પ્રજ્ઞાનંદે ક્લાસિકલ ચેસમાં પ્રથમ વખત નંબર 1 ખેલાડી મેગ્નસ કાર્લસનને હરાવીને ઇતિહાસ રચ્યો
- 18 વર્ષીય ભારતીય ખેલાડી રમેશબાબુ પ્રજ્ઞાનંદે કાર્લસનને તેના હોમ ગ્રાઉન્ડમાં આયોજિત ટૂર્નામેન્ટમાં હરાવીને લીડરનું સ્થાન મેળવ્યું
સ્ટાવેન્જર (નોર્વે),30 મે: ભારતના યુવા ચેસ ખેલાડી રમેશબાબુ પ્રજ્ઞાનંદે ક્લાસિકલ ચેસમાં ઈતિહાસ રચ્યો છે. તેમણે પ્રથમ વખત ક્લાસિકલ ચેસમાં વિશ્વના નંબર 1 ખેલાડી એવા અને વર્લ્ડ ચેમ્પિયન મેગ્નસ કાર્લસનને હરાવ્યો છે. રમેશબાબુ પ્રજ્ઞાનંદે નોર્વે ચેસ 2024ના ત્રીજા રાઉન્ડમાં રમાયેલી મેચમાં કાર્લસનને હરાવ્યો હતો. ભારતના આ યુવા ખેલાડીએ વિશ્વના નંબર 1 ખેલાડીને સફેદ મહોરાથી હરાવ્યો હતો. આ જીત સાથે 18 વર્ષીય ભારતીય ખેલાડી રમેશબાબુ પ્રજ્ઞાનંદે બુધવારે (29 મે) કાર્લસનના હોમ ગ્રાઉન્ડ એવા નોર્વેના સ્ટાવેન્જરમાં આયોજિત આ પ્રતિષ્ઠિત ટૂર્નામેન્ટમાં લીડરનું સ્થાન હાંસલ કર્યું છે.
BREAKING NEWS: Praggnanandhaa defeats Magnus Carlsen for the first time in Classical Chess!
Pragg took down the World no.1 with the White pieces in the 3rd round of Norway Chess 2024. It was a fantastic game by Pragg – he got an advantage out of the opening, and converted in… pic.twitter.com/Ny7jBJIzO7
— ChessBase India (@ChessbaseIndia) May 29, 2024
આર. પ્રજ્ઞાનંદે નોર્વે ચેસ ટુર્નામેન્ટના ત્રીજા રાઉન્ડના અંતે 9માંથી 5.5નો સ્કોર કર્યો હતો. બીજી તરફ, અમેરિકન ગ્રાન્ડમાસ્ટર ફૈબિયો કારુઆનાએ બુધવારે જી.એમ. ડીંગ લિરેન સામેની જીત બાદ ત્રણ પોઈન્ટ મેળવીને બીજું સ્થાન મેળવ્યું છે. પ્રજ્ઞાનંદ માટે આ એક મોટી સિદ્ધિ છે, તે ગયા વર્ષે વર્લ્ડ કપમાં મેગ્નસ કાર્લસન સામે જ હારી ગયો હતો. આકસ્મિક રીતે, પ્રજ્ઞાનંદ ક્લાસિકલ ચેસમાં કાર્લસનને હરાવનાર માત્ર ચોથા ભારતીય છે.
First classical win for Praggnanandhaa against Magnus Carlsen. What more to say?
This victory marks a significant milestone in Praggnanandhaa’s career. Congratulations! 🌟#NorwayChess pic.twitter.com/ZrCHVexis8
— Norway Chess (@NorwayChess) May 29, 2024
પ્રજ્ઞાનંદની બહેન પણ ચમકી
બીજી તરફ, રમેશબાબુ પ્રજ્ઞાનંદની બહેન આર. વૈશાલીએ નોર્વે ચેસની મહિલા વર્ગમાં પોતાનું એકમાત્ર ટોચનું સ્થાન જાળવી રાખ્યું છે. વૈશાલીએ ઈવેન્ટમાં પોલ પોઝીશન હાંસલ કરી છે.
After three rounds at the Norway Chess 2024, the brother sister duo have taken pole position! It’s still a long way to go in the tournament with 7 rounds to be played. But Pragg and Vaishali are proving surely and steadily that they are the absolute best in the world of chess.… pic.twitter.com/L0oK7KdLlV
— ChessBase India (@ChessbaseIndia) May 30, 2024
પ્રજ્ઞાનંદ ક્રિકેટ પણ રમે છે
પ્રજ્ઞાનંદ માત્ર 10 વર્ષની ઉંમરે ઈન્ટરનેશનલ માસ્ટર બન્યા હતા. તે સમયે આવું કરનાર તે સૌથી યુવા વ્યક્તિ હતા. 12 વર્ષની ઉંમરે, પ્રજ્ઞાનંદ ગ્રાન્ડમાસ્ટર બન્યા હતા. તે સમયે તેઓ આવું કરનાર બીજો સૌથી યુવા ખેલાડી હતા. અનુભવી ખેલાડી વિશ્વનાથન આનંદે તેને માર્ગદર્શન આપ્યું છે. પ્રજ્ઞાનંદને ક્રિકેટ ગમે છે અને જ્યારે પણ સમય મળે ત્યારે તે મેચ રમવા જાય છે.
આ પણ જુઓ: વિરાટ કોહલીની ટીકા કરવા બદલ કોમેન્ટેટરને મળી મારી નાખવાની ધમકી
