબા આયુષ્ય માટે પ્રાર્થના કરી હતી. વિરોધ પક્ષોના ઘણા નેતાઓએ પણ સોનિયા ગાંધીને જન્મદિવસની શુભેચ્છા પાઠવી છે.

સોનિયા ગાંધીનો જન્મ ઈટાલીમાં થયો હતો

સોનિયા ગાંધીનો જન્મ 9 ડિસેમ્બર 1946ના રોજ ઈટાલીમાં થયો હતો. તેઓ સૌથી લાંબા સમય સુધી કોંગ્રેસના અધ્યક્ષ રહ્યા. સ્વાસ્થ્યના કારણોસર તેઓ છેલ્લા કેટલાક સમયથી સક્રિય રાજકારણથી દૂર છે અને તેમના પુત્ર રાહુલ ગાંધી અને પુત્રી પ્રિયંકા ગાંધી પાર્ટીમાં મહત્વપૂર્ણ ભૂમિકા ભજવી રહ્યા છે.

આ પણ વાંચો, દિલ્હીઃ લોરેન્સ બિશ્નોઈ ગેંગના સાગરીતો અને પોલીસ વચ્ચે અથડામણ