પ્રભાસે સાઈન કરી 3 મોટી ફિલ્મો, ટોપ લેવલ સિનેમાના લક્ષ્ય સાથે એક જ બેનર હેઠળ મચાવશે ધૂમ

• આ વર્ષની સૌથી વધુ કમાણી કરનાર ફિલ્મનો રેકોર્ડ પણ બાહુબલી ફેમ પ્રભાસના નામે છે

મુંબઈ, 8 નવેમ્બર: સાઉથનો સુપરસ્ટાર પ્રભાસ આ દિવસોમાં ક્વોલિટી સિનેમા પર ઘણું ફોકસ કરી રહ્યો છે. તાજેતરમાં પ્રભાસે સારી સ્ક્રિપ્ટ્સ માટે એક પ્લેટફોર્મ લોન્ચ કર્યું છે અને હવે પ્રભાસે હોમ્બલે ફિલ્મ્સ સાથે 3 ફિલ્મો માટે કરાર સાઈન કર્યો છે. હોમ્બલે ફિલ્મ્સે આ માહિતી આપી છે. જેમાં કહેવામાં આવ્યું છે કે, આ મોટા કરારમાં સાલાર પાર્ટ 2 સાથે વધુ બે ફિલ્મોનો સમાવેશ થાય છે જે એક પછી એક રિલીઝ થશે. કોઈપણ અભિનેતા અને પ્રોડક્શન કંપની વચ્ચે આ અત્યાર સુધીની સૌથી મોટી ડીલ માનવામાં આવે છે, જે પ્રભાસ અને હોમ્બલે ફિલ્મ્સ બંને માટે નવી અને મોટી તકો લાવશે.

𝐌𝐚𝐝𝐞 𝐢𝐧 𝐈𝐧𝐝𝐢𝐚 𝐚𝐧𝐝 𝐁𝐮𝐢𝐥𝐭 𝐭𝐨 𝐋𝐚𝐬𝐭!#PrabhasXHombal3Films

We are proud to unite with the Rebel Star, #Prabhas, in a groundbreaking three-film partnership that celebrates the essence of Indian cinema and aims to take it to the world. This is a declaration of… pic.twitter.com/E4osJGaMgR

— Hombale Films (@hombalefilms) November 8, 2024

મોટી-મોટી ફિલ્મોનો સમાવેશ

હોમ્બલે ફિલ્મ્સ હાઈ ક્વોલિટીવાળા પ્રોજેક્ટ્સની મજબૂત લાઇનઅપ બનાવી રહી છે, જે ભારતીય પ્રેક્ષકો સુધી ટોચના સ્તરના સિનેમાને લાવવાના તેમના કમિટમેંટને પ્રતિબિંબિત કરે છે. નાની શરૂઆત કરીને, હોમ્બલે એક પ્રોડક્શન હાઉસ બની ગયું છે જે તેની સફળ અને સાંસ્કૃતિક રીતે અર્થપૂર્ણ ફિલ્મો માટે જાણીતું છે. KGF ચેપ્ટર 1, KGF ચેપ્ટર 2, કંતારા અને સલાર 1 જેવી વિશ્વવ્યાપી હિટ ફિલ્મો પછી, તેમની પાસે હવે એક આકર્ષક લાઇનઅપ છે જેમાં મચ અવેટેડ કંતારા 2 અને KGF ચેપ્ટર 3 તેમજ સુપરસ્ટાર પ્રભાસની નવી ફિલ્મોનો સમાવેશ થાય છે.

પ્રભાસની આ ફિલ્મો રિલીઝ માટે તૈયાર

ભારતના સૌથી લોકપ્રિય સુપરસ્ટાર પૈકીના એક પ્રભાસ પાસે ઘણી મોટી ફિલ્મો છે, જેમ કે હોમ્બલે ફિલ્મ્સ સાથે સાલાર 2, રાજા સાબ, સ્પિરિટ, કલ્કી 2 અને ફૌજી. હોમ્બલે સાથેની આ ડીલ પ્રભાસને ચાર ફિલ્મોમાં કામ કરવાની તક આપે છે. પ્રભાસ જેવા વ્યસ્ત સ્ટાર સાથે સતત ત્રણ પ્રોજેક્ટ મેળવવા એ એક મોટી સફળતા છે, જે બંને વચ્ચેનો મજબૂત વિશ્વાસ દર્શાવે છે. પ્રભાસની ગણતરી હાલમાં સૌથી લોકપ્રિય અભિનેતાઓમાં થાય છે, કારણ કે તેણે એકલા હાથે તમામ મોટા ફિલ્મ ઉદ્યોગોને જોડ્યા છે. તે હિન્દી, તમિલ, તેલુગુ, મલયાલમ અને કન્નડ માર્કેટમાંથી જબરદસ્ત બિઝનેસ લાવે છે, જે અન્ય કોઈ અભિનેતા કરી શક્યા નથી.

આ પણ જૂઓ: દીકરી દુઆ સાથે પહેલીવાર સ્પૉટ થયા રણવીર-દીપિકા, વાયરલ થયો વીડિયો