લોકસભા 2024ની તૈયારી, આજે બિહારમાં ભાજપ અને મહાગઠબંધન કરશે રાજકીય શક્તિ પ્રદર્શન
આગામી લોકસભા ચૂંટણીને લઈને બિહારમાં રાજકારણ ગરમાયું છે. શનિવારે ભાજપ અને મહાગઠબંધન આમને-સામને થશે. NDA અને મહાગઠબંધન બિહારમાં બે મોટા કાર્યક્રમોનું આયોજન કરવા જઈ રહ્યા છે. કેન્દ્રીય ગૃહમંત્રી અમિત શાહ આજે એક દિવસીય મુલાકાતે બિહાર પહોંચી રહ્યા છે. તેમની મુલાકાત દરમિયાન શાહ બિહારના વાલ્મિકી નગર લોકસભા મતવિસ્તાર હેઠળ લૌરિયા ખાતે પાર્ટીની પ્રવૃત્તિઓને મજબૂત કરવા માટે જાહેર સભાને સંબોધશે. બીજી તરફ, મહાગઠબંધન પૂર્ણિયામાં મેગા રેલી દ્વારા કેન્દ્રીય ગૃહમંત્રી અમિત શાહને જવાબ આપવાની તૈયારી કરી રહ્યું છે. આ કાર્યક્રમમાં મુખ્યમંત્રી નીતિશ કુમાર, ડેપ્યુટી સીએમ તેજસ્વી પ્રસાદ યાદવ, રાજ્ય કોંગ્રેસના વરિષ્ઠ નેતાઓ અને ડાબેરી પક્ષોના નેતાઓ ભાગ લેશે.
આ પણ વાંચો : વિપક્ષી મોરચો એક થવા ઝઝૂમી રહ્યો છે પણ મોદીને હરાવવા કેટલો સક્ષમ !
2024ની લોકસભા ચૂંટણીને ધ્યાનમાં રાખીને, પ્રથમ વખત મહાગઠબંધનની તમામ સાત પાર્ટીઓ એક થઈને પૂર્ણિયામાં પોતાની તાકાત બતાવશે. અમિત શાહ વાલ્મિકી નગર લોકસભા સીટ પર જનસભાને સંબોધશે. આ પછી, તેઓ વાલ્મિકી નગર લોકસભા બેઠકની કોર કમિટીની બેઠકની અધ્યક્ષતા કરશે. આ બેઠકમાં પ્રદેશ ભાજપ અધ્યક્ષ સંજય જયસ્વાલ, કેન્દ્રીય ગૃહ રાજ્ય મંત્રી નિત્યાનંદ રાય, વાલ્મિકી નગર લોકસભાના વરિષ્ઠ ભાજપ નેતા, સ્થાનિક સાંસદ, ધારાસભ્ય અને જિલ્લા ભાજપ પ્રમુખ હાજર રહેશે. આ પછી ગૃહમંત્રી અમિત શાહ લૌરિયા નંદનગઢ જશે.
ત્યારબાદ, કેન્દ્રીય ગૃહ પ્રધાન દેશના ટોચના ખેડૂત નેતાઓમાંના એક સ્વામી સહજાનંદ સરસ્વતીના સન્માનમાં બાપુ ઓડિટોરિયમ ખાતે કિસાન મજદૂર સમાગમને સંબોધિત કરવા રાજધાની પટના જવા રવાના થશે. શાહના કાર્યક્રમ માટે લૌરિયામાં આવેલા ગૃહ રાજ્ય મંત્રી નિત્યાનંદ રાયે ANI સાથે વાત કરતા કહ્યું, “ગૃહમંત્રી અમિત શાહની આજની જાહેર સભાને લઈને લોકોમાં ભારે ઉત્સાહ છે. ઘણા લોકો તેમને સાંભળવા માંગે છે. વડા પ્રધાન નરેન્દ્ર મોદીના નેતૃત્વમાં સમગ્ર દેશમાં થઈ રહેલા કલ્યાણકારી કાર્યોથી વાલ્મિકી નગરના લોકો ઉત્સાહિત છે અને ગૃહ પ્રધાન અમિત શાહને સાંભળવા માંગે છે.
