PM મોદીની UAE મુલાકાત પહેલા ‘અહલાન મોદી’ની તૈયારીઓ પૂરજોશમાં
- PM 13 ફેબ્રુઆરીએ ‘અહલાન મોદી’ ખાતે ભારતીય ડાયસ્પોરાને કરશે સંબોધિત
દુબઈ (UAE), 5 ફેબ્રુઆરી: વડાપ્રધાન નરેન્દ્ર મોદીની UAEની મુલાકાત પહેલા, ‘અહલાન મોદી'(Ahlan Modi), અર્થાત હેલો મોદી નામના ભારતીય સમુદાયના કાર્યક્રમની તૈયારીઓ પૂરજોશમાં ચાલી રહી છે. UAEની તેમની મુલાકાત દરમિયાન, PM મોદી મંદિરના ઉદ્ઘાટનના એક દિવસ પહેલા 13 ફેબ્રુઆરીએ ‘અહલાન મોદી’ ખાતે ભારતીય ડાયસ્પોરાને સંબોધિત કરશે. પીએમ મોદી 14 ફેબ્રુઆરીએ અબુ ધાબીમાં BAPS હિન્દુ મંદિરનું ઉદ્દઘાટન કરવાના છે.
#ahlanmodi 1st Volunteers teams Head briefing by Volunteers Management at venue to set clear roles & responsibilities,required to manage huge turnout expected on historic day.
Don’t forget to join on 13th February at Zayed sports City stadium Abudhabi. #ModiInUAE #indiansinuae pic.twitter.com/axqkA22wSK— Ahlan Modi (@AhlanModi2024) February 5, 2024
અહલાન મોદી ટ્વિટર હેન્ડલ પર શેર કરવામાં આવી માહિતી
X(ટ્વિટર) પર અહલાન મોદી 2024ના હેન્ડલ મુજબ, ઇવેન્ટમાં અપેક્ષિત સહભાગીઓનું સંચાલન કરવા જરૂરી સ્પષ્ટ ભૂમિકાઓ અને જવાબદારીઓ નક્કી કરવા માટે સ્વયંસેવકોની પ્રથમ ટીમનું સ્થળ પર સ્વયંસેવકો મેનેજમેન્ટ દ્વારા હેડ બ્રીફિંગ કરવામાં આવ્યું હતું. સ્વયંસેવકોની પ્રથમ ટીમને આ ઐતિહાસિક દિવસ પર અપેક્ષિત વિશાળ સમુદાયનું સંચાલન કરવા માટે તેમની જરૂરી ભૂમિકાઓ અને જવાબદારીઓ સમજાવવામાં આવી હતી. 13મી ફેબ્રુઆરીએ ઝાયેદ ખાતે જોડાવાનું ભૂલશો નહીં. સ્પોર્ટ્સ સિટી સ્ટેડિયમ, અબુધાબી.”
While one batch of volunteers manage stadium logistics in Abudhabi, other bunch take care of the cultural performances in Dubai ;ensuring a spectacular welcome to PM Narendra Modi on 13th of February.
Team #ahlanmodi truly putting in selfless service ! #ModiInUAE #indiansinuae pic.twitter.com/huUBwrj38x— Ahlan Modi (@AhlanModi2024) February 4, 2024
X પરની પોસ્ટ અનુસાર, “સ્વયંસેવકોની એક બેચ અબુ ધાબીમાં લોજિસ્ટિક્સનું સંચાલન કરશે જ્યારે અન્ય બેચ સાંસ્કૃતિક પ્રદર્શનનું ધ્યાન રાખશે. અબુ ધાબીમાં યોજાનાર કાર્યક્રમમાં હાજરી આપવા માટે સેટ કરેલા 65,000 લોકોનું સંચાલન કરવા માટે સ્વયંસેવકો નિર્ણાયક છે.” રવિવારના રોજ અહલાન મોદી ટ્વિટર હેન્ડલ પરથી કરવામાં આવેલી પોસ્ટમાં જણાવવામાં આવ્યું હતું કે, ” 13મી ફેબ્રુઆરીએ PM નરેન્દ્ર મોદીનું અદભૂત સ્વાગત સુનિશ્ચિત કરવામાં આવશે. જેના માટે ટીમ #ahlanmodi ખરેખર નિઃસ્વાર્થ સેવા કરી રહી છે!” “#AhlanModiના સ્વયંસેવકો ઇવેન્ટની કરોડરજ્જુ સમાન છે. તેઓ #Indiansinuaeની 65,000ની ભીડનું સંચાલન કરવા માટે નિર્ણાયક છે અને જેથી એ સુનિશ્ચિત થશે કે અબુધાબીમાં 13 ફેબ્રુઆરીના ઐતિહાસિક દિવસે ઝાયેદ સ્પોર્ટ્સ સિટી સ્ટેડિયમ ખાતેનો અનુભવ બધા માટે જીવનભર યાદગાર બની રહે”
