‘આદિપુરુષ’નું ટ્રેલર રિલીઝ, ભગવાન રામના અવતારમાં પ્રભાસને જોઈ ચોંકી જશો

HD ન્યુઝ ડેસ્કઃ પ્રભાસ અને કૃતિ સેનન અભિનીત ઓમ રાઉતની ફિલ્મ “આદિપુરુષ” આ વર્ષની સૌથી વધુ રાહ જોવાતી ફિલ્મોમાંની એક છે. ઘણા વિવાદોનો સામનો કરી ચૂકેલી આ ફિલ્મની રિલીઝની ચાહકો આતુરતાથી રાહ જોઈ રહ્યા છે. આ બધાની વચ્ચે મેકર્સે આજે ‘આદિપુરુષ’નું દમદાર ટ્રેલર રિલીઝ કર્યું છે, જેને જોરદાર રિસ્પોન્સ મળી રહ્યો છે.

ટ્રેલરની શરૂઆત:

ટ્રેલર સ્ટાર્ટ થતાની સાથે જ ગૂઝબમ્પ્સ ઉભા થઈ જાય છે. ટ્રેલરની શરૂઆત મગલ ભવન અમંગલહરીના બેકગ્રાઉન્ડ મ્યુઝિકથી થાય છે. આ પછી, એક અવાજ સંભળાય છે જેમાં ભગવાન રામનો મહિમા વર્ણવવામાં આવે છે.

જીવંત રામાયણની આ કથા છે: 

આ સાથે પ્રભાસ ભગવાન રામના રૂપમાં જોવા મળે છે, જે ખૂબ જ શક્તિશાળી લાગે છે. એકંદરે આદિપુરુષનું આ ટ્રેલર ખૂબ જ દમદાર છે. ટ્રેલરને લૉન્ચ થયાની 5 મિનિટમાં જ લાખો વ્યૂઝ મળ્યા હતા.

રિલીઝ પહેલા તે સોશિયલ મીડિયા પર પણ લીકઃ

જો કે ટ્રેલરની સત્તાવાર રિલીઝ પહેલા તે સોશિયલ મીડિયા પર પણ લીક થઈ ગયું હતું. હકીકતમાં, નિર્માતાઓએ હૈદરાબાદમાં ટ્રેલરની સ્પેશિયલ સ્ક્રીનિંગ ગોઠવી હતી. આ ઘટનાનો એક વીડિયો હાલ સોશિયલ મીડિયા પર વાયરલ થઈ રહ્યો છે. વાસ્તવમાં એક ચાહકે ટ્રેલરના તેલુગુ વર્ઝનનો વીડિયો લીધો અને તેને સોશિયલ મીડિયા હેન્ડલ પર લીક કરી દીધો.

‘આદિપુરુષ’માં ‘ભગવાન રામ’ના રોલમાં પ્રભાસ, ‘માતા સીતા’ના રોલમાં કૃતિ સેનન અને ‘રાવણ’ના રોલમાં સૈફ અલી ખાન જોવા મળશે. આ ફિલ્મ 16 જુનના રોજ રીલીઝ થવાની છે.

આ પણ વાંચોઃ કોઈ ફિલ્મ ટેક્સ ફ્રી થાય તો કેટલા રુપિયા ટિકીટ સસ્તી થાય? જાણો અહીં