10 days to go for the mega UAE diaspora event “Ahlan Modi”. Team @AhlanModi2024 at the Zayed Sports City Stadium. The event received an overwhelming response for registration, with the stadium’s capacity of over 40,000 quickly filling up.pic.twitter.com/WNCiqCbE6J
— Sidhant Sibal (@sidhant) February 5, 2024
AhlanModi એટલે હેલો મોદી(Hello Modi) શીર્ષક હેઠળ કાર્યક્રમ
આ કાર્યક્રમ, જેનું શીર્ષક લગભગ AhlanModiએ હેલો મોદી(Hello Modi)માં ભાષાંતર થાય છે, તે અબુ ધાબીના શેખ ઝાયેદ સ્પોર્ટ્સ સ્ટેડિયમમાં યોજાશે. પ્રકાશન અનુસાર, આયોજકો સ્ટેડિયમને તેની સંપૂર્ણ ક્ષમતામાં ભરવાની અપેક્ષા રાખે છે. આ ઐતિહાસિક પ્રસંગના વિગતવાર આયોજન અને સુચારૂ અમલીકરણ માટે વિવિધ સ્વયંસેવક સમિતિઓની રચના કરવામાં આવી છે. આ દરમિયાન, UAEમાં ભારતીય દૂતાવાસે કહ્યું છે કે, વિશ્વભરના લોકો પીએમ મોદી દ્વારા અબુ ધાબીમાં BAPS હિંદુ મંદિરના ઉદ્ઘાટનની રાહ જોઈ રહ્યા છે, જે 14 ફેબ્રુઆરીએ યોજાનાર છે.
UAEમાં રહેલા ભારતીય દૂતાવાસે શું કહ્યું ?
UAEમાં રહેલા ભારતીય દૂતાવાસે સોશિયલ મીડિયા ‘X’ પર એક પોસ્ટમાં જણાવ્યું હતું કે, “વિશ્વએ પીએમ મોદી દ્વારા અબુધાબી મંદિરના ઉદ્દઘાટનની રાહ જોઈ રહ્યું છે. તેના સ્પેલબાઈન્ડિંગ આર્કિટેક્ચર સાથે તેજસ્વી દ્રશ્યો મંદિરને તેની તમામ ભવ્યતામાં દર્શાવે છે.”
જાન્યુઆરીની શરૂઆતમાં UAEમાં ભારતના રાજદૂત સંજય સુધીરે અબુધાબીમાં BAPS હિંદુ મંદિરના બાંધકામની પ્રગતિ જોવા માટે તેની મુલાકાત લીધી હતી. વડાપ્રધાન નરેન્દ્ર મોદીએ 2015માં જાહેર કરેલા મંદિરનું કામ પૂર્ણ થવાના આરે છે.
UAEમાં રહેલા ભારતીય દૂતાવાસે વધુમાં જણાવ્યું હતું કે, “મહિના કરતાં પણ ઓછો સમય બાકી છે! અબુધાબીમાં BAPS હિંદુ મંદિર બનાવવાની PM મોદી દ્વારા 2015માં જાહેરાત કરવામાં આવી હતી, જે ઝડપથી પૂર્ણ થવાના આરે છે.”
તાજેતરમાં, પીએમ મોદીએ 14 ફેબ્રુઆરીએ અબુ ધાબીમાં BAPS હિંદુ મંદિરના ઉદ્ઘાટન માટે સ્વામી ઈશ્વરચરણદાસ અને સ્વામી બ્રહ્મવિહારીદાસ દ્વારા આપવામાં આવેલા આમંત્રણને સ્વીકાર્યું હતું, એમ BAPS સ્વામિનારાયણ સંસ્થાએ એક અખબારી નિવેદનમાં જણાવ્યું હતું. ડિસેમ્બરમાં, PM મોદી અને BAPS સ્વામી ઈશ્વરચરણદાસ વડાપ્રધાનના રહેણાંક કાર્યાલયમાં મળ્યા હતા અને PM મોદીએ ઐતિહાસિક અને પ્રતિષ્ઠિત મંદિર માટે તેમનો ઉત્સાહી સમર્થન વ્યક્ત કરીને, આમંત્રણ સ્વીકાર્યું હતું.
આ પણ જુઓ: જૂનાગઢ મહાશિવરાત્રીના મેળાની તંત્ર દ્વારા તૈયારીઓ શરુ
